დედის დაკარგვის შემდეგ მარტოსული ბიჭი გადაწყვეტს ახალი მეგობრები მიწიდან ამოთხაროს, მაგრამ როცა ისინი გაცოცხლებას დაიწყებენ, მას მრავალ თავგადასავალთან გამკლავება მოუწევს, სანამ ცდილობს, რომ ეს საიდუმლო მეზობლების, კლასელებისა და სოციალური მუშაკებისგან დამალოს....
თორი შინაგანი სიმშვიდის ძიებაში განსხვავებულ მოგზაურობაში მიდის, სადაც ის ღმერთების მკვლელს, გორს უპირისპირდება. საფრთხის დასაძლევად თორი დახმარებას სთხოვს ვალკირიას, კორგის და ყოფილ შეყვარებულს ჯეინ ფოსტერს, რომელიც მისდა გასაკვირად მიოლნირის ჯადოსნური უროს მფლობელი გახდება. შედეგად, ისინი ერთად იწყებენ შთამბეჭდავ კოსმოსურ თავგადასავალს, რათა გამოავლინონ ღმერთების მკვლელის შურისძიების საიდუმლო და შეაჩერონ იგი, სანამ ძალიან გვიანი არ იქნება...
პოლიციის ოფიცრები უსმანი და ფრანსუა კვლავ ერთიანდებიან ახალი გამოიძებისთვის. ის, რაც თავიდან უბრალო ნარკო გარიგებას ჰგავდა, სახიფათო, უმსხვილესი სისხლის სამართლის საქმე აღმოჩნდება, რაც საბოლოოდ მხრიარულ და ფართომასშტაბიან ოპერაციად გადაიქცევა...
სკოტ თომასს დიდად არ აღელვებს, რომ მისი დიდი ხნის ინტერნეტ მეგობარი მიკი მას პირისპირ შეხვედრას სთხოვს, მაგრამ როდესაც აღმოაჩენს, რომ იგი უმშვენიერესი გოგონაა, სკოტი მეგობრების თანხლებით მაშინვე ევროპაში სამოგზაუროდ გაემართება. ველური თავგადასავლებით სავსე ბერლინისკენ მიმავალ გზაზე, ისინი შეხვდებიან თავზეხელაღებულ ფეხბურთის გულშემატკივრებს, მოსიყვარულე იტალიელს და მოგზაურ არტურ ფრომერს...
ჩინელი საიდუმლო აგენტი მიიღებს შეტყობინებას იმის შესახებ, რომ დიდი რაოდენობით უკანონო ცეცხლსასროლი იარაღი კონტრაბანდული გზით შედის კორეაში და მას ამ საქმის გამოსაძიებლად აგზავნიან. იგი ხვდება სუ-ჰანს, რომელიც წესით უნდა დახმარებოდა ამ საქმეში, თუმცა მისი უნიათობის წყალობით, უბრალო წვრილმანებზე უწევთ ჩხუბი. მაგრამ როდესაც მათ მოწმეებს მოულოდნელად მოკლავენ, ორივე უმალ მთავარი ეჭვმიტანილი გახდება.
ზაფხულში საქორლწილო ციებ-ცხელებისგან თავდასაცავად ორი დიდიხნის მეგობარი, ბენი და ელისი, შეთანხმდებიან, რომ ერთმანეთს დაეხმარონ. რაც იმაში გამოიხატებბა, რომ ერთმანეთის პარტნიორები იქნებიან ყველა საქორწილო წვეულებაზე, რომლებზეც დაპატიჟებენ...
"საზიზღარი მე"-ს შემქმნელებისგან მინიონებზე შექმნილი მოკლემეტრაჟიანი ფილმების კოლექცია, როგორც "დამხმარე ბორბლები", "ლეკვი" და "ყვითელი ახალი შავია"...
პოპ-მუსიკის ვარსკვლავი კატ ვალდეზი და ბასტიანი კონცერტის დროს თავიანთი თაყვანისმცემლების წინაშე აპირებენ დაქორწინებას, რომელიც რამდენიმე პლატფორმაზე უნდა გაშუქდეს. განქორწინებული სკოლის მათემატიკის მასწავლებელი ჩარლი გილბერტი კონცერტზე მისმა ქალიშვილმა ლუმ და საუკეთესო მეგობარმა პარკერ დებსიმ წაიყვანეს. როდესაც ცერემონიამდე რამდენიმე წამით ადრე კატი გაიგებს, რომ ბასტიანმა ასისტენტთან უღალატა, მისი ცხოვრება მიმართულებას იცვლის და კითხვის ნიშნის ქვეშ აყენებს სიყვარულს, სიმართლეს და ერთგულებას. მთავარი გმირი უცხო ადამიანის, ჩარლის მზერას ამჩნევს ბრბოში, რომელიც მასთან შეუღლებას გადაწყვეტს. ის, რაც იწყება, როგორც იმპულსური რეაქცია, მოულოდნელ რომანად გადაიქცევა. მაგრამ როდესაც გარე ძალები მათ დაშორებას ცდილობენ, ჩნდება უნივერსალური კითხვა: შეუძლია თუ არა ორ ადამიანს ასეთი განსხვავებული სამყაროდან მათ შორის არსებული უფსკრულის გადალახვა და ადგილის შექმნა, სადაც ისინი ბედნიერები იქნებიან...
პოლიციის ოფიცერი, რომელიც გადაიყვანეს მარსელში, იღებს დავალებას, რომ დააკავოს იტალიელი მძარცველების ჯგუფი, რომლებიც ფერარიში სხედან, საჭესთან კი ლეგენდარული დანიელის, თეთრი ტაქსის მძღოლის ძმისშვილი ზის.
ჰენკი – მამაცი ძაღლია, რომელიც ოცნებობს გახდეს სამურაი, მაგრამ კატების ქალაქში მას არავინ აღიქვამს სერიოზულად. თუმცა, როდესაც ფუმფულა ნინძების არმია მათ ქალაქს მოსპობით დაემუქრება, ჰენკი გადარჩენის ერთადერთი იმედი გახდება. ახლა მისი ბრძენი მასწავლებლისა და ერთგული მეგობრების დახმარებით, მთავარი გმირი მცირე დროში უნდა დაეუფლოს დიდი მეომრის უნარებს. მხოლოდ ამ გზით ექნება მას შანსი, ულვაშებიდან კუდამდე შეიარაღებულ ძლიერ მტერთან გაიმარჯვოს ეპიკურ ბრძოლაში...
ლუსი ყველა მისი ყოფილი ურთიერთობისგან სამახსოვროდ მომენტებს აგროვებს და გალერეაში ინახავს. ერთხელაც ის აღმოაჩენს, რომ წინ წასასვლელად საჭიროა ეს წარსული უკან მოიტოვოს...
მისიკალური ანიმაციური ფილმი, კინკაჟუს სახელად ვივოს შესახებ, რომელიც მთელ დღეებს თავის საყვარელ მფლობელ ანდრესთან ერთად ჰავანას ხალხით სავსე ხმაურიან მოედანზე მუსიკის დაკვრაში ატარებს. მიუხედავად იმისა, რომ ისინი შეიძლება ერთ ენაზე არ საუბრობდნენ, ვივო და ანდრესი მუსიკისადმი საერთო სიყვარულის გამო იდეალურ დუეტს ქმნიან. მაგრამ როდესაც ტრაგედია დატრიალდება ყველაფერი იცვლება და ვივოს განსაკუთრებული მისია ეკისრება...
თექვსმეტი წლის ჯორჯია ნოლანი ოცნებობს გახდეს მსოფლიოში ნომერი პირველი მეხანძრე. როდესაც იდუმალი ცეცხლის წამკიდებელი იწყებს ბროდვეის დაწვას, ხოლო ქალაქში მეხანძრეები ქრებიან, ნიუ-იორკის მერი ჯორჯიას მამას, შონს სამსახურიდან ათავისუფლებს. სასოწარკვეთილი მამის დასახმარებლად და მისი ქალაქის გადასარჩენად, მთავარი გმირი ახალგაზრდა მამაკაცად ინიღბება და უიღბლო მეხანძრეების ჯგუფს უერთდება, რომელიც ცდილობს ცეცხლის წამკიდებელი შეაჩეროს...
ჟურნალ "LIFE"-ის ფოტო მენეჯერი უცნაური ადამიანია, ის მუდმივად ოცნებაშია და ხშირად რეალობის აღქმა უჭირს. ერთხელაც ის მიემგზავრება დაკარგული ნეგატივის საპოვნელად...
მსოფლიოს არასოდეს უნახავს ასეთი ნიჭიერი ავანტიურისტი: ოსტატური ჯიბის მტაცებელი მისტერ ვოლფი, გამოცდილი სეიფის კრეკერი მისტერ გველი, შენიღბვის ცივსისხლიანი ოსტატი მისტერ ზვიგენი, ცხარე და დაკუნთული მისტერ პირანა და მახვილგონივრული -კლასის ჰაკერი მის ტარანტულა. თუმცა, ყველაზე ჭკვიანი დამნაშავეებიც კი ზოგჯერ შეცდომებს უშვებენ. გარდაუვალი ციხიდან თავის გადასარჩენად ბანდის ლიდერი, მისტერ ვოლფი იძულებულია უკიდურესი ზომები მიიღოს: „ცუდი ბიჭები“ უკეთესობისკენ უნდა შეიცვალონ. ან ვითომ? მაგრამ როდესაც ახალი ბოროტმოქმედი ემუქრება ქალაქს, შეუძლია თუ არა მისტერ ვოლფს დაარწმუნოს სხვები, რომ მართლაც გახდნენ... კარგი ბიჭები?
კრიმინალური ექშენ-კომედია, რომელშიც მოვლენები თანამედროვე ნიუ-იორკში ვითარდება და მსოფლიოში ყველაზე საშიში დაქირავებული მკვლელის რენდის, მეტსახელად, “კაცი ტორონტოდან” და წარუმატებელი ნიუ-იორკელი ახალგაზრდა გრემის შესახებ მოგვითხრობს, რომლებიც დაშვებული შეცდომის გამო იძულებულნი არიან მთელი ღამე ერთად გაატარონ, რაც ძალიან საშიშ თავგადასავლების სერიამდე მივა...
სპორტული დრამა, წარუმატებელი პროფესიონალური კალათბურთის სკაუტის სტენლი შუგარმენის შესახებ, რომელიც სამსახურიდან გათავისუფლების შემდეგ, მოუთმენლად ელის საკუთარი ღირსების აღდგენას. სტენლი თავის შესაძლო ხსნას მადრიდის გარეუბანში მდებარე პარკში თამაშის დროს შემთხვევით აღმოჩენილ, მოყვარულ კალათბურთელ ბო კრუსში პოულობს, რომელსაც ნამდვილი ესპანელი კალათბურთელი ხუანჩო ერნანგომესი თამაშობს. შედეგად, ახალი მიზნით შეპყრობილი, მთავარი გმირი ბოს ამერიკაში ჩამოყვანას და NBA-ში სათამაშოდ მის მომზადებას თავის ამოცანად აქცევს, რადგან თვლის, რომ მიუხედავად მისი რთული წარსულისა, ორივეს შეუძლია ამის მიღწევა...
ანიმაციური ფილმი, საოცარი ხელოვნური ინტელექტის – მოსიარულე და მოსაუბრე რობოტების შესახებ, რომლებიც მთელს მსოფლიოში ბავშვებს ეძებენ, რათა მათი მეგობრები გახდნენ. ღარიბ ოჯახში მცხოვრები 11 წლის ბიჭის, ბარნის ერთ-ერთი ასეთი რობოტი-მეგობარი, სახელად რონი გახდება, რომელიც შეზღუდული ფუნქციების მქონე უხარისხო მოდელი აღმოჩნდება. ბიჭი მალე ხვდება, რომ მისი რობოტი არასწორად მუშაობს. ამიტომ გაუმართაობის კომპესირებისთვის ახალგაზრდა მთავარი გმირი გადაწყვეტს რონის ყველაფერი ასწავლოს, რაც მან უნდა იცოდეს. ახლა მას უწევს გაარკვიოს კომპიუტერების და ინტერნეტის სამყაროში, როგორია ნამდვილი მეგობრობის ფასი, რაც საბოლოოდ მათი ლამაზი, მხიარული და ამაღელვებელი მეგობრობის დასაწყისი გახდება...
ანიმაციური კომედია, 13 წლის მეი ლის შესახებ, რომელიც პრობლემებსა და მოსიყვარულე დედის ქალიშვილს შორის ორად იხლიჩება. მაგრამ საკუთარ სხეულში, ინტერესებსა და ურთიერთობებში ცვლილებების გარდა, მეი ლი კიდევ ერთი ძალიან უცნაური თავსატეხის წინაშე აღმოჩნდება. ყოველთვის, როდესაც იგი ძალიან ღელავს, მაშინვე გიგანტურ წითელ პანდად იქცევა...
ამერიკული კალათბურთის თანმედროვე ვარსკვლავი ლებრონ ჯეიმსი შვილთან ერთად ეპიკურ მოგზაურობას წამოიწყებს. ეს ვირტუალური თავგადასავალი, რომელსაც ორი სამყაროს გიჟური არევა გამოიწვევს – მოგვითხრობს, თუ რამდენად შორს არიან წამსვლელი მშობლები, რომ შვილებთან ურთიერთობა დაალაგონ. ლებრონი და მისი უმცროსი ვაჟი დომი, რომელიც ვიდეო თამაშების დეველოპერობაზე ოცნებობს, ბოროტი ხელოვნური ინტელექტის ციფრული სამყაროს ხაფანგში აღმოჩნდებიან. იმისათვის, რომ შინ უსაფრთხოდ დაბრუნდნენ, ლებრონმა სრულიად არადისციპლინირებულ გუნდს უნდა უხელმძღვანელოს, და კალათბურთის უდიდესი ვარსკვლავების ციფრული ვერსიების წინააღმდეგ უნდა გაიმარჯვოს...
ანიმაციის ახალ ნაწილში ტიმი და მისი "ბოსი ბავშვი" ტედი უკვე ზრდასრული ადამიანები არიან. მათი ცხოვრების გზები გაიყო - ახლა ტიმი მამა და ქმარია, ხოლო ტედი "CEO". თუმცა, ერთი მოულოდნელობის დამსახურებით ძმებს კიდევ ერთხელ მოუწევთ ერთად მუშაობა...
ყველაზე უცნაური და გოთური - "ადამსების ოჯახი" ახალ თავგადასავალში ეხვევა. ამჯერად ისინი სხვადასხვა პერსონაჟებთან მხიარულ დაპირისპირებაში აღმოჩნდებიან ჩართულნი...
ვიქტორი დაქირავებული მკვლელია ქილერების დინასტიიდან, რომელმაც პროფესიონალიზმის მწვერვალს მიაღწია. მიუხედავად ამისა ვიქტორს ოჯახური ბედნიერება სურს, მაგრამ არ უმართლებს. მოულოდნელად მას ერთი თაღლითი გოგონა უყვარდება, რომელიც უნდა მოკლას...
ჯორდან ბელფორტის ბიოგრაფიის ეკრანიზაცია. ადამიანის, რომელმაც 1987 წელს დაარსა ნიუ-იორკის ერთ-ერთი ყველაზე დიდი ბროკერული კომპანია, მაგრამ 10 წლის შემდეგ ის დაიჭირეს ფინანსური მაქინაციების გამო. ის გაუმკლავდა ალკოჰოლურ და ნარკოტიკულ დამოკიდებულებას, დაწერა ორი წიგნი და დღესდღეობით კითხულობს ლექციებს თუ როგორ უნდა მიაღწიო წარმატებას...
პარიზი, 2009 წელი. რაფაელი საშუალო სკოლის სტუდენტია, რომელიც დღეებს ატარებს საუკეთესო მეგობართან ერთად, ფელიქსთან, პარალელურად იგი ცდილობს დაასრულოს თავისი პირველი Sci-Fi რომანი, რა დროსაც ის შეხვდება ოლივიას, კიდევ ერთ სტუდენტს, რომელსაც პიანინოზე დაკვრა უნდა. მათი პირველი ჯადოსნური შეხვედრის შემდეგ, ოლივია მისი რომანის დასრულების მიზეზი გახდება. 10 წლის შემდეგ, 2019 წელს, რომანი გახდება ძალიან ცნობილი, ხოლო რაფაელი გახდება წარმატებული მწერალი, რომლის წიგნებიც საუკეთესო გაყიდვებით იქნება გამორჩეული. მას სხვებისთვის დრო აღარ რჩება და ამიტომაც, ოლივიასთან ქორწინება ყოველ ჯერზე უფრო ცივი ხდება. წიგნის დამთავრების და ოლივიასთან დაშორებაზე საუბრის შემდეგ, ისინი წავლენ დასაძინებლად. მეორე დილით, რაფაელი ალტერნატიულ რეალობაში იღვიძებს...
ბავშვის გაჩენის უშედეგო მცდელობის შემდეგ, ქმარი მოელაპარაკება მეგობრებს გაძარცვონ სპერმის ბანკი, რათა მოიპოვოს მის მიერ ახალგაზრდობაში შეწირული ნიმუში...
ორი მკვლელი რეი და კენი ბელგიაში, ბრიუგეში ჩადიან და შემდგომ მითითბებს იქ ელოდებიან. აქ მათ საკმარისი დრო აქვთ იმისათვის, რომ მათი წინა დავალება გაიხსენონ. როდესაც კენი შემდეგ დავალებას მიიღებს, ეს სულაც არ აღმოჩნდება ის, რასაც იგი ელოდა...
ჯოს მიატოვებს შეყვარებული, რის შედეგადაც მისი მეგობრები, რომლებსაც იტაცებს სიტუაციური თამაშები: ერიკი და ჰანგი შესთავაზებენ მას მოსაწევს და მოდუნებას. შედეგად, ჯო იღვიძებს სატვირთოში, მას აცვია რაინდის ფორმა და იგი თამაშის შუაგულშია...
2002 წელს ჩირლიდინგის გუნდის კაპიტანი, რუბი ყველაზე ლამაზი და პოპულარული გოგონა იყო სკოლაში, რომელიც კვოტერბეკს ხვდება და მალე გამოსაშვები საღამოს დედოფალი უნდა გამხდარიყო. ყველა ბიჭი ოცნებობდა მასთან ყოფნაზე, რომელსაც ყველაფერი ქონდა მანამ, სანამ წარუმატებელი აკრობატული ტრიუკის გამო კომაში არ ჩავარდა. ოცი წლის შემდეგ რუბი კომიდან გამოდის და ხვდება, რომ მან ცხოვრების საუკეთესო ნაწილი დაკარგა. მაგრამ 37 წლის ქალად ქცეული მთავარი გმირი სკოლაში ბრუნდება და ცდილობს თავისი სკოლის ვარსკვლავის როლი დაიბრუნოს. მაგრამ ყველაზე მეტად მას გამოსაშვები საღამოს დედოფლის გვირგვინის მორგება სურს...
მელანი პარკერი არქიტექტორი და სემის დედაა, ჯეკ ტეილორი გაზეთის ჟურნალისტი და მეგის მამა. ორივენი მეუღლეებს გაცილებულები არიან. ერთ მშვენიერ დილას ისინი ერთმანეთს შეხვდებიან, მაშინ როდესაც ჯეკს მეგის დაუტოვებენ და მას დაავიწყდება, რომ ბავშვი სკოლაში მისაყვანად მელანის უნდა ჩააბაროს. საბოლოოდ გამოვა, რომ ორივე ბავშვი დააგვიანებს სკოლის ექსკურსიაზე და მშობლებთან დარჩება...
თითქმის 30 წლის ჯული იძულებულია აღიაროს, რომ მას ჯერ არაფერი გაუკეთებია ცხოვრებაში და ნაკლებად სავარაუდოა რამე შეიცვალოს უახლოს მომავალში. ამ დროს მისი 44 წლის მეგობარმა ბიჭმა აკსელიმ მიაღწია წარმატებას და ახლა ჯულისთან ოჯახის შექმნა სურს. ერთ ღამეს ჯული წვეულებაზე მოხვდება, სადაც მიმზიდველ და ენერგიულ ახალგაზრდა ევინდს გაიცნობს. მასთან გატარებული ღამის შემდეგ ჯული ძველი ურთიერთობის დასრულებას და ცვლილებების იმედით ახალ პარტნიორთან ერთად ცხოვრებას გადაწყვეტს. ერთი წლის შემდეგ ჯული გაიგებს, რომ აკსელი მძიმედ არის ავად და მას საავადმყოფოში სტუმრობს.
პიტერი და ემა საერთოდ არ იცნობენ ერთმანეთს, მაგრამ როდესაც შეხვდებიან, მათ მაშინვე ერთი რამ დააკავშირებს: ორივე მოულოდნელად მიატოვა მათმა პარტნიორებმა, ენიმ და ნოემ. შედეგად, გმირების თანაგრძნობა მისიად გადაიქცევა, როცა სოციალურ ქსელში ნახავენ, რომ მათი ყოფილები სიხარულით გადავიდნენ ახალ რომანზე: ენი ლოგანთან და ნოე ჯინისთან. 30 წლის ასაკში მათი დიდი ხნის და ბედნიერი ცხოვრების შანსის დაკარგვით, და ყველაფრის თავიდან დაწყების პერსპექტივით შეშინებული, პიტერი და ემა სასოწარკვეთილ შეთქმულებას აწყობენ თავიანთი სიყვარულის დასაბრუნებლად. ახლა ისინი ყველაფერს გააკეთებენ იმისათვის, რომ თავინთი ყოფილების ურთიერთობები შეწყვიტონ.
სათავგადასავლო კომედია, შეყვარებული წყვილის მარკუსის და ემილის შესახებ, რომლებიც მექსიკის კურორტზე ველურ, მძაფრ შეგრძნებებს მოწყურებულ და წვეულებების მოყვარულ წყვილს რონს და კაილის დაუმეგობრდებიან. ამ მომენტამდე ჩვეულებრივ გაწონასწორებული წყვილი მარკუსი და ემილი მათ ახალ მეგობრებთნ ერთად ერთკვირიანი დაუღალავი გართობისა და გარყვნილების მოწყობას გადაწყვეტენ. ველურ ბუნებაში გაგულავებიდან რამდენიმე თვის შემდეგ მარკუსი და ემილი შოკირებულები აღმოჩნდებიან, როდესაც მათ ქორწილში რონი და კაილი დაუპატიჟებლად გამოჩნდებიან, სადაც ისინი ქაოს ქმნიან და ამტკიცებენ, რომ ის რაც არდადეგებზე ხდება, არ არის აუცილებელი არდადაგებში დარჩეს...
13 წლის ადამ რიდი, რომელიც ჯერ კიდევ გლოვობს მამის უეცარ სიკვდილს, ერთ ღამეს თავის ავტოფარეხში დამალულ დაჭრილ პილოტს აღმოაჩენს. ეს იდუმალი პილოტი მისი უფროსი ვერსია აღმოჩნდება მომავლიდან, სადაც დროში მოგზაურობა საწყის ეტაპზეა. მან ყველაფერი გარისკა, რათა უკან დაბრუნებულიყო საიდუმლო მისიით. ახლა ისინი ერთად უნდა წავიდნენ თავგადასავალებით სავსე წარსულში, რათა იპოვონ მამა, გამოასწორონ ყველაფერი და გადაარჩინონ სამყარო. გარდა ამისა, გმირები აღმოაჩენენ, რომ სინამდვილეში მათ არ მოსწონთ ერთმანეთი და თუ ისინი აპირებენ სამყაროს გადარჩენას, ჯერ უნდა გაარკვიონ, როგორ შეეგუონ ერთმანეთს.
ემილი ცდილობს, ოჯახსაც მოერგოს და სკოლასაც, ამ დროს ის აღმოაჩენს პატარა წითელ ლეკვს, რომელიც მის საუკეთესო მეგობრად იქცევა. როდესაც კლიფორდი მაგიური ძალებით უზარმაზარი ძაღლი ხდება და გენეტიკის კომპანიის ყურადღებას იპყრობს, ემილი და ბიძამისი ქეისი იძულებულები ხდებიან, მთელ ნიუ იორკში გაიქცნენ. გზაში კლიფორდი ყველას ცხოვრებაზე მოახდენს გავლენას მის გარშემო და ემილის და ბიძამისს მიღებისა და უპირობო სიყვარულის ჭეშმარიტ მნიშვნელობას ასწავლის.
პოპულარული ანიმაციური კომედიური ფრენჩაიზის “სასტუმრო ტრანსილვანია“-ს მეოთხე და დასკვნითი ნაწილი, სასტუმროს მფლობელი გრაფი დრაკულასა და მისი საყვარელი მონსტრების ოჯახის ახალი თავგადასავლების შესახებ, რომლის ბნელ ციხე-სასტუმროში მონსტრები ცივილიზაციისგან და ადამიანის თვალისგან შორს ისვენებენ, სადაც ყველაფერი თავდაყირა დადგება, როდესაც ლეგენდარული პროფესორის აბრაამ ვან ჰელისგინის იდუმალი გამოგონება, “მონსტრიფიცირების სხივი” გაფუჭდება და შემთხვევით დრაკულას და მის მეგობრებს ადამიანებად, ხოლო ჯონის – პირიქით, მონსტრად გადააქცევს.
სამყაროში, სადაც მონსტრების შერკინება საერთაშორისო სპორტია და ურჩხულები სუპერვარსკვლავი ათლეტები არიან, მოზარდი უინი ოცნებობს, მამის კვალს გაჰყვეს და რომელიმე უიღბლო მონსტრი ჩემპიონად აქციოს...
ინტერპოლის წითელი ცირკულარი საერთაშორისო განგაშს ტეხს მსოფლიოში ყველაზე სახიფათო დამნაშავის დასაკავებლად. თუმცა როცა თავზეხელაღებული ძარცვა ერთად კრებს ფედერალური ბიუროს საუკეთესო ფსიქოანალიტიკოსს და ორ მეტოქე კრიმინალს, არავინ იცის, რა მოხდება...
ხარბი პროდიუსერი მაქს ბარბერი გადაწყვეტს სახიფათო ახალი ფილმი გადაიღოს. ყველაფერი კი მხოლოდ იმისთვის , რომ მთავარი მსახიობი მოკლას და დაზღვევის ფული მიიღოს , მაგრამ როცა როლზე დიუკ მონტანას დაამტკიცებს , წარმოდგენაც კი არ აქვს , რომ მოხუცი მამაკაცი ,რომელიც ყოველთვის მსახიობობაზე ოცნებობდა , კამერების წინაშე ასე წარსდგება. ფილმის გადაღებები ისე კარგად მიმდინარეობს , რომ მსახიობის მოკვლა მაქსს უკვე შეუძლებლად ეჩვენება . ეს ფილმი მაქსის კარიერის მწვერვალი გახდება.
უიმედო რომანტიკოსი, მაგრამ მარად მარტოსული ლოს-ანჯელესელი ჟურნალისტი - ნატალი, სასიყვარულო ცხოვრების მოწყობას გაცნობის აპლიკაციის დახმარებით ცდილობს, სადაც მას ერთი შეხედვით იდეალური ბიჭი ტეგი შეუყვარდება. შედეგად, მისი გულისთვის, ნატალი ქვეყნის მეორე ბოლოში მიფრინავს სიურპრიზის მოსაწყობად. თუმცა, ქალაქში ჩასვლისთანავე, მთავარი გმირი აღმოაჩენს, რომ ტედი არ არის ის, რადაც თავს ასაღებდა...
კრიმინალური კომედია, ლონდონში მცხოვრები ახალგაზრდა წყვილის ლინდას და ბექსტონის შესახებ, რომლებიც დაშორებას გადაწყვეტენ, მაგრამ ქალაქში COVID-19-ის პოანდემიით გამოწვეული კარანტინის გამო, ახალგაზრდა გმირები საკუთარი ბინის ხაფანგში აღმოჩნდებიან, სადაც ახლა მათ 24 საათის განმავლობაში, დისტანციურ მუშაობასა და გაუთავებელ დავებს შორის გარკვეული დროით ერთად ცხოვრება მოუწევთ, რომელიც მათთვის ნამდვილი გამოცდა გახდება. თუმცა კარანტინში ყოფნა, ლინდას და ბექსტონის მოულოდნელად აერთიანებს. შედეგად, ისინი დროებით უთანხმოების დავიწყებას და პანდემიის გამოყენებას გადაწყვეტენ, რათა ლონდონის ცნობილი საიუველირო მაღაზია Harrods-დან 3 მილიონ დოლარად შეფასებული ბრილიანტი მოიპარონ...
ქალიშვილის დაკარგვის შემდეგ, წყვილი ურთულეს პერიოდს გადის, რის გამოც ჯეკი პროფესიონალური დახმარების მისაღებად ფსიქოლოგიურ ცენტრში მიდის, იმ დროს, როცა ლილი “რეალურ” სამყაროში რჩება და ცდილობს გაუმკლავდეს საკუთარ მწუხარებას. თითქოს ეს არ იყო საკმარისი, შოშია, რომელმაც მისი სახლის უკანა ეზოში დაიდო ბუდე, მის შევიწროვებას და თავდასხმას იწყებს, რის შედეგადაც ლილი კომიკურად შეპყრობილი ხდება მისი მოკვლით. საბოლოოდ მთავარი გმირი შველას უცნაურ ყოფილ ფსიქოლოგთან, ლარისთან პოულობს, რომელსაც თავისი მშფოთვარე წარსული აქვს და ახლა ვეტერინარად მუშაობს. გმირები უნიკალურ მეგობრობას ქმნიან, რადგან თითოეული მათგანი ეხმარება ერთმანეთს შეისწავლონ, გააცნობიერონ და გადაჭრან თავიანთი პრობლემები.
იდუმალებით მოცული საიდუმლო სამსახურის ყოფილი აგენტი საფრანგეთში უნდა დაბრუნდეს, როცა მის შვილს სახელმწიფო იარაღითა და ნარკოტიკით ვაჭრობის ცრუ ბრალდებას წაუყენებს. რასაც დაუსრულებელი ბიუროკრატია და მაფიის ოპერაცია მოჰყვება...
სკუბი-დუ და მშიშარა ძაღლი ერთიანდებიან მას შემდეგ, რაც ისინი კანზასის შტატის ქალაქ არსადში უცნაური არსების კვალს მიაგნებენ. მალე იდუმალი არმოჩენა მათ გიგანტური მონსტრის და მისი სულელი ფრთოსანი მეომრების კვალზე მიჰყავს. ფრედი, ველმა, დაფნა და შაგი აცნობიერებენ, რომ ამ საქმეს ისინი ვერ გაუმკლავდენიან და თავსატეხის ამოსასხნელად ძაღლების დუეტის დახმარება დასჭირდებათ. ახლა შეძლებენ თუ არა სკუბი-დუ და მშიშარა ძაღლი თავიანთი მღელვარების დაძლევას და მონსტრების არმიის დამარცხებას, სანამ მთელი სამყარო განადგურდება?
