დრამატული კომედია, იმედგაცრუებული ახალგაზრდა მოდის დიზაინერი გოგონას - სარას შესახებ, რომელიც იმ დროს, როცა მის დას ლუსის ცხოვრებაში გაუმართლა, თავად ცუდი იღბალით იტანჯება და თავის წარუმატებლობას ცუდ კარმას აბრალებს. თუმცა, ერთ მშვენიერ დღეს, ბედი მას თავის დასთან დააპირისპირებს, და მთელი რიგი მოვლენების და გაერთიანების სერია, მთავარ გმირს რადიკალურ გადაწყვეტილებამდე მიიყვანს…
ფილმი "სახიფათო კავშირები" შოდერლო დე ლა კლოს თხზულების მიხედვითაა გადაღებული და მოქმედება მე-18–ე საუკუნეში ვითარდება. მარკიზა დე მერტელი ვიკონტ დე ვალმონს სთხოვს მისი ყოფილი საყვარლის საცოლე შეაცდინოს, სამაგიეროდ კი მასთან ღამის გატარებას ჰპირდება. თავდაპირველად ყველაფერი გეგმის მიხედვით მიდის და სასიყვარული სამკუთხედიც იკვრება.
კრისი წარმატებული მუსიკალური პროდიუსერია ლოს-ანჯელესში, მაგრამ მის ცხოვრებაში ყოველთვის ასე კარგად არ ყოფილა ყველაფერი. სკოლაში ის ძალიან მსუქანი და ამის გამო მორიდებულიც იყო. ერთადერთი ნათელი მოგონება სკოლის დროინდელი პერიოდისა - ჯეიმია, რომელიც მას უყვარდა. ერთხელაც, კრისი შემთხვევით ხვდება ჯეიმის და გრძნობს, რომ ის ძველებურად უყვარს.
ცხელი ზაფხული საფრანგეთის სამხრეთში, ახალგაზრდა სცენარისტი ამინი დროებით მშობლიურ მხარეში ბრუნდება. ბიძაშვილები, მეგობრები, სტუდენტები ნიცადან - ყველანი აქ იკლავენ წყურვილს, ცეკვავენ, ზღვაში ბანაობენ და კავდებიან სიყვარულით. ოფელიას ტონი უყვარს, მაგრამ კლემანზეა დანიშნული. შარლოტანსაც უყვარს ტონი, ტონის ქალები უყვარს, ისევე როგორც სელინი, მაგრამ სელინს გიჟური წვეულებები უფრო უყვარს. ამ ზაფხულის სიგიჟეში ამინი იწყებს სიყვარულის ძიებას...
ომიდან სახლში მიმავალი პოლი მატარებელში ერთ გოგონას გაიცნობს, რომელიც კოლეჯის ცოლიანი პროფესორისგან ბავშვს ელოდება. პოლი გადაწყვეტს მას დაეხმაროს და დესპოტი მამის წინაშე თავი ბავშვის მამად გაასაღოს...
ემა დაკავებული ექიმია, რომელიც საუკეთესო მეგობარ ადამს შეუთანხმდება ჰქონდეთ ურთიერთობა, სადაც მხოლოდ სექსით შემოიფარგლებიან და მათ გრძნობებს ეს არ შეეხება. შეიძლება თუ არა, რომ სექსუალური პარტნიორები საუკეთესო მეგობრებად რჩებოდნენ?
"ედვარდ მაკრატელხელება" ტიმ ბარტონის და ჯონი დეპის კლასიკური ნამუშევარია, სადაც პატარა ქალაქში, უცნაური, შეუმდგარი მეცნიერი ექსპერტი ჩადის. ამერიკის შუაგულის მაცხოვრებლების და მათი უცხო ადამიანების მიმართ შიშის შესახებ გადაღებული სატირა. ჯადოსნური ზღაპარი მარტოობაზე, სწავლაზე და სიყვარულზე.
1983 წელი. ელიო ჩვიდმეტი წლისაა და ზაფხულს ის ვილაზე მშობლებთან ატარებს, ამერიკელ პროფესორსა და იტალიელ თარჯიმანთან. ელიო ზაფხულის დღეებს პლიაჟზე სიარულში, მეგობარ გოგონასთან გართობაში, კითხვასა და კლასიკური მუსიკის მოსმენაში ატარებს. მის დასვენებას ოლივერის, ახალგაზრდა ამერიკელი მეცნიერის, მამამისის მეგობრის ჩამოსვლა დაარღვევს...
ზაფხულის არდადეგებზე ესპანეთში ყოფნისას, ორ მეგობარ გოგონას ერთიდაიგივე მხატვარი შეუყვარდება და არც კი ეჭვობენ, რომ სადაცაა მხატვრის ყოფილი მეუღლე გამოჩნდება, რომელთანაც მას მგზნებარე ურთიერთობა აკავშირებს...
ოლივერ ასაიასი, გას ვან სენტი, უეს ქრეივენი და ალფონსო კუარონი იმ ოც გამორჩეულ რეჟისორთა რიცხვში არიან, რომლებმაც 18 სხვადასხვა ისტორიით პარიზის ცხოვრება ერთმანეთისგან განსხვავებული კუთხით დაგვანახეს...
რომანტიკოსი მწერალი, რომელიც დარწმუნებულია, რომ 1920-იან წლებში უნდა ეცხოვრა, შეყვარებულთან ერთად პარიზში ჩამოდის და წარსულში ხვდება. ის იქ ჰემინგუეის, პიკასოს, ცოლ-ქმარ ფიცჯერალდებს და გერტრუდა სტაინს ხედავს და ხვდება, რომ სწორედ ამ დროებას მიეკუთვნება და იქ სამუდამოდ დარჩენა უნდა...
მას შემდეგ, რაც ახალგაზრდა ქალი უკვე 27-ჯერ იყო მეჯვარე, ის ცუდ მდგომარეობაში აღმოჩნდება, რადგან საკუთარი დის გვერდით მოუწევს დგომა, რომელიც ცოლად იმ მამაკაცს მიყვება, რომელიც მას მალულად უყვარს...
ენის აწეწილი ცხოვრება აქვს, მაგრამ როდესაც გაარკვევს, რომ მისი ბავშვობის მეგობარი დანიშნულია, ის ვალდებულია მისი მეჯვარე იყოს. მისი გულგატეხილობის და სევდის მიუხედავად ის ყველაფერს აკეთებს, რომ მეგობრის ქორწილმა იდეალურად ჩაიაროს...
სარა დესენის ამავე სახელწოდების თინეიჯერულ რომანზე დაფუძნებული რომანტიკული დრამა, ახალგაზრდა გოგონას ოდენის შესახებ, რომელიც კოლეჯში წასვლამდე ზაფხულში იდუმალ ბიჭს ილაის ხვდება, რომლესაც უძილობა აწუხებს, და ის გოგონას ღამის მეგზური ხდება. სანამ ზღვისპირა ქალაქ კოლბის სძინავს, ისინი ერთად ღამის მოგზაურობაში მიდიან, რათა დაეხმაროს ოდენს განიცადოს მხიარული და უდარდელი თინეიჯერული ცხოვრება, რომელიც არასოდეს იცოდა, რომ სურდა. ახლა, ზაფხულის ღამეების გაუთავებელი მარაგით, მათ შორის თითქმის ყველაფერი შეიძლება მოხდეს…
18 წლის რომ გახდა მისი სახელი ყველას პირზე ეკერა. 26 წლის ასაკში, კი მისი სახელი გარდაცვალების მოწმობაში ჩაიწერა. 70-იან წლებში ამ ქალს მსოფლიო პოდიუმის დედოფალს ეძახდნენ. მანამდე კი, ჯია კარანჯი ჩვეულებრივი გოგონა იყო, რომელიც პატარა კაფეში ჭურჭლის მრეცხავად მუშაობდა. მის დაბადებასა და სიკვდილს შორის იყო მხოლოდ მოკლე სიცოცხლის ამოსუნთქვა, რამაც ყველაფერი ერთად მოუვლინა: აღმაფრენა, დაცემა, გატეხილი სიყვარული, სახელი, ფული, ნარკოტიკები...
მუსიკის სფეროში მოღვაწე ჟურნალისტი თავის საოცნებო სამსახურს იშოვნის და სან-ფრანცისკოში გადადის საცხოვრებლად, როდესაც მისი ბოიფრენდი, რომელთანაც 9 წლის ურთიერთობა აკავშირებს, გამოუცხადებს, რომ მის მიტოვებას აპირებს. ამ ტკივილის გადასატანად ორ მეგობართან ერთად გიჟურ თავგადასავალს მოიწყობს ნიუ იორკში...
გენეტიკური დაავადების შედეგად, სიმპათიური ბიბლიოთეკარი ჰენრი დეტემბლი შემთხვევით დროში გადაინაცვლებს. იგი ხვდება მისი სასიყვარულო ცხოვრების სხვადასხვა მომენტებში, სადაც მას ულამაზესი მსახიობი, კლერ ებშაირი უყვარდა...
პრინსტონის უნივერსიტეტი: ჯონ ნეში იღწვის, რათა თავისი ღირსეული წვლილი შეიტანოს მათემატიკის სამყაროში. ის აკეთებს რევოლუციურ აღმოჩენას, რაც საბოლოოდ ნობელის პრემიას მოუტანს. უნივერსიტეტის დამთავრების შემდეგ ჯონი ლექტორად ბრუნდება და რომანტიკული გრძნობით განიმსჭვალება თავისი სტუდენტის ალისიას მიმართ. ამავე პერიოდში მთავრობა მას საბჭოთა კოდების გაშიფრვაში დახმარებას სთხოვს, რაც ცოტა ხანში მას სახიფათო კონსპირაციაში ჩაითრევს. თანდათან ნეში უფრო და უფრო პარანოიდალური ხდება, ბოლოს კი მიდის ისეთ აღმოჩენამდე, რაც მის სამყაროს თავდაყირა აყენებს. ახლა მხოლოდ ალისიას ძალუძს დაეხმაროს მას, რათა აღიდგინოს სულიერი სიძლიერე და დაიბრუნოს დიდი მათემატიკოსის ის სტატუსი, რომელიც მას აქამდე ჰქონდა...
ჰენრი ქალების მოხიბვლის დიდოსტატია. მაგრამ როცა უჩვეულო ლუსის შეხვდება აღმოაჩენს, რომ შესაძლოა ერთიდაიგივე გოგო ხელახლა რამდენჯერმე შეგიყვარდეს. ეს იმიტომ ხდება, რომ თვალწარმტაც ლუსის მოკლევადიანი მეხსიერება აქვს და ჰენრის ყოველ ჯერზე მისი ხელახლა მოპოვება უწევს, იქამდე სანამ მის გულს საბოლოოდ არ დაიპყრობს...
ჰეიზელი დაავადებულია სიმსივნით. მიუხედავად იმისა, რომ ავადმყოფობამ აქტივაცია დროებით შეაჩერა, მაინც მოწყენილია. ის მხარდამჭერთა ჯგუფში დადის, სადაც ავგუსტ უოტერს გაიცნობს და მომენტალურად შეუყვარდება. მალე ისინი სამოგზაუროდ წავლენ, ეს მოვლენა კი - მათ ბევრ რამეს დაანახებს...
გრეგ ფაკერი მზადაა თავის შეყვარებულზე - პემზე დაქორწინდეს, მაგრამ მანამდე პემის მამის დაზვერვის ყოფილი აგენტის - ჯეკ ბერნსის კეთილგანწყობა უნდა მოიპოვოს. კარგი შთაბეჭდილების მოსახდენად ბერნსების ოჯახში გრეგის სტუმრობა კომიკური თავგადასავლებით აღსავსე აღმოჩნდება და ყველაფერ ამას ჯეკი ფხიზლად ადევნებს თვალს...
გარი და ბრუქი იძულებულნი არიან მათ შორის არსებული უთანხმოების მიუხედავად, კვლავ ერთჭერკვეშ იცხოვრონ. თითოეული მათგანი ყველანაირი ხერხით ცდილობს ბინას საბოლოოდ დაეპატრონოს...
ჯორჯ კლუნი თამაშობს რაიან ბინგემს, მშრალ და ცინიკურ პერსონაჟს, რომელიც შემცირებებზე სპეციალიზირებული თანამშრომელია. რაიანი ჩემოდნით ხელში მოგზაურობს აქეთიქით, მხოლოდ იმ მიზნით, რომ ყოველდღიურად შეამციროს არასასურველი კადრები. მაშინ როდესაც რაიანი ახლოს არის მისი ცხოვრების მიზანთან - გადაფრენილი ჰქონდეს ათი მილიონი მილი, მას გარკვეული ცვლილებები ეღობება გზაზე.
ღარიბი ინდოელი ბიჭის ჯამალ მალიკის ცხოვრების ისტორია, რომელიც "ვის უნდა მილიონი დოლარის" ინდური ვერსიის კონკურსში იღებს მონაწილეობას, იგებს და თაღლითობაშია ეჭვმიტანილი...
"კასაბლანკა"- ყველა დროის კლასიკად აღიარებული ფილმია. ჰემფრი ბოგარტის და ინგრიდ ბერგმანის სასიყვარულო სამკუთხედი ქალაქ კასაბლანკაში, რომელიც ახალი ცხოვრებისთვის უცხოეთში გადახვეწილი ბევრი ადამიანისთვის თავშესაფრად იქცა მეორე მსოფლიო ომის პერიოდში...
ელის ლეისის არ უნდა მშობლიური ირლანდიური სოფლის დატოვება, მაგრამ მაინც მიემგზავრება ამერიკაში სამუშაოს საძებნელად. ბოლოსდაბოლოს ელისი დამკვიდრდება ბრუკლინში. ის თანდათან ინკურნება მშობლიური ირლანდიის ნოსტალგიისგან და სიამუვნებით სუნთქავს თავისუფლების ჰაერს. ამასთან ერთად ელისს შეუყვარდება საკმაოდ სიმპატიური მამაკაცი და თითქოს ყველაფერი კარგადაა, მაგრამ ახალი ამბები ირლანდიიდან აიძულებს მას დაბრუნდეს სამშობლოში, სადაც დაუახლოვდება სხვა მამაკაცს. ელისი იძულებულია გააკეთოს არჩევანი ორ სიყვარულს შორის.
მისტერ არავინ ჩვეულებრივი ცხოვრებით ცხოვრობს, ჰყავს ცოლი ელისი და სამი შვილი, თუმცა, ერთ მშვენიერ დღეს რეალობა ქრება, იგი 2092 წელს 120 წლის ასაკში იღვიძებს და აღმოაჩენს, რომ ყველაზე მოხუცი და ამავე დროს ერთადერთი მოკვდავი ადამიანია მსოფლიოში, სადაც აღარავინ კვდება. მას ეს დიდად არ აწუხებს. იგი თავის თავს ერთადერთ კითხვას უსვამს: იცხოვრა თუ არა სწორი ცხოვრებით, უყვარდა თუ არა ის ქალი, რომელიც უნდა ჰყვარებოდა, და ჰყავდა თუ არა ის შვილები, რომლებიც უნდა ჰყოლოდა. ახლა მისი მიზანი სწორი პასუხის პოვნაა...
მას შემდეგ, რაც საკუთარ დაბადების დღეზე საშინლად დამცირებულად იგრძნობს თავს, ჯენას მხოლოდ ის უნდა, რომ დაიმალოს მანამდე, სანამ 30 წლის გახდება. მისი სურვილი ახდება და ის არაჩვეულებრივი სხეულით, ულამაზესი ბინით, საოცნებო სამსახურითა და პოპულარული მეგობრებით გარშემორტყმული აღმოჩნდება. მაგრამ ჯენა ხვდება, რომ სინამდვილეში ის ერთადერთ ადამიანს ეძებს, მისი ბავშვობის საუკეთესო მეგობარს-მეტს, რომელიც ახლა გაზრდილი და ძალიან შეცვლილია..
რომანტიკული კომედია, ახალგაზრდა შეყვარებული წყვილის, კლერის და ეიდენის შესახებ, რომლებიც დებენ შეთანხმებას, რომ ისინი კოლეჯში წასვლის წინ ერთმანეთს დაშორდებიან სინანულისა და გატეხილი გულების გარეშე. ერთ-ერთ ბოლო ეპიკურ პაემანზე, კლერი და ეიდენი როგორც წყვილი თავიანთ უკანასკნელ ღამეს ატარებენ ერთად, რასაც ახალგაზრდა გმირები ნაცნობ და მოულოდნელ ადგილებში მიჰყავს. იმ დროს როდესაც წყვილი მათი ურთიერთობის ეტაპებს გადის, პირველი გამარჯობიდან და კოცნიდან პირველ ჩხუბამდე, ისინი პასუხების ძიებაში გარდამტეხ მომენტს უახლოვდებიან – ერთად უნდა დარჩნენ თუ სამუდამოდ დაშორდნენ?
2019 წლის თინეიჯერული რომანტიკული კომედიის “მაღალი გოგო“ გაგრძელება საშუალო სკოლაში ყველაზე მაღალი გოგონას ჯოდის შესახებ, რომელიც მის სახლში დაბრუნებასთან დაკავშირებით გამართულ ბალზე შთამაგონებელი გამოსვლის შემდეგ, ახალგაზრდა გმირი აღარ არის მხოლოდ “მაღალი გოგო” – ის ახლა პოპულარული და თავდაჯერებულია, რომელსაც ჰყავს მეგობარი ბიჭი და ახლახანს მიიღო მთავარი როლი წლევანდელ სასკოლო მიუზიკლში. მაგრამ რაც უფრო ძლიერდება მისი ახლად შეძენილი პოპულარობის ზეწოლა, ძლიერდება მისი დაურწმუნებლობა, და ახალი ურთიერთობები ყალიბდება, ხოლო ძველი გამოცდის წინაშე დგება. როდესაც გოგონას მიერ აშენებული სამყარო მის ირგვლივ ნგრევას იწყებს, ჯოდი ხვდება, რომ მოთმინება მხოლოდ დასაწყისია...
მსოფლიო დამარცხებულია შავი ჭირით და გადაშენების ზღვარზეა. მკვდრები დასეირნობენ მიწაზე და საკვებად მოიხმარენ ცოცხლებს, რომელიც დარჩენილია კატასტროფული უმცირესობით და ძლივს იცავენ თავს მათგან. ცვლილებები დაიწყება მას შემდეგ, როდესაც ერთი ზომბი, რომლის სახელი ცოცხლად ყოფნისას იწყებოდა “რ”-ზე, გადაარჩინა გოგონა, იმის ნაცვლად რომ ეჭამა...
ფილმი მოგვითხრობს ორი ახალგაზრდას შემთხვევით შეხვედრაზე: წამიერი შეხება, გადაულახავი ვნება, მხურვალე ღამე ერთმანეთის მკლავებში და დილანდელი მონანიება...
თეოდორი მარტოხელა მწერალია. ის ყიდულობს ახალ ტექნოლოგიურ გამოგონებას, ოპერაციულ სისტემას, რომელიც მფლობელის ნებისმიერ სურვილს ასრულებს. თეოდორის გასაკვირად, მალე ოპერაციულ სისტემასა და მას შორის რომანი იწყება...
დედა გადადის თავის ქალიშვილებთან ერთად ქალაქგარეთ დიდ სახლში. უფროს ქალიშვილს აწუხებს ფილტვების ავადმყოფობა, და მისმა ექიმმა ურჩია ოჯახს რომ გადასულიყვნენ ქალაქგარეთ. უფროსი ქალიშვილი უცნაურ რაღაცას აღმოაჩენს, ჩაკეტილ ოთახში საძოვარში ცხოვრობს ველური ბიჭი. ოჯახი მიიღებს მას, მიიჩნევენ რომ ის უბრალოდ ობოლია და განვითარებულია ყოველგვარი ურთიერთობის გარეშე. ის დაინტერესდება უფროსი ქალიშვილით...
ახალგაზრდა სოფი თხოვდება და ოცნებობს, რომ საქორწინო ცერემონია ყველა წესის დაცვით ჩატარდეს. მას სურს, რომ მამამ საკურთხეველთან მიიყვანოს. მაგრამ არ იცის მამა ვინ არის, რადგანაც დედა არაფერს უყვება. ის დედის დღიურს პოულობს, სადაც სამ მამაკაცზეა საუბარი. სოფი სამივეს უგზავნის მოსაწვევს...
სიყვარულის ეპიკური ისტორია მოხუცი კაცის შესახებ, რომელიც ხმამაღლა უკითხავს დღიურს ალცჰეიმერით დაავადებულ ქალს. გაცრეცილი უბის წიგნაკიდან, მოხუცი კაცის სიტყვები აცოცხლებს ისტორიას წყვილისა, რომელიც მეორე მსოფლიო ომმა დააშორა და შემდეგ ისევ შეახვედრა ერთმანეთს...
ფილიპი ძალიან მიჯაჭვულია მის მამობილ ემბროუზზე. იტალიაში მოგზაურობის დროს ემბროუზი დაქორწინდება და მალევე გარდაიცვლება. ფილიპი დარწმუნებულია, რომ მისი მამობილი რეიჩელმა მოკლა, ქონების მისათვისებლად. შურისძიების დაგეგმვისას ფილიპს რეიჩელი თავალ შეუყვარდება...
სარეკლამო მენეჯერსა და მოდის ბლოგერს სიყვარულის არ სჯერათ. ასე რომ ნიძლავს დადებენ, რომ ერთი მეორეს სიგიჟემდე შეაყვარებს თავს - ეს უჩვეულო ტაქტიკის დახმარებით მოხდება...
სალვადორ კამპოდონიკო წარმატებული ესპანელი ბიზნესმენია, რომლის ოჯახი ფლობს უდიდეს სასტუმრო კორპორაციას მთელს ესპანეთში. მათი პირველი საერთაშორისო პროექტის განსახორციელებლად, ისინი აირჩევენ განსაკუთრებულ ადგილს და სწორედ აქ ხვდება სალვადორი თავგადასავლების მოყვარულ არიანას...
1964 წელს დაწერილი იგივე სახელწოდების რომანის ადაპტაცია. ფილმი ჯორჯ ფელკონერის ცხოვრებიდან ერთ დღეს აღწერს. იგი კოლეჯის პროფესორია, რომელსაც ცოტა ხნის წინ საყვარელი მოუკვდა, ვისთანაც დიდი ხნის ურთიერთობა აკავშირებდა. ამ ტრამვამ ჯორჯი სასოწარკვეთილბაში ჩააგდო და ახლა მისი ახლო მეგობარი ჩარლისგან ნუგეშს ელის, ის კი თავად იტანჯება ცხოვრების აზრის პოვნის პროცესში...
არასწორად გაგზავნილი წერილი და ემა როთნერის ელექტრონული ფოსტა შეცდომით ლინგვისტ ლეო ლეიქთან ხვდება. ლეო პასუხობს. მალე ეს ყველაფერი სახალისო და უფროდაუფრო პირადული ხდება. იმის გამო, რომ ისინი პირადად არ იცნობენ ერთმანეთს, არ არსებობს შიშის ბარიერი და ნდობა ერთმანეთის მიმართ მაღალია. მათ ციფრული მეგობრობა აკავშირებთ და არც სურთ რაიმეს შეცვლა, მაგრამ იქნებ მაინც ღირდეს შეხვედრა? ელექტრონული სამყაროს მიღმა, ემა გათხოვილია, ლეო კი კვლავ ხვდება თავის ყოფილ მეგობარ გოგონას - მარლენს...
ახალგაზრდა ინგლისელმა მწერალმა ჰენრიმ თავისი პირველი სასიყვარულო რომანი გამოაქვეყნა, რომელიც, სამწუხაროდ, წარუმატებელი აღმოჩნდება. მაგრამ მოულოდნელად მისი წიგნი ბესტსელერი ხდება მექსიკაში და ჰენრის სარეკლამო ტურში გააგზავნიან, სადაც მას უკვე გულშემატკივრების არმია ელოდება. ამ წარმატებით გაკვირვებული ჰენრი ადგილზე მისი რომანის მთარგმნელს, მარიას ხვდება და გაიგებს, რომ თარგმანის დროს მან გადაწყვიტა მისი მოსაწყენი და პრიმიტიული სიუჟეტი სიყვარულის შესახებ ეროტიკულ წიგნად გადაექცია. სწორედ ამიტომ გახდა რომანი ასეთი პოპულარული ადგილობრივ საზოგადოებაში. ჰენრი გადაწყვეტს არ გააუქმოს ტური და გაემგზავრება მექსიკაში მარიასთან ერთად, მიუხედავად მათი უთანხმოებისა და სიამაყისა.
ბლანკა ლიპინკსას ამავე სახელწოდების რომანზე დაფუძნებული 2020 წლის ეროტიკული დრამის სიქველი, ახალგაზრდა წყვილის მასიმო ტორიჩელისა და ლაურა ბიელის შესახებ. წყვილის ახალ დასაწყისს და ცხოვრებას მასიმოს ოჯახური კავშირები და იდუმალი მამაკაცი ართულებს, რომელიც ლაურას ცხოვრებაში იჭრება, რათა მოიგოს მისი გული და ნდობა ნებისმიერ ფასად…
მოუხელთებელი პრინცი იძულებულია იდუმალ პრინცესას შეუერთდეს. ერთად ისინი იბრძვიან ბნელი ძალების წინააღმდეგ, იმისათვის რომ დაიცვან ღმერთების საჩუქარი - ხანჯალი, რომლითაც შესაძლებელია დროის ქვიშის გახსნა, მის მფლობელს კი დროის მართვა და მსოფლიოს დაპყრობა შეეძლება. ფილმი შექმნილია ამავე სახელის ვიდეო თამაშის მიხედვით.
ჯენდი ნელსონის ამავე სახელწოდების თინეიჯერული ბესტსელერის ეკარინაზია ჩრდილოეთ კალიფორნიაში მცხოვრები 17 წლის მორცხვი ვუნდერკინდი-მუსიკოსი გოგონას ლენი უოკერის შესახებ, რომელიც მისი უფრო კომუნიკაბელური უფროსი დის, ბეილის მოულოდნელი გარდაცვალების შემდეგ, უზარმაზარ მწუხარებას ებრძვის, რაც გოგონას მისი დის მგლოვიარე ბოიფრენდთან, ტობისთან აახლოვებს, და ასევე სკოლის ახალ მეგობართან, ჯოსთან ურთიერთობაში პოულობს ნუგეშს. მაგრამ მალე ბიჭებთან ურთიერთობა რომანტიკულში გადაიზრდება და ახლა ლენი ხვდება, რომ ძალიან რთული არჩევანის გაკეთება მოუწევს. შედეგად, მისი ნათელი წარმოსახვისა და კონფლიქტური გულის წყალობით, ახალგაზრდა გმირი პირველ სიყვარულს და პირველ დანაკარგს განიცდის.
პატარა ბრაიონი 13 წლის ასაკში შეუქცევადად ცვლის რამოდენიმე ადამიანის ცხოვრებას, როდესაც იგი უფროსი დის შეყვარებულს ცილს დასწამებს. ფილმს საფუძვლად უდევს იან მაკუენის რომანი...
