ოდრი ცდილობს შეაჩეროს მისი ძმა და გადააფიქრებინოს დაქორწინება ახალგაზრდა ფრანგ ქალზე, ჰემპტონში, წინასაქორწილო უქმეების განმავლობაში, რაც ასევე მის 40 წლის იუბილეს ემთხვევა. ის კარგავს კონტროლს და ცდილობს ჩაშალოს ქორწინების ცერემონიალი, მაგრამ საბოლოოდ თვალს უსწორებს სიმართლეს, რომ ვერ აღუდგება წინ ჭეშმარიტ სიყვარულს...
ფილმში მოვლენები ვითარდება სიდნეიში და მოგვითხრობს ორი ახალგაზრდა გმირის შესახებ, რომლებსაც ერთმანეთი კოლეჯიდან სძულთ, წლების შემდეგ იძულებულნი არიან თავი მოაჩვენეონ წყვილად საერთო მეგობრების ქორწილში, რომლის დროსაც ისინი უამრავ საშიშ თავგადასავალში ხვდებიან. მიუხედავად იმისა, რომ ერთმანეთს ვერ იტანენ, მოულოდნელად მათ შორის სიყვარული იღვიძებს, მაგრამ ისინი მაინც აგრძელებენ გაქცევას ყოველი სექსუალური კონტაქტის შემდეგ...
ჯეიმი ნანობს შეყვარებულთან დაშორებას, მარიანს კი დასვენება ძალიან სჭირდება. როდესაც ისინი დასასვენებლად წასვლას გადაწყვეტენ, გზად მოულოდნელად ეყრებიან უნიჭო კრიმინალების ჯგუფს....
კაი ბერდის და მარტინ შერვინის წიგნზე “ამერიკელი პრომეთე: ჯულიუს რობერტ ოპენჰაიმერის ტრიუმფი და ტრაგედია” დაფუძნებული კრისტოფერ ნოლანის ბიოგრაფიული დრამა, რომელიც 1943-1945 წლებში მანჰეტენის პროექტის დროს ლოს-ალამოსის ლაბორატორიის დირექტორის, ამერიკელი ფიზიკოს-თეორეტიკოსის რობერტ ოპენჰაიმერის, და მისი უდიდესი წვლილის შესახებ მოგვითხრობს, რომლის ხელმძღვანელობით შეიქმნა ისტორიაში პირველი ატომური ბომბი, რის გამოც მას ხშირად მოიხსენიებენ როგორც “ატომური ბომბის მამად”.
ამბავი მოზარდი გრან ტურიზმოს მოთამაშის ოცნების ასრულების შესახებ, რომელმაც ნისანის შეჯიბრში გაიმარჯვა და პროფესიონალი ავტომრბოლელი გახდა. დაფუძნებულია ნამდვილ ამბავზე...
ანტუან ფუკუას 2018 წლის კრიმინალური თრილერის “მარეგულირებელი 2“ მესამე ნაწილი სამართლიანობისა და ჩაგრულთა უშიშარი დამცველის, აშშ-ს სამხედრო დაზვერვის ყოფილი აგენტის, რობერტ მაკკოლის (დენზელ ვაშინგტონი) შესახებ, რომლის პროფესიული უნარები კვლავ მოთხოვნადია, რადგან კარგ ადამიანებს ცუდი ადამიანებისგან ყოველთვის სჭირდებათ დაცვა და მას უბრალოდ ვერავინ შეედრება ამ საქმეში. მას შემდეგ, რაც მან უარი თქვა მთავრობის მკვლელის ცხოვრებაზე, ის მთელი ძალებით ცდილობს შეეგუოს წარსულში ჩადენილ საშინელ საქმეებს და უცნაურ ნუგეშს პოულობს ჩაგრულთა სახელით სამართლიანობის მსახურებაში. სამხრეთ იტალიაში მყოფი, მთავარი გმირი აღმოაჩენს, რომ მისი ახალი მეგობრები ადგილობრივი კრიმინალური ავტორიტეტების კონტროლის ქვეშ არიან. როდესაც მოვლენები სასიკვდილო ხდება, მაკკოლმა იცის რა უნდა გააკეთოს: გახდეს თავისი მეგობრების მფარველი მაფიის წინააღმდეგ ბრძოლაში.
ბიოგრაფიული დრამა, რომელშიც მოვლენები ვითარდება 1957 წლის ზაფხულში და მოგვითხრობს იტალიელი დიზაინერის, მეწარმისა და მრბოლელის, ენცო ფერარის ცხოვრების შესახებ, რომელიც გახდა ავტოსპორტის ლეგენდა და მსოფლიოში ყველაზე ცნობილი სპორტული მანქანის შემქმნელი. ყოფილი მრბოლელი ფერარი კრიზის განიცდის, ხოლო მისი კომპანია გაკოტრების პირასაა, რომელიც მან და მისმა მეუღლემ ლაურამ ნულიდან ააშენეს. იმ დროსა, როცა მათი მშფოთვარე ქორწინება მთელი ძალებით ებრძვის ვაჟის დაკარგვას, ის გადაწყვეტს აინაზღაუროს თავისი დანაკარგები და 1957 წლის საკულტო რბოლაში იღებს მონაწილეობას, რომლის დროსაც ფერარის ესპანელი მძღოლი ალფონსო დე პორტაგო დაიღუპა...
ისტორია ამბიციური სტუდენტის იგალ ამირის ცხოვრების შესახებ, რომელიც ამზადებდა ისრაელის პრემიერ მინისტრის იცხაკ რაბინის მკვლელობას. ახალგაზრდა კაცზე გავლენას ახდენს გარკვეული რელიგიური და პოლიტიკური ძალები, რომლებიც იგალს ცივსისხლიან მკვლელად აყალიბებენ...
ადამ კლეი - პენსიაზე გასული სამთავრობო აგენტია, რომელიც ძლევამოსილ საიდუმლო ორგანიზაციაში მუშაობდა, კოდური სახელწოდებით “მეფუტკრეები”. ახლა იგი მეფუტკრეობას მისდევს. მაგრამ როდესაც კეთილი ქალი, რომელიც მასზე ზრუნავდა, ერთ დღეს, თაღლითობის მსხვერპლი გახდება და თავს მოიკლავს, შურისძიებით შეპყრობილი, იწყებს ერთპიროვნულ და დაუნდობელ ომს, რათა დამნაშავეებს პასუხი აგებინოს...
კოსმონავტების ჯგუფი ამოუცნობი სამყაროს გამოსაკვლევად მიემართება და თავისი ხომალდით დედამიწასთან ახლოს მდებარე შავ ხვრელში შეფრინდებიან. ის მათ საშუალებას მისცემს გადაადგილდნენ წარმოუდგენელ მანძილებზე...
DC-ის 2018 წლის ფილმის “აქვამენი“-ს გაგრძელება ატლანტიდის დედოფლის ვაჟის და შვიდი ზღვის მმართველის, ძლევამოსილი აქვამენის შესახებ, რომელიც ახლა შვილის აღზრდით და ატლანტიდის მართვითაა დაკავებული. მას კვლავ მოუწევს დაპირისპირება შავ მანტასთან, რომელიც ატლანტიდით შებყრობილ საზღვაო ბიოლოგ სტივენ შინთან ერთად მოქმედებს...
ემა და დეივი, ნიუ-ჯერსის გარეუბანში მცხოვრები ორი შვილის ახალგაზრდა მშობლები არიან, რომლებიც ალამაზებენ თავიანთი ქორწინების პიკანტურ წლისთავს ნიუ-იორკში როლური თამაშების ღამით. მაგრამ ყველაფერი სახიფათო ხდება, როდესაც ბობი ემას, როგორც საერთაშორისო მკვლელის საიდუმლო ცხოვრებას გამოავლენს, რომლის შესახებაც დეივმა არარაფერი იცის, რის გამოც მისი ოჯახი აღმოჩნდება საფრთხეში. ახლა ემა უნდა დაეყრდნოს თავის მომაკვდინებელ უნარებს და სიმტკიცე, რათა დაიცვას თავისი ოჯახი ნებისმიერ ფასად...
მოვლენები შორეულ მომავალში ვითარდება და მოგვითხრობს გალაქტიკის შორეულ კუთხეში მდებარე კოლონიის შესახებ, რომლის მშვიდობიანი მოსახლეობა სასტიკი ტირანის - ბალისარიუსის და მისი ჯარის ტერორის ქვეშ აღმოჩნდება. შედეგად, კოლონიის სასოწარკვეთილი მოქალაქეები იდუმალი წარსულის მქონე ახალგაზრდა ქალს - კორას, საშიშ მისიზე აგზავნიან, რათა მან იპოვოს მოკავშირეები და მეომრები ახლომდებარე პლანეტებზე, რომლებსაც შეუძლიათ მათი დაცვა…
ადამიანებსა და ხელოვნურ ინტელექტს შორის მოსალოდნელი ომის შუაგულში, სპეცრაზმის ყოფილ აგენტს ჯოშუას, რომელიც საკუთარი ცოლის გაუჩინარებას გლოვობს, დაიქირავებენ, რათა იპოვოს და მოკლას შემოქმედი - დახვეწილი ხელოვნური ინტელექტის შემქმნელი. მან შეიმუშავა საიდუმლოებით მოცული იარაღი, რომელსაც ომის დასრულება და კაცობრიობის განადგურება შეუძლია...
ნამდვილი ამბავი ავიაკატასტროფის შესახებ. ტერორისტული საფრთხის გამოძიების დროს, რომელიც ინტერნეტში გავრცელდა, კორეის ხელისუფლება აღმოაჩენს, რომ ეჭვმიტანილი ახლახან ავიდა საერთაშორისო რეისზე, რომელიც შეერთებულ შტატებში მიფრინვს. როდესაც იმავე რეისზე მყოფი სრულიად ჯანმრთელი მგზავრი მოულოდნელად კვდება შემზარავი სიკვდილით, პანიკა იფეთქებს როგორც ჰაერში, ასევე ხმელეთზე. ახლა საწვავის სტაბილურად ვარდნისა და დახმარებაზე საერთაშორისო უარის თქმის გამო, კაპიტანი და ეკიპაჟი იძულებულნი არიან მიიღონ უპრეცედენტო გადაუდებელი გადაწყვეტილებები მათი მგზავრების სიცოცხლის გადასარჩენად....
როდესაც უოკერების ოჯახის წევრები სხეულებს უცვლიან ერთმანეთს იშვიათი პლანეტარული განლაგების დროს, მათი მხიარული მოგზაურობა ნორმალურ მდგომარეობაში დაბრუნებისკენ - მათ იმაზე უფრო მეტად დააახლოვებს, ვიდრე ოდესმე ეგონათ...
ნავთობმწარმოებელი პოლ სტარგესის იდეალური ოჯახური შვებულება კოშმარად გადაიქცევა, როცა ისინი გადაეყრებიან უზარმაზარ ზვიგენს, რომელიც საკუთარი ტერიტორიის დასაცავად ყველაფერზეა წამსვლელი. გამუდმებული თავდასხმების პარალელურად პოლმა და მისმა ოჯახმა როგორმე უნდა მოძებნონ გზა და ნაპირზე ცოცხლებმა გააღწიონ ამ ეპიკურ ბრძოლაში ადამიანებსა და ბუნებას შორის...
მას შემდეგ, რაც სპეცდანიშნულების რაზმის ოფიცერის, მატეო დონერის საუკეთესო მეგობარი მათი ერთობლივი მისიის შესრულების დროს იღუპება, დანაშაულის გრძნობით დატანჯული მატეო იწყებს ხეტიალს მთელ მსოფლიოში. მაგრამ როდესაც დაბრუნდება ამსტერდამში, მთავარი გმირი აღმოჩნდება ჩათრეული ქალაქის ქუჩების ომში. ახლა დონერს მხოლოდ ერთი მიზანი აქვს: გადაარჩინოს თავისი გარდაცვლილი მეგობრის გატაცებული ქალიშვილი...
როდესაც ისინი მონსტრების აკადემიაში მეორე კურსზე შედიან, კლოდინ ვოლფი, დრაკულაურა და ფრენკი სტეინი ახალ სტუდენტებს, ახალ ძალებს და კიდევ უფრო დიდ საფრთხეს აწყდებიან, რამაც შეიძლება არა მხოლოდ გაანადგუროს მათი მეგობრობა, არამედ სამუდამოდ შეცვალოს სამყარო.
მოქმედება ვითარდება ამერიკაში დიდი დეპრესიის დროს. უსახლკარო ფრენკ ჩემბერსმა მოძებნა დროებითი თავშესაფარი და სამუშაო გზისპირა სასადილოში. ის მოშინაურდა, მოეწონა მეპატრონეს და, რაც მთავარია მეპატრონის ცოლს. ამ ქალთან მას საკმაოდ ახლო კავშირი გაუჩნდა, – ფრენკი, როგორც მამაკაცი ბევრად უფრო საინტერესოა ვიდრე მისი მეუღლე. რაღაც გარკვეული დროს მერე ახალგაზრდა წყვილი, ჩათვლის, რომ მეპატრონე უკვე ზედმეტია მათ ცხოვრებაში და გადაწყვიტავს ის თავიდან მოიშოროს...
მოზარდი გოგონა და მისი უმცროსი და დედის ტრაგიკულ სიკვდილს განიცდიან, როცა მათ სახლში სასტიკი ურჩხული გამოჩნდება. ბავშვები ცდილობენ, მგლოვიარე მამის ყურადღება მანამ მიიქციონ, სანამ გვიანი იქნება...
რეალურ ცხოვრებაში კვონ იუ უმუშევარია, მაგრამ ვირტუალურ თამაშში ის საუკეთესო ლიდერია. ერთხელ მან ტელეფონი იპოვა და მის მფლობელს დაუბრუნა. მეორე დღეს კი მას პოლიცია იჭერს. მობილურს პატრონი გაუპატიურებული და მოკლული იპოვეს. მკვლელობაში კვონ იუს ადანაშაულებენ...
ორი და იპოვის უძველეს წიგნს, რომლიდანაც სისხლს მოწყურებული დემონები დაიბადებიან. ისინი ლოს ანჯელესის საცხოვრებელ კორპუსში შეშლილებივით დარბიან, გადარჩენისთვის იბრძვიან და უპირისპირდებიან ყველაზე კოშმარულ ოჯახს, რისი წარმოდგენაც კი შესაძლებელია...
ალექსის ნოულენტის ამავე სახელწოდების ფრანგულ გრაფიკულ კომიქსზე დაფუძნებული სასტიკი, სისხლიანი, ელეგანტური და ნეო-ნუარული კრიმინალური დრამა, მორალური კომპასის გარეშე სამყაროს წყვდიადში ჩაკარგული, მარტოხელა და ცივი პროფესიონალი დაქირავებული მკვლელის, კრისტიანის შესახებ, რომელიც მომდევნო დავალებაზე მყოფი კბილებამდე შეიარაღებული, ნელ-ნელა კარგავს საღ აზრს. გამოცდილი დაქირავებული მკვლელი ჩრდილში იცდის და ელოდება თავის მომავალ სამიზნეს, და რაც უფრო მეტხანს ელოდება, მით უფრო ეჩვენება, რომ ჭკუიდან იშლება, რადგან ის განიცდის რთულ ფსიქოლოგიურ კრიზისს და იწყებს სინანულის გრძნობას თავისი დანაშაულებების გამო...
აგენტი ემ-16 ორსონ ფორჩუნი და მისი გუნდი ფარულ ოპერაციაში დასახმარებლად ჰოლივუდის ერთ-ერთ უდიდეს ვარსკვლავს ქირაობენ. ისინი იბრძვიან ახალი მომაკვდინებელი იარაღის წინააღმდეგ, რომელიც მსოფლიო წესრიგს საფრთხეს უქმნის...
ითან ჰანტი ერთგულ გუნდთან და მოკავშირეებთან ერთად ისევ კაცობრიობის გადარჩენას ცდილობს. გმირები იწყებენ ყველაზე სახიფათო მისიის შესრულებას: ნადირობენ ახალ საშინელ იარაღზე, რომელიც საფრთხეს უქმნის მთელ კაცობრიობას...
1980-იან წლებში შეუმდგარი კომიკოსი სიგიჟის ზღვარზე მიდის ის და ქალაქ გოთემის დანაშაულით სავსე ცხოვების რიტმს უწყობს ფეხს, რა დროსაც ცნობილ პათოლოგიურ დამნაშავედ ყალიბდება...
ბიოგრაფიული დრამა, ებრაული სახელმწიფოს პირველი ქალი პრემიერ-მინისტრის – “ისრაელის რკინის ლედის”, გოლდა მეირის უკიდურესად დრამატული და მნიშვნელოვანი პასუხისმგებლობების და საკამათო გადაწყვეტილებების შესახებ, რომელიც მთავრობაში სერიოზული უთანხმოებების, დავების და განხეთქილების პირისპირ აღმოჩნდება, რაც საბოლოოდ 1973 წელს განკითხვის დღის ომის წარუმატებლობის მიზეზი გახდა…
სემი, ინტერიერის დიზაინერი, არდადეგებზე შინ ბრუნდება, რათა „ბელ ჰარბორის სასტუმრო“-ს განახლებაში მონაწილეობა მიიღოს. მასთან ერთად კუპმა უნდა იმუშაოს. პრობლემა ისაა, რომ ეს ის ბიჭია, რომელმაც წარსულში გული საშინლად ატკინა...თვითონ კი ის გოგონაა, რომელმაც ყველაფერი მიატოვა და გაიქცა...
სხვადასხვა ამბებისგან შემდგარი ისტორია, რომლის მთავარი გმირიც ჰენრი შუგარია. ადამიანი რომელსაც მოპარული წიგნის მეშვეობით მომავლის წინასწარმეტყველება შეუძლია...
ჰეჯ-ფონდში მოულოდნელი დაწინაურება ახალგაზრდა წყვილის ურთიერთობას კრახის ზღვარზე მიიყვანს, სადაც გაცილებით მეტი აღმოჩნდება სასწორზე, ვიდრე მათი ბოლოდროინდელი ნიშნობა. მაგრამ მთავარი გმირი აღმოაჩენს, რომ მისი მონდომებული ბრძოლა პროფესიული და პირადი ცხოვრების დასაბალანსებლად მხოლოდ აისბერგის მწვერვალია თავის გაცვეთილ ურთიერთობაში.
ბეისბოლის ბურთის ზომის სეტყვა, ძლიერი ქარი და მძვინვარე ტორნადოები სუპერუჯრედებს სასიკვდილოდ აქცევს, და როდესაცც უილიამ ბროდი პატარა ბიჭი იყო, ქარიშხალებზე ლეგენდარული მონადირე - მამამისი, ერთ-ერთმა მათგანმა მოკლა. ახლა მისი ოჯახის ბიზნესი თავზეხელაღებულ ტუროპერატორს, ზეინ როჯერსის ეკუთვნის, რომელიც ხედავს დოლარის ნიშნებს იქ, სადაც სხვები - ჭექა-ქუხილს. როცა მისი ბედი ისტორიაში ერთ-ერთი ყველაზე საშინელი ქარიშხლის სახით ჩნდება, უილიამი ტოვებს დედას და სახლს, რათა გაერთიანდეს მამის ყოფილ პარტნიორთან, როი კამერონთან, რომელიც ძლივს გადაურჩა ტორნადოს. გმირები გადაწყვეტენ დაედევნონ ბუნების ერთ-ერთი ყველაზე საშინელ სტიქიურ ქმნილებას...
რალფი არის ძველი კომპიუტერული თამაშის მეორეხასისხოვანი პერსონოჟი. ის ათი წლის განმავლობაში კეთილსინდისიერად ასრულებდა ბოროტმოქმედის როლს, მაგრამ მას მობეზრდა სულ მთავარი პერსონაჟის ჩრდილში ყოფნა და გადაწყვიტა წავიდეს მოგზაურობაში სხვადასხვა ჟანრის თამაშებში, რათა დაამტკიცოს, რომ მასაც შეუძლია იყოს გმირი.
სიუჟეტის ცენტრში ყოფილი სპეცრაზმელი და კერძო დაცვის სპეციალისტი ლუო ფენგია, რომელსაც ერაყში მდებარე ჩინური ნავთობგადამამუშავებელი ქარხანის თანამშრომლების გადარჩენა მოუწევს, როდესაც ისინი ტერორისტების თავდასხმის ობიექტები გახდებიან. მალე მთავარი გმირი აღმოაჩენს, რომ ტერორისტები სინამდვილეში მძარცველები არიან, რომლებიც შავი ოქროს მოპარვას აპირებენ. მძარცველების შესაჩერებლად და მძევლების გადასარჩენად, ფენგის ყოფილი ამერიკელი საზღვაო ქვეით კრის ვან ჰორნი ეხმარება. მათ სამოქალაქო პირების ჯგუფი ბაღდადის “სიკვდილის გზის” გავლით მწვანე ზონაში უნდა გადაიყვანონ…
ჯორჯიის შტატის ქალაქ ელროდაში მცხოვრები ჩარლის ქალიშვილის გაუჩინარებიდან ერთი წლის შემდეგ, კიდევ ერთი გოგონა იკარგება. დარწმუნებული, რომ ამ ორ ინციდენტს შორის კავშირი არსებობს, ჩარლი ადგილობრივი სამართალდამცავი ორგანოებისა და ქალაქის მცხოვრებლების მიმართ ეჭვს და ზიზღს იძენს, რომელსაც ახლა ვერავინ და ვერაფერი შეაჩერებს, რომ ქალაქის ყველაზე დამანგრეველი და ბნელი საიდუმლო გამოავლინოს…
სტივენ კინგის ამავე სახელწოდების საშინელებათა რომანზე დაფუძნებული 2019 წლის ფილმის “შინაური ცხოველების სასაფლაო“ პრიკველი, რომელშიც მოვლენები ვითარდება 1969 წელს და მოგვითხრობს ახალგაზრდა ჯუდ კრენდოლის შესახებ, რომელიც ოცნებობს დატოვოს მენის შტატში მდებარე თავისი მშობლიური ქალაქი ლუდლოუ, მაგრამ მალე აღმოაჩენს ადგილობრივი სასაფლაოს სახით საშინელ საიდუმლოებებს, სადაც ყველა გარდაცვლილი შეიძლება კვლავ გაცოცხლდეს. ახალგაზრდა გმირი იძულებულია შეხვდეს ბნელ ოჯახურ ისტორიას, რომელიც სამუდამოდ დააკავშირებს მას ლუდლოუსთან. ახლა ჯუდი და მისი ბავშვობის მეგობრები უნდა შეებრძოლონ უძველეს ბოროტებას, რომელიც ლუდლოუს დაარსების დღიდან დაეუფლა.
ფილმი გვიამბობს კელის შესახებ, რომელსაც უწევს თავის „სასტიკი ოპონენტის“ (ბრუკსის) გვერდით მუშაობა. იგი მისი ძმის სტუდენტობისდროინდელი საუკეთესო მეგობარია, რომელიც ახლა კელის საოჯახო ბიზნესის - ტკბილეულის მაღაზიის - ნახევარს ფლობს...
ჯოსი – ახალგაზრდა გოგონაა, რომელიც ბავშვობიდან ინვალიდის ეტლს მიჯაჭვული, ფერწერის, წიგნების და წარმოსახვის საკუთარ სამყაროში ცხოვრობს. ერთ დღეს იგი ფერდობიდან ვარდება და მხოლოდ ცუნეოს დროული გამოჩენა უშველის. ცუნეო საზღვაო ბიოლოგიას შეისწავლის და მხოლოდ მექსიკაში მობინადრე ნარინჯისფერი თევზის ხილვაზე ოცნებობს. მათი შემთხვევითი შეხვედრის შედეგად, ჯოსის ბებია ცუნეოს ნახევარ განაკვეთზე სამუშაოს სთავაზობს, როგორც გოგონას მომვლელს. მიუხედავად იმისა, რომ ეგოისტი და მომთხოვნი ჯოსის ცხოვრებას ვერ აადვილებს ცუნეო, ის მასთან ყოფნას განაგრძობს. შედეგად მათ შორის ურთიერთობა სახეს იცვლის და ჯოსი ოცნების ახდენას გადაწყვეტს...
რომანტიკული კომედიის “ჩემი დიდი ბერძნული ქორწილი 2” მესამე ნაწილი პორტოკალოსების დიდი და თითქმის ყოველთვის მეგობრული ბერძნული ოჯახის წევრების შესახებ, რომელიც მოგვითხრობს პორტოკალოსების ამაღელვებელ და მხიარულ მოგზაურობაზე. ისინი მიდიან ბერძნულ სოფელში ოჯახის გაერთიანების მიზნით, რათა მათი გარდაცვლილი პატრიარქის გუს პორტოკალოსის უკანასკნელი სურვილი შეასრულონ…
მოახლოებული დეპრესიისგან თავის დაღწევის მცდელობისას, მარტოხელა, მაგრამ იმედით სავსე ბრინი ბრუნდება სახლში ნუგეშის საპოვნელად მშობლიურ კედლებში, სანამ ერთ ღამეს არ გააღვიძებს უცნაური ხმაური, რომელიც აშკარად არამიწიერი დამპყრობლებისგან მოდის. მოვლენები არღვევს მის რთულად მოპოვებულ სიმშვიდეს. დაპირისპირება ბრინსა და უცხოპლანეტელ არსებებს შორის, საფრთხეს უქმნის ახალგაზრა გმირის მომავალს და აიძულებენ მას გაუმკლავდეს საკუთარ წარსულს...
ეს დღე ერთ-ერთი ყველაზე ცუდი აღმოჩნდება, ჩვიდმეტი წლის გოგონას ჰელდი სალივანის ცხოვრებაში, როდესაც ის თავის რეისს გამოტოვებს და ჯონ ფიცჯერალდ კენედის სახელობის აეროპორტში ჩარჩება. ჰელდი აგვიანებს მისი მამის მეორე ქორწილში, რომელიც ტარდება ლონდონში. ახალგაზრდა გმირი ხვდება იდეალურ ბიჭს აეროპორტის ვიწრო დარბაზში. მას ოლივერი ჰქვია, ის ბრიტანელია და მის გვერდით ზის. თვითმფრინავში გრძელი ღამე თვალის დახამხამებაში გადის და გმირები აეროპორტის ქაოსში ჩასვლისთანავე კარგავენ ერთმანეთს. შეიძლება თუ არა ბედმა, ისინი კვლავ გააერთიანოს?
კოლეჯის დამთავრების შემდეგ ჯეიმი რეიესი მომავლის შესახებ უამრავი გეგმით შინ ბრუნდება, თუმცა აღმოაჩენს, რომ მისი სახლი ისეთი არ არის, როგორიც დატოვა. სანამ ჯეიმი სამყაროში მის დანიშნულებას ეძებს, საქმეში ბედისწერა ერთვება და მის ხელში მოულოდნელად აღმოჩნდება უცხოპლანეტელთა ბიოტექნოლოგიების უძველესი რელიკვია - სკარაბი.
როდესაც მოზარდების ჯგუფი გაიგებს, როგორ გამოიძახონ სულები ბალზამირებული ხელით, ისინი ერთად იკრიბებიან სპირიტური სეანსის ჩასატარებლად და დამოკიდებულნი ხდებიან ახალ შეგრძნებებზე. მიას სურს დაუკავშირდეს დედის სულს, რომელიც ზუსტად ერთი წლის წინ გარდაიცვალა. მაგრამ სეანსის დროს ცოცხალთა და მიცვალებულთა სამყაროს შორის საზღვარი იშლება და გათავისუფლებული საშინელი სულები მიას დევნას იწყებენ. შედეგად, ახალგაზრდა გმირი სიტუაციის გამოსწორებას ცდილობს, მაგრამ მას სრულიად შეუქცევადს ხდის...
კომპანია Mattel-ის ამავე სახელწოდების სათამაშოების სერიაზე დაფუძნებული რომანტიკული კომედია, ბარბილენდში მცხოვრები თოჯინა ბარბის შესახებ, რომელსაც თავისი სამყაროდან გააძევებენ იმის გამო, რომ არ არის საკმარისად სრულყოფილი, ძალიან ექსცენტრიულია და არ ერგება ტრადიციულ შაბლონს. შედეგად, მთავარი გმირი თავგადასავლებით სავსე მოგზაურობაში მიდის რეალურ სამყაროში და როცა ბარბილენდში ბრუნდება მის გადასარჩენად, ხვდება, რომ სრულყოფილება შიგნითაა და არა გარეთ, და რომ ბედნიერების გასაღები საკუთარი თავის რწმენაშია.
თანაკლასელების ბავშვობის რომანი ნორასა და ჰაე სუნგს შორის მოულოდნელად მთავრდება, როდესაც ნორას ოჯახი ემიგრაციაში წავა კანადაში. თორმეტი წლის შემდეგ, ნორა, ახლა სტუდენტია ნიუ-იორკში, რომელიც შენიშნავს, რომ ჰაე სუნგი ეძებს მას სოციალურ ქსელებში. შედეგად, ახალგაზრდა გმირები ხელახლა იკრიბებიან ონლაინ, ხშირად საუბრობენ და გაერთაინებაზე ოცნებობენ. მაგრამ გადის კიდევ ათი წელი, სანამ ისინი საბოლოოდ შეხვდებიან რამდენიმე საბედისწერო დღეს ნიუ-იორკში სუნგის ვიზიტის დროს. მიუხედავად იმისა, რომ ახლა მათი ცხოვრება რადიკალურად შეიცვალა, ისინი კვლავინდებურად დაკავშირებულები არიან რომანტიკული კავშირით...
მოვლენები ვითარდება 2021 წლის კომედიის “არდადაგების მეგობრები“ დასრულებიდან თვეების შემდეგ და მოგვითხრობს ახალდაქორწინებულების, მარკუსის და ემილის შესახებ, რომლებიც იწვევენ თავიანთ საუკეთესო მეგობრებს რონის და კაილის, რომლებიც ასევე ცოტა ხნის წინ დაქორწინდნენ და შეეძინათ ბავშვი, რათა შეუერთდნენ მათ შვებულებაში კარიბის ზღვის კურორტზე. მისი იქ წასვლის მიზეზი უპირველეს ყოვლისა არის კურორტის მფლობელებთან შეხვედრა ჩიკაგოს სასტუმროს მშენებლობის კონტრაქტზე, რომელიც მათ საკუთრებაშია. მაგრამ როდესაც კაილის დაპატიმრებულ მამას რიზის გაათავისუფლებენ სან-კვენტინიდან და მოულოდნელად ჩნდება კურორტზე ყველაზე არახელსაყრელ მომენტში, ყველაფერი კონტროლიდან გამოდის, მარკუსის საუკეთესო გეგმებს არღვევს და მეგობრების იდეალურ მოგზაურობას სრულ ქაოსად აქცევს...
დაფუძნებულია ბრამ სტოკერის 1897 წლის კლასიკური რომანის „დრაკულას“ ერთ თავზე - „კაპიტნის დღიურები“. ფილმი გვიყვება რუსი მეზღვაურის დიმიტრის შესახებ, რომელსაც დაევალა კერძო ტვირთის გადატანა - მას 24 დაუნიშნავი ხის ყუთი უნდა კარპატებიდან ლონდონში უნდა ჩაეტანა. ფილმში აღწერილია უჩვეულო მოვლენები, რომლებიც შუა ოკეანეში აღმოჩენილ ეკიპაჟს გადახდა, როცა ღამღამობით მათი დევნა უცნაურმა არსებებმა დაიწყეს. როცა გემმა საბოლოოდ უიტბის ნავსადგურში ჩააღწია, ბორტი ცარიელი აღმოჩნდა. ეკიპაჟის კვალი კი არსად ჩანდა.
მოდელების ვარსკვლავურ წყვილს მდიდრულ კრუიზში ეპატიჟებიან, რომელსაც შეშლილი კაპიტანი მართავს. რაც თავიდან ინსტაგრამის პოსტებისთვის ზედგამოჭრილი ჩანს, კატასტროფით სრულდება. გადარჩენილები კი უკაცრიელ კუნძულზე გარიყულები აღმოჩნდებიან...
დარტანიანს - გულად ახალგაზრდა გასკონელს დიდგვაროვანი ქალბატონის გადარჩენისას სასიკვდილოდ გაწირავენ. პარიზში ჩასვლის შემდეგ ის ცდილობს, თავდამსხმელები ნებისმიერ ფასად იპოვოს, თუმცა არ იცის, რომ მისი თავგადასავალი ომის შუაგულში ამოაყოფინებს თავს, სადაც საფრანგეთის მომავალი უნდა გადაწყდეს. მეფის მუშკეტერების ათოსის, პორთოსის და არამისის თანხლებით ის უპირისპირდება ვერაგი კარდინალი რიშელიესა და მილედი უინთერის მაქინაციებს, ამ დროს კი მას შეუყვარდება დედოფლის ნდობით აღჭურვილი პირი - კონსტანსი.
