გრძელდება მოზარდი ბილი ბეთსონის ისტორია, რომელიც ჯადოსნური სიტყვის "შაზამის" წარმოთქმისას ზრდასრულ სუპერგმირ ალტერ ეგოდ - შაზამად იქცევა... მისი ღვთაებრივი სხეულის მიუხედავად, იგი ძველებურად ბავშვი რჩება, რომელიც თავისი ზრდასრული ვერსიით ტკბება და შეუკავებელი გართობისთვის ახლადშეძენილ სუპერშესაძლებლობებს იყენებს. ღმერთების მიერ გაძლიერებული მთავარი გმირი და მისი მეგობრები ჯერ კიდევ სწავლობენ თავიანთი თინეიჯერული ცხოვრების დაბალანსებას ზრდასრული სუპერგმირების ალტერ ეგოებთან. მაგრამ როდესაც ატლასის ქალიშვილები, შურისმაძიებელი უძველესი ღმერთების ტრიო, ჩამოდიან დედამიწაზე დიდი ხნის წინ მოპარული მაგიის საძიებლად, რომელიც მათ მოპარეს, ბილი – იგივე შაზამი – და მისი ოჯახი იწყებენ ბრძოლას თავიანთი ზეშესაძლებლობებისთვის, სიცოცხლისთვის და მათი სამყაროს გადარჩენისთვის...
ორ მომავალ როკერს სან დიმასიდან, კალიფორნიიდან, დროში მოგზაურმა ოდესღაც უთხრა, რომ მათი სიმღერები სამყაროს გადაარჩენდა. ახლა ისინი შუახნის მამები არიან, ისევ ცდილობენ, ჰიტი შექმნან და ბედისწერა აღასრულონ...
როდესაც ბოდი და მისი ჯგუფი ,,თრუ ბლუ“ დატოვებენ ,,სნოუ მაუნთინს“ და ტურნეში გაემგზავრებიან თვიანთი პოპ-სენსაციით - „ლილ-ფოქსი“, მიხვდებიან, რომ დიდება მარტივად არ მოდის...
ანიმაციური ფილმის გმირები გადაშენებული საყვარელი ფუმფულა არსებები, სახელად ფლამელები არიან, რომელთაგან ორი, ოპი და ედი შემთხვევით წარსულიდან ჩვენს დროში მოხვდებიან და აღმოაჩენენ, რომ მათი სახეობა გადაშენდა. ახლა მათი თავის და სახეობის გადასარჩენად გმირები თავგადასავლებით სავსე არაჩვეულებრივ და ამაღელვებელ მოგზაურობას იწყებენ, სადაც ისინი კვლავ წარსულში დაბრუნებას და ისტორიის მსვლელობის შეცვლას ცდილობენ.
თავმდაბალ და გულწრფელ კოულს თავდავიწყებით შეუყვარდება ამოუცნობი სეიდი - თუმცა შემდეგ აღმოაჩენს, რომ ის საიდუმლო აგენტია. სანამ კოული და სეიდი მეორე პაემანს დაგეგმავენ, საერთაშორისო თავგადასავალში აღმოჩნდებიან და სამყარო უნდა გადაარჩინონ...
სასიყვარულო წერილმა ჟურნალისტებისთვის, რომელიც ერთ ამერიკულ გაზეთში დაიბეჭდა, მეოცე საუკუნის საფრანგეთის ერთ გამოგონილ ქალაქში ბიძგი მისცა მოთხრობების კრებულს, რომელიც ჟურნალ „საფრანგეთის მოამბე“-ში დაიბეჭდა.
არქეოლოგი ტადეო ჯონსის თავგადასავლების გაგრძელება, რომელსაც ძალიან სურს, რომ მისმა კოლეგებმა ის თავისიანად მიიღონ, მაგრამ ტადეო ყოველთვის ყველაფერს აფუჭებს, რომელიც ერთ დღეს შემთხვევით ანადგურებს სარკოფაგს და უძველეს ჯადოქრობას აღვიძებს, რაც საფრთხეს შეუქმნის მისი მეგობრების მუმიას, ჯეფის და ბელიცონის სიცოცხლეს. როდესაც ყველა მის წინააღმდეგაა, მხოლოდ სარას დახმარებით, მთავარი გმირი იწყებს თავგადასავალს, რომელსაც ტადეო მექსიკიდან ჩიკაგოში და პარიზიდან ეგვიპტეში მიჰყავს, რათა ბოლო მოუღოს მუმიის წყევლას.
საუკუნეების მანძილზე დრაკულას ლაქიობით დაღლილი რენფილდი ცხოვრების ახალ მიზანს პოულობს და შესაძლოა, დანაშაულიც გამოისყიდოს. მას ფიცხი, მუდმივად გაბრაზებული საგზაო პოლიციელი რებეკა ქუინსი შეუყვარდება...
40 წლის ჟურნალისტი - საიმონ ლი, სტატიებს წერს ტურისტული ჟურნალისთვის. ერთხელაც გადაწყვეტს საკუთარი ცხოვრების შეცვლას. გაეყრება მეუღლეს - რობინს, რომელთანაც 16 წელი იცხოვრა. მწერლის კარიერა არ გამოსდის, ამიტომაც ცდილობს კინობიზნესში მოიხვეჭოს სახელი. იგი სხვადასხვა ცნობილ ადამიანებს სთავაზობს ფილმის გადაღებას სცენარზე, რომელიც თავისი დაუსრულებელი რომანის საფუძველზე დაწერა. ამ მცდელობების დროს იგი იცნობს შოუბიზნესში სახელგანთქმულ ადამიანებს...
როცა ბობის ბურგერების წინ ორმო გაჩნდება და ბელჩერების გეგმას წარმატებული ზაფხულის შესახებ საფრთხე დაემუქრება, ბობი და ლინდა ცდილობენ, ბიზნესი შეინარჩუნონ. ამ დროს კი ბავშვები გადაწყვეტენ, ეს საიდუმლო ამოხსნან და რესტორანი ასე გადაარჩინონ.
MTV-ის მულტსერიალზე “ბივესი და ბათჰედი” დაფუძნებული, ანიმაციური ფილმის “ბივესი და ბათჰედი იპყრობენ ამერიკას” სიქველი, რომელშიც მოვლენები თავდაპირველად 1998 წელს ვითარდება, როდესაც ბივესი და ბათჰედი ადგილობრივი გმირები გახდებიან მათ ქალაქში. ერთი წლის შემდეგ, დიდებით და სიმდიდრით გათამამებულ გმირებს თაღლითობისთვის აპატიმრებენ და კოსმოსურ ბანაკში აგზავნიან, სადაც NASA-ს კოსმოსურ მისიაში იღებენ მონაწილეობას. მაგრამ ყველაფერი თავდაყირა დადგება, როდესაც ისინი მოგზაურობენ შავი ხვრელის გავლით და ტელეპორტირდებიან 2022 წელში.
ამ დროისათვის მარკუს ბარნეტი არის პოლიციის ინსპექტორი, ხოლო მაიკ ლოურეი კლიმაქსურ პერიოდში იმყოფება. ისინი კვლავ ერთიანდებიან მას შემდეგ, რაც ალბანელი ჯარისკაცი მათ დაპირდა მნიშვნელოვან ბონუსს...
ანიმაციური სათავგადასავლო-კომედია შემსრულებელი ბადის შესახებ, რომელიც მუსიკალურ კონკურსზე გამოდის, მოულოდნელად აღიარებს, რომ არასოდეს არ სმენია ანგუს სკატერგუდის შესახებ. შედეგად, მთავარი გმირი იძულებულია შეუერთდეს შოუს, რათა ნებისმიერ ფასად დაიუბრუნოს როკ ლეგენდის წარსული დიდება და აღიდგინოს დაკარგული სახელი…
მხიარული და ამაღელვებელი ისტორია კალათბურთის ქვედა ლიგის ჯიუტი ყოფილი მწვრთნელის მარკუსის შესახებ, რომელსაც არაერთი შეცდომის შემდეგ, სასამართლო ინტელექტუალურად შეზღუდული შესაძლებლობის მქონე ახალგაზრდა კალათბურთის მოთამაშეთა გუნდის ხელმძღვანელობას და სპეციალურ ოლიმპიადაზე მონაწილეობას დაავალებს. არასრულყოფილი, მაგრამ თავდადებული მწვრთნელი მალევე ხვდება, რომ ეჭვების მიუხედავად, ამ გუნდს შეუძლია იმაზე შორს წასვლა, ვიდრე ოდესმე წარმოიდგენდა…
პოლ გალიკოს ამავე სახელწოდების რომანის ახალი ადაპტაცია, რომელშიც მოვლენები 1950-იანი წლების ლონდონში ვითარდება და დაქვრივებული დამლაგებელი ქალის ადა ჰარისის შესახებ მოგვითხრობს, რომელსაც Christian Dior-ის მაღალი მოდის კაბა სიგიჟემდე შეუყვარდება და ამ ხელოვნების ნიმუშის მიღებას გადაწყვეტს. მისი ოცნებების ასასრულებლად, თავდაუზოგავი მუშაობის, შიმშილისა და აზარტული თამაშების შემდეგ, მთავარი გმირი თავგადასავლებით სავსე მოგზაურობაში მიდის პარიზში, რომელიც არა მხოლოდ მის საკუთარ მსოფლმხედველობას, არამედ Dior-ის სახლის მომავალსაც შეცვლის.
მოზარდობის დროს საუკეთესო მეგობრები სესილია და ემა 10 წლის შემდეგ ხვდებიან ერთმანეთს. ემა სესილიას წინასაქორწინო წვეულებაზე დაპატიჟებს, სადაც ის მოხვდება მოშორებით მდებარე ქოხში სკოლისდროინდელ მჩაგვრელთან და შურისძიების შანსთან ერთად.
როალდ დალის ამავე სახელწოდების საბავშვო რომანზე დაფუძნებული კლასიკური მიუზიკლის “მატილდა” რიმეიკი, ვუნდერკინდი პატარა გოგონას მატილდას შესახებ, რომელიც თავის უსიამოვნო მშობლებთან ცხოვრობს და დადის სკოლაში, რომელსაც მოძალადე დირექტორი მართავს, სადაც მისი კეთილი მასწავლებლის მის ჰანის სახით მონათესავე სულს აღმოაჩენს. შედეგად, ის იძულებული ხდება დაუპირისპირდეს საზოგადოებას, რომელიც უარს ამბობს მის მიღებაზე. მატილდა ცდილობს განავითაროს თავისი უჩვეულო შესაძლებლობები, ისწავლოს და შეიცნოს სამყარო, მაგრამ მოზარდები ყოველმხრივ ხელს უშლიან მის ცნობისმოყვარეობას და ცდილობენ შეზღუდონ იგი. მახვილი გონებითა და უზარმაზარი ფანტაზიით შეიარაღებული, ახალგაზრდა გმირი ბედავს სასწაულებრივად შეცვალოს თავისი ბედი.
ახალგაზრდა დომი ჯერ კიდევ დედასთან ერთად ცხოვრობს ლონდონში და ახლახან გაიგო, რომ მისი შეყვარებული ჯია ღალატობს თავის საუკეთესო მეგობარ ერიკთან. თავისუფლებისმოყვარე იასიმაც ასევე ცოტა ხნის წინ განიცადა მძიმე დაშორება. მოულოდნელად მათი გზები გადაიკვეთება, ამისთვის ყველაზე შეუფერებელ მომენტში, როდესაც ისინი ერთად აღმოჩნდებიან საერთო მეგობრის გამოფენაზე სამხატვრო გალერეაში. ახალგაზრდა ლონდონელი გმირები მთელი დღე დახეტიალობენ კარაოკე ბარებსა და სათამაშო მოედნებზეი. მაგრამ ამ დღეს დომს დანიშნული აქვს ყოფილთან უხერხული სადილი. შედეგად, იასიმი სადილზე თავს აჩვენებს დომის ახალ შეყვარებულად, რასაც მოჰყვება იმპულსური და მხიარული ქაოტური დღე, რა დროსაც სულ უფრო უახლოვდებიან საკუთარი გულის გახსნის შესაძლებობას.
ელისონი - ახალგაზრდა ქალია, რომელსაც აქვს ნათელი მომავალი - ის წარმატებული კარიერის მქონე, მშვენიერი საცოლეა, ჰყავს მხარდამჭერი ოჯახი და მეგობრები. მაგრამ მისი სამყარო თვალის დახამხამებაში დაინგრევა, როდესაც წარმოუდგენელი ტრაგედია დაატყდება თავს. მომდევნო წლებში თავის მომავალ მამამთილთან მეგობრობა, აძლევს მას შანსს, რომ გაძლიერდეს და გააგრძელოს ცხოვრება...
კრის ბელდენის ამავე სახელწოდების რომანზე დაფუძნებული კომედია, ნიუ-იორკში მცხოვრები ხშირად დეპრესიული, მთვრალი და მარტოხელა ხელოსანი მამაკაცის შესახებ, რომელსაც ცხოვრებაში ერთი წიგნიც არ წაუკითხავს. მას შეცდომით მიიწვევენ ცნობილ, მაგრამ კარჩაკეტილ მწერალ შაივერის მაგივრად უნივერსიტეტში, სადაც ის სიტყვით უნდა წარსდგეს. მთავარი გმირი მოულოდნელად აღტაცების საგანი და ყურადღების ცენტრში აღმოჩნდება მწერალთა კონფერენციაზე, რომელიც აღნიშნავს ნამდვილი ავტორის წიგნის 20 წლის იუბილეს. “შაივერი” როლში იჭრება და კონფერენციის ხელმძღვანელ ინგლისური ენის პროფესორთან აბავს რომანს, მაგრამ მალე ნამდვილი შაივერი გამოჩნდება.
სეთ მაკფერლეინი მის ორიგინალურ იუმორს ამჯერად დიდ ეკრანზე გვაწვდის, როგორც სცენარის ავტორი, რეჟისორი და გამხმოვანებელი. ჯონ ბენეტის ბავშვობის სათამაშო დათუნია გაცოცხლდება, რომელსაც მარტო დარჩენა არ სურს...
ისტორია მოგვითხრობს მორისის - სულელი ქუჩის კატის ამბავს, რომელიც ფულის საშოვნელად იდეალურ სქემას ქმნის. ის პოულობს ბრიყვის გამომეტყველებიან ბავშვს, რომელიც ჩასაბერ საკრავზე უკრავს, თავისი ვირთხების ხროვა ჰყავს და უჩვეულოდ განათლებულია...
მას შემდეგ, რაც საჯარო დაპირისპირება პოპულარულ ვიდეობლოგერს შერცხვენილს და აუდიტორიის გარეშე დატოვებს, ის თავისი გამომწერების დაბრუნებას გადაწყვეტს და მარტო მიდის იდუმალ სახლში, სადაც მოარული ხმების თანახმად მოჩვენებები არიან. მისი მიზანია მთელი ღამის განმავლობაში ლაივ სტრიმი და მაყურებელის მაქსიმალური რაოდენობის მოგროვება. მაგრამ მთავარი გმირი არ ელოდა, რომ მისი ვიზიტი გააბრაზებდა შურისმაძიებელ სულს, რომელიც ბლოგერის ტრიუმფალურ დაბრუნებას ნამდვილ კოშმარად და გადარჩენისთვის ბრძოლად გადააქცევს რეალურ დროში, რადგან ის ხვდება სახლის ბოროტ დემონს და მის ძლევამოსილ მიმდევრებს.
ორ დამნაშავეს გაქცევა სურს, თუმცა მათი ბოსი გაქცეულებს ხოცავს. ამიტომ როცა მათ ძარცვის ოპერაციაზე უშვებენ, ისინი ფულს ბოსს უმალავენ, თავისთვის იტოვებენ და პოლიციას მონასტერში, მონაზვნების ფორმაში გადაცმულები ემალებიან...
ანიმაციური ფილმის “ჩექმებიანი კატა”-ს სიქველი, რომელშიც მოქმედება პირველი ფილმის მოვლენებიდან ორი თვის შემდეგ ვითარდება, როდესაც ჩექმებიანი კატა აღმოაჩენს, რომ თავგადასავლებისადმი მისმა გატაცებამ თავისი შედეგი მოიტანა: მას ახლა ცხრა სიცოცხლედან მხოლოდ ერთი დარჩა. შედეგად, მთავარი გმირი იწყებს ეპიკურ მოგზაურობას, რათა იპოვოს მისტიკური “უკანასკნელი სურვილი” და აღადგინოს თავისი ცხრა სიცოცხლე…
როცა საუკეთესო მეგობრები და სრულიად საპირისპირო ადამიანები დები და პიტერი ერთი კვირით სახლებს გაცვლიან და ერთმანეთის ცხოვრებას გაეცნობიან, შესაძლოა, მათ სიყვარულიც იპოვონ...
1985 წელს მომხდარი ნამდვილი ამბავი ნარკობარონის კუთვნილი თვითმფრინავის ჩამოვარდნის, დაკარგული 70 ფუნტი კოკაინისა და შავი დათვის შესახებ. პოლიციელების, კრიმინალების, ტურისტებისა და თინეიჯერების უცნაური ჯგუფი იკრიბება ჯორჯიის ტყეში, სადაც უდანაშაულო 175 ფუნტიანმა შავმა დათვმა კოკაინით სავსე სპორტული ჩანთა გადაყლაპა, რომლის ღირებულება 15 მილიონი დოლარი იყო, რაც დათვის განრისხებას გამოიწვევს. სინამდვილეში, შემთხვევის ადგილზე მისულმა პოლიციამ მკვდარი დათვის გვერდით 40 ცარიელი ნარკოტიკის პაკეტი იპოვა, რომლის სიკვდილის მიზეზი უდავოდ დოზის გადაჭარბება გახდა.
მას შემდეგ, რაც კევინი იპოვის მოჩვენებას სახელად ერნესტს, რომელიც მის ახალ სახლში ბინადრობს, ის სოციალური მედიის სენსაციად იქცევა. თუმცა როცა კევინი და ერნესტი გარდაცვლილის წარსულის გამოძიებას იწყებენ, ისინი დაზვერვის სააგენტოს სამიზნეები ხდებიან...
ფრანსის ვებერის 1976 წლის საკულტო კლასიკის “სათამაშო”-ს რიმეიქი. სამი, ბედნიერად ცხოვრობს სისტემის გარეთ, მრავალბინიან კორპუსში, ბავშვობის მეგობრებთან და მეუღლესთან ერთად, რომელიც პირველ შვილს ელოდება. შედეგად, მომავალი ოჯახის მოთხოვნილებების უზრუნველსაყოფად, სამი ძალიან უხალისოდ იწყებს მუშაოაბას ღამის დარაჯად მაღაზიაში. ფილიპი – საფრანგეთის უმდიდრესი ადამიანია. ის ცივი და უგრძნობი ადამიანი გახდა, მას შემდეგ რაც მისი მეუღლე გარდაიცვალა. ალექსანდრე – მისი ერთადერთი ვაჟი და ფილიპის მთელი სიმდიდრის მემკვიდრეა – თავშესაფარს ეძებს განებივრებული ბავშვის მარტოსულ სამყაროში. დაბადების დღეზე ფილიპი ხსნის სათამაშოების განყოფილებას მაღაზიაში, სადაც მთავარი გმირი მუშაობს და ეუბნება ალექსანდრეს, რომ შეუძლია მიიღოს ის, რაც უნდა. ალექსანდრე ირჩევს სამის...
ნიკ მარშალი სარეკლამო კომპანიის თვითკმაყოფილი ხელმძღვანელია. უბედური შემთხვევის შემდეგ ნიკს უჩნდება უნარი, გაიგოს თუ რაზე ფიქრობენ ქალები, რომელსაც ის თავისი ახალი ბოსის, მომხიბვლელი დარსის წინააღმდეგ იყენებს...
ორი ძველი მეგობარი გამოუვალ მდგომარეობაში აღმოჩნდება და მოუწევთ, ურთიერთობა დაუყოვნებლივ გაწყვიტონ, რასაც ორივესთვის შემაშფოთებელი შედეგები მოჰყვება...
რომანტიკული კომედია, რომელიც ახალგაზრდა ახლადშექმნილი წყვილისა და მათი ოჯახის წევრების შესახებ მოგვითხრობს, რომლებიც კულტურებს შორის შეჯახების, გაუმართლებელი სოციალური მოლოდინების და თაობათა განსხვავებების ფონზე, თანამედროვე სამყაროში სიყვარულს, ოჯახურ დინამიკასა და ურთიერთობებს იკვლევს…
ტომასი და ბეა დაქორწინდნენ, ახლა პიტერთან და მის კურდღლების ოჯახთან ერთად ცხოვრობენ. ბაღში ცხოვრებით თავმობეზრებული პიტერი დიდ ქალაქში წავა, გაიცნობს საეჭვო პერსონაჟებს და მთელ ოჯახს ქაოსსა და აურზაურში გაჰხვევს...
კევინ ჰარტი ცდილობს ბლოკბასტერების ვარსკვლავად იქცეს და ცოდნის მისაღებად რონ უილკოქსის სკოლაში იწყებს სიარულს. ის თვლის, რომ სწორედ ამ გზით შეძლებს კინოინდუსტრიის ყველაზე მოთხოვნად კადრად იქცეს...
სიუჟეტი ყოფილ მსახიობზე მოგვითხრობს, რომელმაც წარსულში პოპულარული სუპერგმირის როლი შეასრულა და ახლა გადაწყვიტა მონაწილეობა მიიღოს ბროდვეის სპექტაკლში, იმისათვის რომ დაიბრუნოს ძველი პოპულარობა და დიდება...
პოპ-ვარსკვლავი ახალი საშობაო ჰიტის შთაგონების ძიებაში, ასრულებს ახალგაზრდა ფანის სურვილს. თუმცა, მათი შეხვედრა მას კიდევ რაღაცას აძლევს - ნამდვილი სიყვარულის შანსს...
უზარმაზარი ამბიციისა და გადამეტებული თავაშვებულობის ისტორია, რომელიც მოგვითხრობს რამდენიმე მეოცნების აღმასვლას და დაცემას 1920-იანი წლების ჰოლივუდის გარყვნილებისა და აღვირახსნილობის ეპოქაში...
ახალგაზრდა შეყვარებული წყვილი, მარგო და ტაილერი შორეულ კუნძულზე მდებარე ექსკლუზიური და უნიკალური რესტორნის მოსანახულებლად მიემგზავრებიან, რომელსაც ძალიან კარგი რეპუტაცია აქვს, სადაც ამ დაწესებულების შეფ-მზარეული სლოვიკი, ახლგაზრდა გმირებს სთავაზობს მდიდრულ მენიუს შოკისმომგვრელ სიურპრიზებთან ერთად…
გარი ოლდმანი ლინჩის როლში - უჩვეულოდ მომხიბვლელი დაქირავებული მკვლელი დაუჯერებლად სასაცილო შავ-ბნელ კომედიაში „დიდი ფსონისა“ და „ბანქოს, ფულისა და ორი ლულის“ ტრადიციების კვალდაკვალ. ვარსკვლავთა გუნდის: ტერენს სტემპის, ელენა ანაიას, რობერტ კარლაილისა და ბილი ზეინის მიერ მოთხრობილი ქაოტური ისტორიის ყურებისას, თუ როგორ ეძებენ კრიმინალები სიყვარულს, ფულსა და შურისძიებას, სიცილით შეიძლება, სკამიდანაც გადმოვარდეთ.
როცა პრიმების ოჯახი ნიუ იორკში გადავა, მათი უმცროსი შვილი ჯოში ახალ სკოლასთან და ახალ მეგობრებთან შეგუებას ცდილობს. ყველაფერი იცვლება, როცა ის საკუთარ სხვენში აღმოაჩენს ლაილს - მომღერალ ნიანგს, რომელსაც აბაზანები, ხიზილალა და კარგი მუსიკა უყვარს. როცა ლაილის კეთილდღეობას მისი მეზობლისგან მისტერ გრამპისგან საფრთხე დაემუქრება, პრიმები ერთად უნდა დადგნენ და მსოფლიოს აჩვენონ, რომ ყველაზე მოულოდნელი წარმომავლობის ოჯახებიც არსებობს...
ყველასათვის საყვარელი პერონაჟის - გრინჩის ანიმაციური ვერსია, სადაც ის კვლავ შეპყრობილია შობის ჩაშლის სურვილით, ამ დროს კი ჰუვილის მაცხოვრევლები თავიანთი ყოველწლიური წვეულებისთვის გრანდიოზულ სამზადისში არიან და წარმოდგენაც არ აქვთ, წინ რა ელოდებათ...
ახალგაზრდა თოვლის კაცი ისეთ რამეს აღმოაჩენს, რაც აქამდე ეგონა რომ არ არსებობდა - ეს ადამიანა. სიახლე "წვრილფეხას" არსებობის შესახებ სწრაფად გავრცელდება თოვლისკაცების საზოგადოებაში, რაც მათ დიდ საფიქრალში ჩააგდებს. ნუთუ, რაღაც დიდი და წარმოუდგენელი სამყარო შეიძლება არსებობდეს მათი თოვლიანი სოფლის მიღმა...
ცნობილი დეტექტივი იძიებს წარმოსადეგი საგვარეულოს ოჯახისთავის სიკვდილს. უხუცესი ერთი შეხედვით ყველას უყვარდა და პატივს სცემდა, თუმცა, საინტერესოა რა იმალება ემოციებს მოკელებული სიტყვების უკან...
ფილმი მოგვითხრობს ქალთა ჯგუფის შესახებ, რომლებმაც ერთ სამხედრო ბაზაზე მომღერალთა გუნდი ჩამოაყალიბა. წარმოუდგენელად ღრმა მეგობრული ურთიერთობების ჩამოყალიბება, მუსიკა და სიცილი მათ ცხოვრებას სრულიად გარდაქმნის - ისინი ერთმაეთს ეხმარებიან დაძლიონ როგორც საკუთარი შიშები, ისე საყვარელი ადამიანების გამო შიში, რომლებიც ბრძილის ველზე არიან...
ნიკოლას კეიჯის სამსახიობო კარიერა დაღმასვლისკენ მიდის. ის ვალებშია ჩაფლული, ქალიშვილი მას თითქმის არ ელაპარაკება, მაგრამ მაინც იმედოვნებს, რომ კვენტინ ტარანტინოს ახალ პროექტში მიიღებს როლს. გარდა ამისა, კეიჯის 1990-იანი წლების ვერსია იწყება, რომელიც აკრიტიკებს მსახიობს იაფფასიან ფილმებში შესრულებული როლებისთვის და ხელიდან გაშვებული შესაძლებლობებისთვის.
ჟიზელი, რომელიც ქალაქში ცხოვრებითაა იმედგაცრუებული, გარეუბანში ადგილი ვერ დაიმკვიდრა და ბედნიერი დასასრული ადვილად ვერ მოიპოვა, დასახმარებლად ანდალასიის მაგიას მიმართავს. შემთხვევით ის მთელ ქალაქს რეალურ ზღაპრად აქცევს და მისი ოჯახის ბედნიერებას საფრთხეს შეუქმნის. იგი დროის წინააღმდეგ უნდა წავიდეს და შელოცვა ახსნას, რათა გაარკვიოს, რას ნიშნავს რეალურად ბედნიერი დასასრული მისთვის და მისი ოჯახისთვის...
საგზაო მუშების ჯგუფს, რომელსაც მუდამ მოკამათე მამა-შვილი მეთაურობს, გადარჩენაზე ფიქრი მოუწევს, როდესაც შემთხვევით უძველეს ირლანდიელ ვამპირს გააღვიძებენ...
29 წელია, რაც ვიღაცამ შავი ალის სანთელი აანთო და მე-17 საუკუნეში მცხოვრები დები მკვდრეთით აღადგინა და ისინი შურისძიებას აპირებენ. ახლა კი სკოლის სამმა მოსწავლემ გააფთრებული ჯადოქრები უნდა შეაჩეროს და სეილემი განადგურებისგან იხსნას, სანამ ყველა წმინდანის დღე გათენდება...
სტუდენტები ადალბერტო და ლუნა ოჯახებისგან შორს შეხვდებიან და ერთმანეთი შეუყვარდებათ, თუმცა ერთმანეთის ოჯახებს არ იცნობენ. ეს ყველაფერი შეიცვლება, როცა ლუნა დაფეხმძიმდება. ადალბერტო ისე საშინლად აღწერს საკუთარ ოჯახს, რომ ლუნა ამბობს: " ისე ლაპარაკობ, თითქოს ურჩხულები იყვნენ". არადა მან რა იცის...
მომხიბვლელი და მუდმივად უსიამოვნებებში გახვეული ფლეტჩი მოპარული ნახატის ძიებისას მკვლელობის საქმეში მთავარ ეჭვმიტანილად იქცევა. უდანაშაულობის დამტკიცების ერთადერთი გზაა, ამოიცნოს ვინაა დამნაშავე ეჭვმიტანილთა გრძელი სიიდან - ექსცენტრიკული ნახატებით მოვაჭრე, შეშლილი მეზობელი თუ ფლეტჩის იტალიელი შეყვარებული...
