კლერმა და მორისმა უნდა წაიყვანონ მთელი ოჯახი კლერის მამის დაკრძალვაზე. ოჯახი შედგება კლერის ვეგეტარიანელი ვაჟიშვილისაგან, ალექსისაგან, რომელსაც საიდუმლოდ უყვარს მორისის ქალიშვილი, ლუსი, თინეიჯერი მეამბოხე, და კლერის ძმისაგან, რომელიც მწერალია და დასთან ცხოვრობს, ასევე კლერის და მორისის ქალიშვილისაგან. მათ წინ მხიარული მგზავრობა ელით.
იმპულსურ მუსიკოსს, რომელიც შიზოფრენიით იტანჯება, შეუყვარდება საიდუმლოებით მოცული გოგონა, რომელიც, შესაძლოა, მხოლოდ მის გონებაში არსებობს. როცა უეცრად გოგონა გაუჩინარდება, მის მოსაძებნად მთელი ავსტრალიის გარშემო სამოგზაუროდ გაემგზავრება. მუსიკოსის ძმა კი იძულებულია, მის გადასარჩენად გაემართოს...
ისტორია არაპროგნოზირებადი და ამბიციური კარგი გოგონას ლუსი ჰატონის და მისი დაუძინებელი მტრის ჯოშუა ტემპლემანის შესახებ, რომლებიც ერთად მუშაობენ ნიუ-იორკის დიდ გამომცემლობაში და პირველივე დანახვიდან სძულთ ერთმანეთი. ლუსი ცდილობს წარმატებას მიაღწიოს საკუთარ პროფესიაში, მაგრამ საბოლოოდ ცივსისხლიან მტერზე - ჯოშუაზე დომინირების დაუნდობელ თამაშში ერთვება, მეტოქეობაში, რომელიც კიდევ უფრო რთულდება მის მიმართ მოულოდნელად გაჩენილი გრძნობებით. ერთ დღეს ლიფტში ვნებიანი კოცნა ყველაფერს თავდაყირა აყენებს, თუმცა მაღალი პოზიციისთვის ბრძოლა ყველაფერს თავის ადგილზე აბრუნებს. ნუთუ ყოველთვის ასე იქნება? არის სიყვარულის ადგილი ამ თამაშში?...
კლერ როუდსი სულ მალე თავის საოცნებო სამსახურს დაიწყებს ერთ უმნიშვნელოვანეს საკონცერტო დარბაზში, ლას ვეგასში. მან უკანასკნელი ტესტი უნდა ჩააბაროს, როდესაც ყოველწლიური საშობაო წარმოდგენა, რომელიც მისი ოჯახის საკუთრებაში მყოფ სასტუმროში იმართება, ტაჰოს ტბასთან, ჩაშლის პირასაა. კლერი, თავის ყოფილ შეყვარებულთან, როკ ვარსკვლავ რაიანთან, ერთად ცდილობს სიტუაციის გამოსწორებას.
უიღბლო ფინანსისტი ვერაფერს შველის საკუთარი კარიერის დაღმასვლას.მისი ქალიშვილის წარმოსახვით სამყაროში მოგზაურობა,არსებული პრობლემების გადაჭრაში დაეხმარება...
ფილმი ცნობილი ამერიკელი მწერალის სოფი ბრაუნის შესახებ მოგვითხრობს, რომელიც შოტლანდიაში მოგზაურობისას ძველი სასახლის ყიდვას გადაწყვეტს. მაგრამ შენობის მფლობელი, გაკოტრებული ჰერცოგი, სახელად მაილსი კატეგორიულად უარს ამბობს მისი სასახლის უცხოელზე მიყიდვაზე. სოფი უკან არ იხევს და ცდილობს კომპრომისის პოვნას და მოლაპარაკებას შეუპოვარ არისტოკრატთან. თანდათან მათი შეხლა-შემოხლა და კამათი სხვა რამეში გადაიზრდება...
როდესაც პრინცესას რელიქვიას მოჰპარავენ, დედოფალი მარგარეტი და პრინცესა სტეისი დახმარებას მარგარეტის ბიძაშვილს ფიონას სთხოვენ, რომელიც ნივთის დაბრუნებას დაავალებს კაცს მისი წარსულიდან. ძიებას სასიყვარულო ისტორია და მოულოდნელი ცვლილება მოჰყვება...
ფილმი მოგვითხრობს სკოლის 5 სასოწარკვეთილი მოსწავლის - ოლივიას, მოს, ჩარლის, სტელას და უენის შესახებ, რომლებიც ერთმანეთს სასჯელის მოხდისას გაიცნობენ. ისინი მიხვდებიან, რომ მუსიკისთვის არიან დაბადებულები და ქმნიან ბენდს, რომელიც სკოლის ელიტაში დიდ პოპულარობას მიაღწევს.
ალმა მეცნიერია ბერლინის ცნობილ პერგამონის მუზეუმში. იმისთვის, რომ მისი კვლევის დაფინანსება შეინარჩუნოს, უჩვეულო ექსპერიმენტში მონაწილეობას თანხმდება. 3 კვირის განმავლობაში მან უნდა იცხოვროს ჰუმანოიდ რობოტთან ერთად ხელოვნური ინტელექტით, რომლის წყალობითაც მას შეუძლია, იდეალირ პარტნიორად იქცეს. ტომი ადამიანის ფორმის რობოტია, რომელმაც ის უნდა გააბედნიეროს.
ეთანი დაქორწინებული მამაა, რომელსაც ორი მოზარდი ქალიშვილი ჰყავს. ერთ დილას ის იღვიძებს და შოკირებულია, როდესაც აღმოაჩენს, რომ არ არის დაქორწინებული, არ ჰყავს შვილები და მისი კომპანიის აღმასრულებელი დირექტორია. ერთადერთი ადამიანი ვისაც შეუძლია დაეხმაროს ძველი ცხოვრების დაბრუნებაში მისი ცოლია.
15 წლის ლი კიგანი სკოლიდან გაირიცხება, როცა დედამიწაზე პანდემია ბობოქრობს. მამა მკვდარი ჰყავს , დედა კი საზღვარგარეთ არის ჩარჩენილი , ლის ერთ ინსტრუქციას მისცემენ , სკოლაში დაბრუნებას, მაგრამ წმინდა მარკის სკოლის უსაფრთხოების სამსახური მას ამის საშუალებას არ აძლევს.
მაკა – 30 წლის ფეშენ-ასისტენტია, რომელიც ცხოვრებას მაქსიმალურად იყენებს და ბედნიერებისკენ ისწრაფვის. ლეო, მისი ყოფილი სიყვარული და ცხოვრებაში ყველაზე დიდი შეცდომაა, მამაკაცი, რომელმაც მისი გული გაანდგურა, თვითშეფასება და მამაკაცებისადმი რწმენა წაშალა, დამანგრევლი დაშორების შემდეგ, მაკას ცხოვრებაში ბრუნდება, რათა ყველაფერი თავდაყირა დააყენოს. მთავარი გმირი მის დავიწყებას ცდილობს, თუმცა ახლა მან უნდა აღიაროს, რომ ის დაბრუნდა და ემოციების პირისპირ დადგა, რომლებიც მან ჩაკეტა, რათა გაუმკლავებოდა დაუვიწყარ მოგონებას. შედეგად, ძველი ჭრილობები ხელახლა იხსნება და ახლა მაკას გამბედაობის გამოვლენა და თავის კონფლიქტებთან, შიშებთან და დაუცველობასთან დაპირისპირება მუწევს, რათა საბოლოოდ მოახდინოს მისი ცხოვრების კონტროლი.
ნამდვილ ამბავზე დაფუძნებული კრიმიალური კომედია, სასოწარკვეთილი და იმედგაცრუებული დიასახლისის, კონის და მისი საუკეთესო მეგობრის, მეოცნებე ვიდეობლოგერის ჯოჯოს შესახებ, რომლებიც თავიანთ ჰობის მრავალმილიონიან აფიორად აქცევენ.
სპირიტუალისტი მედიუმი სეანსს ატარებს ერთი მწერლისათვის, რომელიც შემოქმედებით კრიზისს განიცდის, მაგრამ შემთხვევით მისი გარდაცვლილი მეუღლის სულს გამოიძახებს, რაც რთულ სასიყვარული სამკუთხედს შექმნის - მწერალს უკვე ხუთი წელია რაც სხვა ცოლი ჰყავს.
სარა და ნიკოლა მეორე ვაჟის დაბადებას ელოდებიან. ფილმში შესანიშნავად არის აღწერილი თანამედროვე იტალიაში მშობლად ყოფნის ყველა სასიხარულო თუ სანერვიულო მომენტი.
იმის გამო, რომ საშუალო ხნის მამაკაცი ვერ ახერხებს 80 წლის ქალბატონის მოხიბვლას, ის დახმარებას თავის თინეიჯერ დიშვილს სთხოვს. დახმარება კი მას შემდეგი მილიონერი მსხვერპლის საპოვნელად სჭირდება...
მსახიობი, სპორტსმენი და სარეკლამო აგენტი მთელ მის დაგროვლ თანხას ბანკში შემნახველ ანგარიშზე შეიტანენ, მაგრამ მალე ანგარიშები გაქრება. მათ მხოლოდ ბარში დარდის სასმელით გაქარვება დარჩენიათ, სადაც მათ საინვესტიციო აგენტს შეხვდებიან. ისინი მასზე გადაწყვეტენ შურისძიებას, მაგრამ აგენტი თავადაც მსხვერპლი აღმოჩნდება. ახლა ამ ოთხს აქვს არჩევანი - შეეგუონ ბედს ან გაძარცვონ ბანკი...
ანა მეთის, 40 წლის მარტოხელა მამაკაცის სუროგატია. როდესაც ეს ორი, აქამდე ერთმანეთისთვის სრულიად უცნობი ადამიანი ერთმანეთს ხვდება, მათში რაღაც იცვლება...
პიტერი ჩვეულებრივი ბავშვია ჩვეულებრივი ჩვევებითა და მისწრაფებებით. მას უყვარს კომპიუტერული თამაშები და მეგობრებთან ერთად გართობა, მაგრამ როდესაც მისი განქორწინებული ბაბუა ედი საცხოვრებლად მის ოთახში გადადის, პიტერი გეგმებს აწყობს თუ როგორ აიძულოს ედს სახლიდან წასვლა. უბრძოლველად დანებებას არც ედი აპირებს...
ფრედ ბარტელი პარიზის ცნობილი საკომუნიკაციო სააგენტოს „ჰეფი ფიუს“ ქარიზმატული უფროსია. დაძაბული საგადასახადო აუდიტის შემდეგ ის იძულებული ხდება, კომპანია ერთ ღამეში ლა კურნევში გადაიტანოს. ფრედი და მისი გუნდი გაიცნობენ სემის, ახალგაზრდა გარეუბნელს, რომელიც მათ ახალ გარემოზე მოსარგებად წესებისა და გამოცდილების გაზიარებას შესთავაზებს.
ჰეილი და მისი საუკეთესო მეგობარი ბრი გაცნობის რეალითი შოუში მიიღებენ მონაწილეობას თავიანთი მოდის ხაზის რეკლამირებისთვის, თუმცა ყველაფერი გეგმის მიხედვით არ მიდის, როდესაც სიყვარული, მეგობრობა და კარიერა რისკის ქვეშ დგება.
სელესტა და ჯესი ინსტიტუტში შეხვდნენ ერთმანეთს და ახალგაზრდები დაქორწინდნენ. ისინი ერთნაერ ხუმრობებზე იციანიან, ერთმანეთის წინადადებებს ასრულებენ. მათი მეგობრებისთვის იდიალურ წყვილს წარმოადგენენ. დრო გავიდა, სელესტა საქმიანი ქალი და მწერალი გახდა, ჯესი კი ხელოვანი და მუდამ უმუშევარია. მათი ერთადერთი პრობლემა ისაა, რომ გაყრა გადაწყვიტეს, თუმცა უერთამნეთოთ ვერ ძლებენ.
კომედია, რომელშიც მთელი სიუჟეტი თვითმფრინავში ვითარდება! მეხიკოსკენ მიფრინავს თვითმფრინავი, რომლის მგზავრებსაც საფრთხე ემუქრებათ, ეკიპაჟის ფუნქცია კი ახლა მათი დამშვიდებაა...
1990-იანი წლების საკულტო ამერიკული სატელევიზიო სიტკომის “მეგობრები”-ს სპეციალური ეპიზოდი, სადაც ჩვენი საყვარელი პერსონაჟები კვლავ გადასაღებ მოედანზე ბრუნდებიან. ჯენიფერ ენისტონი, კორტნი კოქსი, ლიზა კუდროუ, მეტ ლებლანი, მეთიუ პერი, დევიდ შვიმერი და სპეციალური სტუმრები ერთიანდებიან, რათა განიხილონ ყველაფერი, ქასთინგით დაწყებული, გადაღებების პროცესით დამთავრებული. ეპიზოდი სცენარის გარეშე მაყურებელს რამდენიმე სიურპრიზს უმზადებს და კულისებს მიღმა განვითარებულ მოვლენებს აზიარებს...
ფილმში მოქმედება 1961 წელს ვითარდება. მთავარი გმირი ახალგაზრდა მამაკაცია, რომელიც ყველაფერს აკეთებს საიმისოდ, რათა შეირიგოს ფრანგი გოგონა, რომელიც უყვარს და რომელსაც ბერლინის კედლის აღმართვამ დააშორა.
წყვილი ქორწინებას გეგმავს და მის ორგანიზებასაც თავად გადაწყვეტს, მაგრამ ვინაიდან ისინი ვერაფერზე თანხმდებიან, ამ საქმეს საბოლოოდ ორი ორგანიზატორი გადაიბარებს. ყველაფერი მაშინ რთულდება, როცა აღმოჩნდება რომ მათ ასევე განსხვავებული შეხედულება აქვთ ყველაფერზე.
მეგი და ჯეკი დიდი ხნის მეგობრები არიან. ისინი ყველას ატყუებენ, თითქოს ერთად არიან. ამის ყველას ჯერა: როგორც მათ რადიო მსმენელებს, ისე ოჯახის წევრებს, მაგრამ სინამდვილეში ყველაფერი სხვანაირადაა...
ფილმის ეპიცენტრში ორი 9 წლის გოგონაა, ერთნაირი გარეგნობითა და ძალიან განსხვავებული წარსულით: ერთი მდიდარ ოჯახში გაიზარდა, ხოლო მეორე - მიუსაფარ ბავშვთა სახლში. ერთხელაც გოგონები საზაფხულო ბანაკში შემთხვევით შეხვდებიან ერთმანეთს და გადაწყვეტენ ადგილები გაცვალონ.
შობა სანტას თითქმის კარს მოადგა, მოულოდნელად კი მისი 92,000 დამხმარე ელფი შეუძლოდ ხდება... დღესასწაული დაღუპვის პირასაა. წამლისათვის სანტას საფრანგეთში უწევს წასვლა.
კოლეჯში გაბატონებულს მამაკაცთა მმართველობას წინ აღუდგება 3 გოგონა, რომლებიც ცდილობენ თანაკურსელები დეპრესიისგან გადაარჩინონ, დაურღვიონ არსებული სტანდარტები და ჩვევები...
კლერი ულამაზესი გოგონაა. ის გარდაცვლილი მამის სასტუმროში მუშაობს, რომელსაც ახლა მისი ბოროტი დედინაცვალი მართავს, სახელად მოდი. დედინაცვალი კლერის თავიდან მოშორებას გადაწყვეტს, გოგონა კი თავს ფერმას შეაფარებს.
ფილმში მოქმედება თანამედროვე ლონდონში საერთაშორისო ხელოვნების სცენაზე ვითარდება. კომედია მოვაჭრეების, შემგროვებლების, ხელოვანების, მიმბაძველების შესახებ...
მთავარი გმირის, კარლოსის ცხოვრება მას შემდეგ იცვლება, როცა ერთ დღეს ის წიგნების ბარში ირენს ხვდება. მათ ორივეს გული გაუტეხეს, ამიტომ მათი შეხვედრა შემთხვევითი არ ყოფილა.
მილო ბარმენად მუშაობს ბერლინში. დღეს ღამე მოსდევს, ღამე წვეულება, ის კი ყოველ დღე უცხო ქალთან ერთად იღვიძებს, მაშინ როდესაც სხვები ნორმალური ცხოვრებით ცხოვობენ. ერთ ღამესაც თავის ოცნების ქალს, სანის, შეხვდება. სანის ყველაფერზე მეტად მუსიკა უყვარს და თავისი ბოსი ატლანტაში მუსიკალურ კომპანიაში მუშაობას შესთავაზებს. მეორე დღეს ამერიკაში უნდა გაემგზავრონ...
ფილმის სიუჟეტი 25 წლის მამაკაცის, გასპარის შესახებ მოგვითხრობს, რომელსაც უკვე დიდი ხანია რაც მის ოჯახთან არანაირი კავშირი აღარ აქვს. ახლა მამამისი მეორედ ქორწინდება, ის კი იძულებულია მათთან საერთო ენა გამონახოს...
ჩარლი ბრონსონი, ყოფილი დამნაშავე მართლმსაჯულებასთან გარიგებაზე წავიდა და ამის წყალობით, ახლა ის დიდებულად ცხოვრობს ენისთან ერთად. ყველაფერი მაშინ ირევა, როდესაც სამსახურის გამო ენი მას კანონის დარღვევას სთხოვს.
ვალერია, სიყვარულისგან იმედგაცრუებული, ლამაზი და მიზანდასახული ქალი მარტოხელა მამაკაცების შებმის ოსტატი ხდება. ერთ დღესაც ის ჯულიოს გაიცნობს, რომელიც მისი დახმარებით ყოფილ შეყვარებულთან შერიგებას ცდილობს.
როცა ნერვიული სახელგანთქმული მწერალი მის შეყვარებულს სხვა კაცთან შეუსწრებს, საშინელი დეპრესია შეიპყროს. უამრავი წარუმატებელი ურთიერთობის შემდეგ კი იმედს ანტიკვარული წიგნების უჩვეულო გამყიდველთან იპოვის.
მას შემდეგ, რაც უშვილო წყვილი ეზოში ყუთს დამარხავს, სადაც მათი ყველა ოცნება იყო შვილის შესახებ, დედამიწას ტიმოთი გრინი მოევლინება, მაგრამ არის კი ის ვინც ერთი შეხედვით ჩანს?!
