ბრძენი და ძლევამოსილი ზორდონის მიერ ყოვლისშემძლე რეინჯერების ჩამოყალიბებიდან ოცდაათი წლის შემდეგ, გუნდი მათთვის ნაცნობი საფრთხის წინაშე აღმოჩნდება. ახლა გლობალური კრიზისის დროს, მათ კიდევ ერთხელ მოუწევთ გახდნენ გმირები.
ჩაპი ვუნდერკინდია. როგორც ნებისმიერი ბავშვი, ისიც ადვილად ექცევა გარშემომყოფთა გავლენის ქვეშ, მაგრამ არის ერთი რამ, რაც განასხვავებს ჩაპის სხვებისგან. ის პირველი მოაზროვნე რობოტია, რომელსაც გრძნობები გააჩნია…
MTV-ის მულტსერიალზე “ბივესი და ბათჰედი” დაფუძნებული, ანიმაციური ფილმის “ბივესი და ბათჰედი იპყრობენ ამერიკას” სიქველი, რომელშიც მოვლენები თავდაპირველად 1998 წელს ვითარდება, როდესაც ბივესი და ბათჰედი ადგილობრივი გმირები გახდებიან მათ ქალაქში. ერთი წლის შემდეგ, დიდებით და სიმდიდრით გათამამებულ გმირებს თაღლითობისთვის აპატიმრებენ და კოსმოსურ ბანაკში აგზავნიან, სადაც NASA-ს კოსმოსურ მისიაში იღებენ მონაწილეობას. მაგრამ ყველაფერი თავდაყირა დადგება, როდესაც ისინი მოგზაურობენ შავი ხვრელის გავლით და ტელეპორტირდებიან 2022 წელში.
ფილმში მოქმედება მეოთხე ეპიზოდამდე 32 წლით ადრე ხდება. გალაქტიკათაშორისი სავაჭრო ფედერაცია მშვიდობიანი პლანეტა ნაბუს დაპყრობას ცდილობს. ახალგაზრდა დედოფალი ამიდალა ჯედაის რაინდების დახმარებით იბრძვის მშობლიური პლანეტის დასაცავად.
კეთილი იყოს თქვენი მობრძანება ცოდვილთა ქალაქში. ეს ქალაქი იხმობს ძლიერებს, გარყვნილებს, გულგატეხილებს. ზოგი მას ბნელს უწოდებს... ცინიკოსები. ზოგიერთი მას სახლად მიიჩნევს - კორუმპირებული პოლიციელები, სექსუალური ქალბატონები, სასოწარკვეთილი სამართლიანობის მაძიებლები. ზოგიერთს შურისძიება სწყურია, სხვებს ვნება, არიან ისეთებიც, რომელნიც არცერთზე არ იტყოდნენ უარს. იმედგაცრუებული და საეჭვო გმირების შესახებ, რომლებიც ჯერ კიდევ ცდილობენ, სწორად მოიქცნენ ქალაქში, რომელსაც ეს სულაც არ ადარდებს.
დართ ვეიდერი მეორე "სიკვდილის ვარსკვლავს" ქმნის. ის ყველა ძალას იკრებს, რათა ამ სასიკვდილო იარაღით უკანასკნელი გამანადგურებელი დარტყმა მიაყენოს აჯანყებულებს და მათ მოკავშირეებს.
ეპიკური საგის გაგრძელება. გალაქტიკის ბრძოლა ბოროტი იმპერატორის წინააღმდეგ გრძელდება. პრინცესა ლეა იმპერიის ჯარების გამანადგურებელ შეტევას გადაურჩა. ლიუკ სქაიოუქერი ლეგენდარულ იოდას პოულობს და მისგან ჯედაის საიდუმლოებებს სწავლობს.
გალაქტიკური იმპერიის მოსახლეობა პროტესტს უცხადებს დიქტატორულ ხელისუფლებას, რომელიც მათ სამყაროზე მბრძანებლობს. აჯანყებულები იმპერატორზე თავდასხმისათვის ემზადებიან, ისინი იბრძვიან თავისუფლების მოსაპოვებლად...
პლანეტა პანდორას მკვიდრ ნა’ვი-ს ჰუმანოიდთა რასის ავატარის სხეულში მყოფი დედამიწელი ყოფილი ჯარისკაცის ჯეიკ სალის და მისი ცხოვრების თანამგზავრის ნეიტირის ამბის გაგრძელება, რომელიც მათი სიყვარულის და მათი ახალი ოჯახის შესახებ მოგვითხრობს, რომლებიც ყველაფერს აკეთებენ ერთად დარჩენისთვის. თუმცა, როდესაც ადრე დაწყებულის დასასრულებლად, ძველი საფრთხე დაბრუნდება, ჯეიკი თავისი პლანეტის დასაცავად ნეიტირისთან და ნა’ვი-ს რასის არმიასთან უნდა გაერთიანდეს, სადაც ახლა ისინი იძულებულნი არიან დატოვონ სახლი და შეისწავლონ პანდორას სხვადასხვა რეგიონები...
სამეცნიერო ფანტასტიკა, ჩინური წარმოშობის ამერიკელი მისის ვანის შესახებ, რომლის ცხოვრება თავდაყირა დადგება, როდესაც გადასახადების გადახდისას მოულოდნელად მბრუნავი საოფისე სკამიდან პირდაპირ მულტისამყაროში მოხვდება. მთავარი გმირი ალტერნატიულ სამყაროდან თავის ქმარს ხვდება, რომელიც მას ეუბნება, რომ მან უნდა შეაჩეროს “დიდი ბოროტება”, რომელიც თითოეულ პარალელურ სამყაროში ვრცელდება და ახლა ის ერთადერთია, ვისაც შეუძლია გადაარჩინოს სამყარო გარდაუვალი სიკვდილისგან...
იზოლირებული კუნძულის კურორტზე ყოფნისას ახალგაზრდა ჯეიმსი და ემი სიამოვნებას განიცდიან იდეალური დასვენებით ხელუხლებელ სანაპიროზე, მისი გამორჩეული პერსონალით და ზაფხულის თაკარა მზით. მაგრამ მაცდუნებელი და იდუმალი გაბის ხელმძღვანელობით, ისინი კურორტის საზღვრებს მიღმა გადიან და ძალადობით, ჰედონიზმითა და ენით აუწერელი საშინელებებით სავსე კულტურის ცენტრში აღმოჩნდებიან. ტრაგიკული უბედური შემთხვევა მათ აყენებს ნულოვანი ტოლერანტობის პოლიტიკის წინაშე დანაშაულთან მიმართებაში: ან სიკვდილით დაისაჯებით, ან თუ საკმარისად მდიდარი ხართ, შეგიძლიათ უყუროთ როგორ კვდება თქვენი ცხოვრება.
დედოფალი რამონდა, შური, მ’ბაკუ, ოკოი და დორა მილაჯი მსოფლიო ძალებს საკუთარი ერის დასაცავად ებრძვიან მეფე თიჩალას სიკვდილის შემდეგ. სანამ ვაკანდელები საკუთარი მომავლისთვის იბრძვიან, გმირები უნდა გაერთიანდნენ ომის მცველი ნაკიას და ევერეტ როსის დახმარებით და ვაკანდის სამეფოსთვის ახალი გზა გაკაფონ...
სათამაშოების კომპანიის გენიოსი თანამშრომელი იყენებს ხელოვნურ ინტელექტს, რათა შექმნას მეგანი - ადამიანის მსგავსი თოჯინა, რომელიც მის ახლადდაობლებულ დისშვილს ემოციურად უნდა დაუახლოვდეს. თუმცა თოჯინის პროგრამას ხარვეზი აღმოაჩნდება და ახალი მეგობრის მიმართ ზედმეტ მზრუნველობას გამოიჩენს, რასაც სახიფათო შედეგები მოჰყვება...
როცა სესილიას მოძალადე ყოფილი ქმარი თავს მოიკლავს და მთელ ქონებას მას დაუტოვებს, გოგონა ხვდება, რომ ეს რაღაც მახეა. როცა უჩვეულო დამთხვევები ლეტალური ხდება, სესილია ცდილობს, დაამტკიცოს, რომ მასზე რაღაც უხილავი ნადირობს...
2018 წლის “იურიული სამყარო 2: დაცემული სამეფო“ -ს მოვლენების შემდეგ, დინოზავრები მთელ პლანეტაზე გავრცელდებიან, რაც საგრძნობლად შეცვლის მოსოფლიოს, სადაც ადამიანები იძულებულნი არიან მათთან ერთად იცხოვრონ ან მოკვდენ. დინოზავრების შექმნის ტექნოლოგია, ნებისმიერი ტექნოლოგიის ღია წყარო გახდება, ახლა ჰენრი ვუ ერთადერთი არ არის, ვინც მას ფლობს. შედეგად, კომპანიებმა შეძლეს დინოზავრების შექმნა, რომლებიც გადაშენებულ წინაპრებთან უფრო ახლოს არიან, ვიდრე InGen კლონები. კლერ დირინგი და ოუენ გრედი, ახალგაზრდა მეისი ლოკვუდზე ზრუნავენ, და პასუხისმგებლობას იზიარებენ ყველაფერ მომხდარზე. მაგრამ სამმა ადამიანმა, რომელბიც ისლა ნუბლარზე და ისლა სორნზე იმყოფებოდნენ, კლერს და ოუნეს უნდა უჩვენონ, რომ სიცოცხლემ იპოვა გზა იმ ადგილისკენ, სადაც დინოზავრებს შეუძლიათ გამრავლება, ცხოვრება და განვითარება. თუმცა, ცოტამ თუ იცის, რომ სხვა პრეისტორიული ცხოველები უკვე გზაში არიან. როდესაც ახალგაზრდა მეისის დინო-ბრაკონიერები გაიტაცებენ, ოუენი და კლერი მის მოსაძებნად და გადასარჩენად მიდიან. მათი თავაგადასავალი გმირებს გლობალური კორპორაციის მიერ, შესაძლო საშინელი პროგრამით მართულ, დინოზავრების საარსებო გარემოში მიიყვანს, რომელსაც ალან გრანტი და ელი სატლერი იკვლევენ...
დედამიწის ეკოსისტემის რღვევის შემდეგ ვესპერი, 13 წლის გოგონა, პარალიზებულ მამასთან ერთად გადარჩენას ცდილობს. ის გაიცნობს ქალს, რომელსაც საიდუმლო აქვს და აიძულებს მას, გამოიყენოს საკუთარი გონიერება, ძალა და ჰაკერული უნარები, რათა მომავლის შესაძლებლობისთვის ბრძოლა შეძლონ...
ახალგაზრდა ჩარლი კინკეიდი საკუთარი სახლის ქვეშ სუპერგმირის საიდუმლო შტაბს აღმოაჩენს. ამ ამბის მეგობრებისთვის გაზიარების შემდეგ ყველა ფიქრობს, რომ ჩარლის მამა შესაძლოა, ორმაგი ცხოვრებით ცხოვრობდეს...
დაუნდობელი ჰელას მიერ მისი სამშობლოს განადგურებისა და ასგარდიული ცივილიზაციის სიკვდილის შემდეგ, თორი სამყაროს მეორე მხარესაა პატიმრობაში და დროის წინააღმდეგ ბრძოლაში ერთვება, რათა ასგარდთან დაბრუნდეს რაგნაროკის შესაჩერებლად...
სამეცნიერო ფანტასტიკური თრილერი, რომელშიც მოვლენები უახლოს მომავალში ვითარდება და ორი მსჯავრდებულის შესახებ მოგვითხრობს, რომლებსაც სასჯელის შემსუბუქების სანაცვლოდ რადიკალურად ახალი პრეპარატის გამოცდის ექსპერიმენტში მონაწილეობას სთავაზობენ. გმირებს სპეციალურ საპყრობილეში აგზავნიან, რომელსაც შეშლილი მეცნიერი მართავს. ამგვარად, ის პატიმრებზე სხვადასხვა ექსპერიმენტებს ატარებს, კერძოდ ნარკოტიკებს ტესტავს, რომლებიც მათ გონებას აკნტროლებს და გავლენას ახდენს ემოციებზე...
როცა მის ტომს საფრთხე დაემუქრება, უშიშარი და გაწაფული კომანჩი მეომარი ნარუ საკუთარი ხალხის დასაცავად გაემართება. თუმცა ნადირი, რომელსაც ის ეძებს, აღმოჩნდება განვითარებული უცხოპლანეტელი მტაცებელი მაღალტექნოლოგიური არსენალით...
ნიუ-ორკის ამბების შემდეგ სტივ როჯერსი ცდილობს შეეჩვიოს ახალ სამყაროს და წყნარად ცხოვრობს ვაშინგტონში, მაგრამ როცა კორპორაცია S.H.I.L.D-ზე განახორციელდება თავდასხმა, როჯერსი გაიხლართება ინტრიგების ქსელში, რომელიც მთელ სამყაროს განადგურებით ემუქრება. როცა ამბები ოდნავ დაწყნარდება, კაპიტანი ამერიკა, შავი ქვრივი და ქორი შეებრძოლებიან მორიგ მოულოდნელ მტერს - ზამთრის ჯარისკაცს.
მოვლენები უახლოეს მომავალში ვითარდება და ახალგაზრდა სარას შესახებ მოგვითხრობს, რომელიც მოულოდნელად გაიგებს, რომ ის უკურნებელი სენით არის დაავადებული. ახლა სიკვდილის წინ საყვარელ ადამიანებს მისი დაკარგვით გამოწვეული ტკივილი, რომ შეუმსუბუქოს, გოგონა საკუთარი თავის კლონირების პროცედურის გავლას გადაწყვეტს. მაგრამ შემდეგ სარა სასწაულებრივად გამოჯანმრთელდება, რაც მას ახალ პრობლემას გაუჩენს, რადგან მომავლის საზოგადოებაში ადამიანებს უფლება არ აქვთ იარსებონ მათი კლონებისთვის დაწესებულ სიცოცხლეზე მეტ ხანს...
ანიმაციური ფილმი, საოცარი ხელოვნური ინტელექტის – მოსიარულე და მოსაუბრე რობოტების შესახებ, რომლებიც მთელს მსოფლიოში ბავშვებს ეძებენ, რათა მათი მეგობრები გახდნენ. ღარიბ ოჯახში მცხოვრები 11 წლის ბიჭის, ბარნის ერთ-ერთი ასეთი რობოტი-მეგობარი, სახელად რონი გახდება, რომელიც შეზღუდული ფუნქციების მქონე უხარისხო მოდელი აღმოჩნდება. ბიჭი მალე ხვდება, რომ მისი რობოტი არასწორად მუშაობს. ამიტომ გაუმართაობის კომპესირებისთვის ახალგაზრდა მთავარი გმირი გადაწყვეტს რონის ყველაფერი ასწავლოს, რაც მან უნდა იცოდეს. ახლა მას უწევს გაარკვიოს კომპიუტერების და ინტერნეტის სამყაროში, როგორია ნამდვილი მეგობრობის ფასი, რაც საბოლოოდ მათი ლამაზი, მხიარული და ამაღელვებელი მეგობრობის დასაწყისი გახდება...
ფილმში მოვლენები 2135 წელს ვითარდება. კაცობრიობამ მხოლოდ სასწაულით გაუძლო უცხოპლანეტელების რასის ორ შეტევას და ემზადება მორიგი შეტევისთვის. პილოტების და მეთაურების ძიებისთვის, რომლებიც შეძლებენ დედამიწის გადარჩენას, იქმნება ახალი სამხედრო სკოლა, სადაც ასწავლიან ყველაზე ნიჭიერ ბავშვებს ადრეული ასაკიდან. ამ ბავშვებს შორის არის ენდრიუ ვიგინი - დედამიწის საერთაშორისო ფლოტის მეთაური და კაცობრიობის გადარჩენის ბოლო იმედი...
ედი ბროკი ცდილობს საკუთარი კარიერის დაბრუნებას სერიული მკვლელის - კლეტუს კესიდისგან ინტერვიუს აღებით, რომელიც ხდება სიმბიოტი ქარნიჯის მასპინძელი და გარბის ციხიდან წარუმატებელი სიკვდილით დასჯის შემდეგ...
ადამიანი-ობობას ფილმების ისტორიაში პირველად ჩვენი სამეზობლოს მეგობრული გმირი ნიღაბს იხსნის და მისი ჩვეული ცხოვრება და სუპერგმირობის ტვირთი ერთმანეთში იხლართება. როცა ის დახმარებას დოქტორ სტრეინჯს სთხოვს, ყველაფერი უფრო სახიფათო ხდება. მალე კი აღმოაჩენს, თუ რას ნიშნავს რეალურად იყო ადამიანი-ობობა...
მას შემდეგ, რაც საშინელი ვირუსული პანდემია მთელ მსოფლიოს გაანადგურებს, გადარჩენილი ადამიანები იძულებულები არიან ებრძოლონ ძლიერად შეიარაღებულ ფანატიკოსთა ჯგუფს, რომლებიც თვლიან, რომ ისინი იფარებენ ახალგაზრდა ქალს, რომელიც გადამწყვეტ როლს ასრულებს ვირუსის დამარცხებასა და მსოფლიოს მოწესრიგებაში…
ერთ დროს გიგანტი ფარმაცევტული კომპანია „ამბრელა კორპორეიშენის“ მშობლიური ქალაქი, რაკუნ სითი, დასავლეთის ცენტრალურ მომაკვდავ ქალაქად იქცა. კომპანიის დახურვამ ქალაქი ნანგრევებად აქცია, სადაც უზარმაზარი ბოროტება მძვინვარებს. ბოროტი ძალების გამოჩენის შემდეგ ქალაქის მოსახლეობა სამუდამოდ იცვლება. გადარჩენილთა პატარა ჯგუფებმა კი ერთად უნდა იმოქმედონ, რათა „ამბრელას“ საიდუმლოებები გამოააშკარაონ და მეორე დილამდე მიაღწიონ...
ახალგაზრდა წყვილი სახლის შესაძენად, დახმარებისთვის უძრავი ქონების სააგენტოს მიმართავს. ისინი შეხვდებიან უცნაურ გაყიდვების აგენტს, რომელიც მათ პატარა ოჯახის შესაფერის ახალ, მისტიურ სახლს შესთავაზებს...
13 წლის ადამ რიდი, რომელიც ჯერ კიდევ გლოვობს მამის უეცარ სიკვდილს, ერთ ღამეს თავის ავტოფარეხში დამალულ დაჭრილ პილოტს აღმოაჩენს. ეს იდუმალი პილოტი მისი უფროსი ვერსია აღმოჩნდება მომავლიდან, სადაც დროში მოგზაურობა საწყის ეტაპზეა. მან ყველაფერი გარისკა, რათა უკან დაბრუნებულიყო საიდუმლო მისიით. ახლა ისინი ერთად უნდა წავიდნენ თავგადასავალებით სავსე წარსულში, რათა იპოვონ მამა, გამოასწორონ ყველაფერი და გადაარჩინონ სამყარო. გარდა ამისა, გმირები აღმოაჩენენ, რომ სინამდვილეში მათ არ მოსწონთ ერთმანეთი და თუ ისინი აპირებენ სამყაროს გადარჩენას, ჯერ უნდა გაარკვიონ, როგორ შეეგუონ ერთმანეთს.
„მარადიულნი“ უძველესი უცხოპლანეტელების გუნდია, რომლებიც დედამიწაზე საუკუნეების მანძილზე საიდუმლოდ ცხოვრობენ. მოულოდნელი ტრაგედია მათ ჩრდილიდან გამოსვლას და კაცობრიობის უძველეს მტერთან - უცხოებთან ბრძოლას აიძულებს.
ორი დაბალი რანგის ასტრონავტი უზარმაზარ მედიატურში მიემგზავრება, რათა კაცობრიობა მოახლოებული კომეტის შესახებ გააფრთხილოს, რომელიც დედამიწას გაანადგურებს.
ალტერნატიულ სამყაროსი ჯოკერი მოტყუებით აიძულებს სუპერმენს მეტრპოლისის გაზეთის რეპორტიორის ლოის ლეინის მოკვლას, წარმოუდგენელი ტრაგედია ფოლადის კაცს ახალი სახიფათო აზროვნებისკენ და სასიკვდილო მრისხანებისკენ უბიძგებს, რაც საბოლოოდ სამართლიანობის ლიგის წევრებს ერთმანეთს დააპირისპირებს. იმედგაცრუებული, სუპერმენი კაცობრიობის სასიკეთოდ დედამიწის კონტროლის ხელში აღებას გადაწყვეტს. შედეგად, ბეტმენი მის შესაჩერებლად თავისუფლებისთვის მებრძოლ, თანამოაზრეების გუნდს ქმნის. მაგრამ როდესაც სუპერგმირები ომში მიდიან, შეძლებს თუ არა სამყარო გადარჩენას?
მონადირეების ჯგუფი უკაცრიელ კუნძულზე ადამიანებზე სანადიროდ მიდის, თუმცა მოულოდნელად თავად ჯგუფის წევრები გახდებიან ნადირობის ობიექტი. ყოფილი პოლიციელი ჯეიმს მელოუნი, უვადო სასჯელს იხდის იმ დანაშაულისთვის, რომელიც მას არ ჩაუდენია. მას თავისუფლების მოპოვების შანსი ეძლევა, თუ გადარჩება სასიკვდილო თამაშში, რომელშიც მონადირეების ჯგუფი ფულს იხდის, შორეულ კუნძულზე სხვა ადამიანებზე ნადირობისგან სიამოვნების მისაღებად. მელოუნი წესებს ემორჩილება, და კუნძულზე ხაფანგების შექმნით თუ მონადირეების წინააღმდეგ ფსიქოლოგიური ომის წამოწყებით ნამდვილ კოშმარს უწყობს მათ...
პოსტაპოკალიპტურ დედამიწაზე რობოტი, რომელიც მისი პატრონის საყვარელი ძაღლის დასაცავადაა შექმნილი, სწავლობს ცხოვრებას, სიყვარულს, მეგობრობას და ადამიანობას.
მაქსი ირწმუნება , რომ ის გმირია სხვა განზომილებიდან, რომელიც დროისა და სივრცის მარყუჟის გამოყენებით დედამიწაზე აღმოჩნდა და ძალები დაკარგა. მისი ისტორიის არავის სჯერა, გარდა ერთი ადგილობრივი თინეიჯერის - ჰამსტერისა...
ახალი საუკუნე, ახალი ფანტაზიები. ციფრული მონობა, რომელიც ცოტა ხნის წინ ფანტაზიის ნაყოფი იყო, უკვე რეალობად იქცა. ტოკიოში მცხოვრები ახალგაზრდები ცდილობენ ებრძოლონ ამ მძიმე სენს.
როცა მებაღე-ასტრონავტი უკაცრიელ პლანეტაზე დაეშვება, მას არაამქვეყნიური სტუმარი ეწვევა. ის ახალი ცხოვრების დაწყების ბედნიერებით ტკბება და აღმოაჩენს, რომ სამყარომ მას რაღაც გასაოცარი აჩუქა.
მაშინ, როდესაც ადამიანთა მოდგმის მომავალი კითხვის ნიშნის ქვეშ დგება, ახალგაზრდა კაცებისა და ქალებისგან დაკომპლექტებულ გუნდს ახალი პლანეტის ასათვისებლად გზავნიან...
22 ერთმანეთთან დაკავშირებული ფილმის კულმინაცია და ფინალი მარველის კინემატიკური სამყაროს გრძედისა და განედის კვალდაკვალ. ჩვენი საყვარელი გმირები გაანალიზებენ რამდენად მსხვრევადია რეალობა და რა მსხვერპლის გაღებაა საჭირო იმისთვის, რომ ყველაფერი უკეთესობისკენ შეიცვალოს...
ადამიანების არეულ-დარეულ სამყაროში მრავალი გობლინი ცხოვრობს მშვიდად და წყნარად. ლუო-ქსიაო-ჰეი, კატა-დემონი, აქეთ-იქეთ დახეტიალობს, რადგან სახლი, რომელიც ტყეში ჰქონდა, დაუნგრიეს. ხან კეთილისმსურველი გობლინები გამოჩნდებიან მის ცხოვრებაში, ხანაც პატრონი-ადამიანი. ჰეი დილემის წინაშე დგას - რომელ მხარეს უფრო მიაკუთვნოს თავისი თავი.
დედამიწის სამყაროს გმირებმა გარე სამყაროში უნდა იმოგზაურონ და სამშობლოს გადასარჩენად უნდა იბრძოლონ, რომელსაც ბოროტი ომის მბრძანებლის შაო კანის ძალები დაესხნენ თავს. მათ მოუწევთ იბრძოლონ ტურნირში ყოველგვარი შეჯიბრებების დასასრულებლად - უკანასკნელ სასიკვდილო ორთაბრძოლაში.
მსოფლიოს ახალი შემაძრწუნებელი საფრთხე ემუქრება, სადაც მხოლოდ უშიშარ მდევრებს შეუძლიათ წინააღმდეგობის გაწევა. ფილმი მოგვითხრობს ვესემირის - გერალტის, ცირის და სხვა ჯადოქრების მასწავლებელის და მენტორის, ბავშვობასა და მოზარდობაზე და იმაზე, თუ როგორ გახდა იგი ჯადოქარი...
სახლში მომხდარი მოვლენების შემდეგ, ებოტების ოჯახი გარე სამყაროს ტერორის წინაშე აღმოჩნდება. უცხო მიწებზე იძულებით მოგზაურობისას აღმოაჩენენ, რომ მხოლოდ იმ ურჩხულების არ უნდა ეშინოდეთ, რომლებიც ხმაზე რეაგირებენ...
