მხიარული და ამაღელვებელი ისტორია კალათბურთის ქვედა ლიგის ჯიუტი ყოფილი მწვრთნელის მარკუსის შესახებ, რომელსაც არაერთი შეცდომის შემდეგ, სასამართლო ინტელექტუალურად შეზღუდული შესაძლებლობის მქონე ახალგაზრდა კალათბურთის მოთამაშეთა გუნდის ხელმძღვანელობას და სპეციალურ ოლიმპიადაზე მონაწილეობას დაავალებს. არასრულყოფილი, მაგრამ თავდადებული მწვრთნელი მალევე ხვდება, რომ ეჭვების მიუხედავად, ამ გუნდს შეუძლია იმაზე შორს წასვლა, ვიდრე ოდესმე წარმოიდგენდა…
დოკუმენტური ფილმი ფორმულა 1-ის შვიდგზის მსოფლიო ჩემპიონის, მიხაელ შუმახერის ცხოვრების შესახებ. მილიონობით გულშემატკივარი მთელს მსოფლიოში აღფრთოვანებული იყო მისი გამბედაობით, გამარჯვების ჟინით და გმირის იმიჯით. ფილმი მრბოლელის თვისებების მეორე მხარეს ავლენს, რომელსაც ხშირად ხედავდნენ როგორც დაუნდობელ გამარჯვების მანქანას, ასევე იშვიათი ინტერვიუებით, საშინაო ვიდეოებით და აქამდე გამოუქვეყნებელი კადრებით, რომელიც ყურადღების ცენტრიდან შორს საკუთარ თავში დაურწმუნებლობის და დაუცველობის დასაძლევად მებრძოლ მამაკაცს ასახავს.
ინესი წვალობს, თუმცა მაინც დამოუკიდებლად ცხოვრობს, ის 1990-იანი წლების ნიუ იორკში თავშესაფრიდან თავშესაფარში გადადის. მისი 6 წლის შვილი ტერი დროებით მეურვეთა ოჯახშია გაშვილებული, თუმცა ინესს არ უნდა შვილის დაკარგვა, ამიტომ მას იტაცებს, რათა ერთად ახალი ცხოვრება დაიწყონ. წლებთან ერთად ტერი იზრდება და საკმაოდ ჭკვიან მოზარდად იქცევა, თუმცა საიდუმლო, რომელმაც მათი ბედი განსაზღვრა, მათ ოჯახს განადგურებით ემუქრება.
პოლ გალიკოს ამავე სახელწოდების რომანის ახალი ადაპტაცია, რომელშიც მოვლენები 1950-იანი წლების ლონდონში ვითარდება და დაქვრივებული დამლაგებელი ქალის ადა ჰარისის შესახებ მოგვითხრობს, რომელსაც Christian Dior-ის მაღალი მოდის კაბა სიგიჟემდე შეუყვარდება და ამ ხელოვნების ნიმუშის მიღებას გადაწყვეტს. მისი ოცნებების ასასრულებლად, თავდაუზოგავი მუშაობის, შიმშილისა და აზარტული თამაშების შემდეგ, მთავარი გმირი თავგადასავლებით სავსე მოგზაურობაში მიდის პარიზში, რომელიც არა მხოლოდ მის საკუთარ მსოფლმხედველობას, არამედ Dior-ის სახლის მომავალსაც შეცვლის.
საინფორმაციო ტექნოლოგიების სკეპტიკურად განწყობილი სპეციალისტი თავის იმპროვიზირებულ ლაბორატორიაში ექსპერიმენტებს ატარებს - ცდილობს საკუთარი სმენის სერიოზულ დაქვეითებას უშველოს. მაგრამ სად მიიყვანს ეს კვლევა ? შეიხედეთ ამ უსახელო გმირის სამყაროში ამ იდუმალი და საზარელი ფილმის საშუალებით, რომელიც სუსტი ნერვების ადამიანებისთვის ნამდვილად არ შექმნილა.
სოფი იხსენებს საერთო სიხარულისა და არდადეგების წუთებს, რომლებიც მან მამასთან გაატარა ოცი წლის წინ. ჯერ კიდევ 1990-იანი წლების ბოლოს, როდესაც ის სულ რაღაც 11 წლის იყო, გოგონამ ერთი კვირა გაატარა მამასთან, კალუმთან ერთად თურქეთის ბიუჯეტურ კურორტზე და ერთადგილიან საწოლს იზიარებდა მათ სასტუმრო ოთახში, რადგან ტურისტულმა აგენტმა ვერ შეძლო ორადგილიანი საწოლის დაჯავშნა. 31 წლის მამაკაცი სოფის დედას დაშორდა და ახლა ლონდონში ცხოვრობს, ხოლო ის დედასთან დარჩა ედინბურგში. ამიტომ მთავარი გმირი მოუთმენლად ელის მასთან დროის გატარებას.
მოზარდობის დროს საუკეთესო მეგობრები სესილია და ემა 10 წლის შემდეგ ხვდებიან ერთმანეთს. ემა სესილიას წინასაქორწინო წვეულებაზე დაპატიჟებს, სადაც ის მოხვდება მოშორებით მდებარე ქოხში სკოლისდროინდელ მჩაგვრელთან და შურისძიების შანსთან ერთად.
როალდ დალის ამავე სახელწოდების საბავშვო რომანზე დაფუძნებული კლასიკური მიუზიკლის “მატილდა” რიმეიკი, ვუნდერკინდი პატარა გოგონას მატილდას შესახებ, რომელიც თავის უსიამოვნო მშობლებთან ცხოვრობს და დადის სკოლაში, რომელსაც მოძალადე დირექტორი მართავს, სადაც მისი კეთილი მასწავლებლის მის ჰანის სახით მონათესავე სულს აღმოაჩენს. შედეგად, ის იძულებული ხდება დაუპირისპირდეს საზოგადოებას, რომელიც უარს ამბობს მის მიღებაზე. მატილდა ცდილობს განავითაროს თავისი უჩვეულო შესაძლებლობები, ისწავლოს და შეიცნოს სამყარო, მაგრამ მოზარდები ყოველმხრივ ხელს უშლიან მის ცნობისმოყვარეობას და ცდილობენ შეზღუდონ იგი. მახვილი გონებითა და უზარმაზარი ფანტაზიით შეიარაღებული, ახალგაზრდა გმირი ბედავს სასწაულებრივად შეცვალოს თავისი ბედი.
ახალგაზრდა დომი ჯერ კიდევ დედასთან ერთად ცხოვრობს ლონდონში და ახლახან გაიგო, რომ მისი შეყვარებული ჯია ღალატობს თავის საუკეთესო მეგობარ ერიკთან. თავისუფლებისმოყვარე იასიმაც ასევე ცოტა ხნის წინ განიცადა მძიმე დაშორება. მოულოდნელად მათი გზები გადაიკვეთება, ამისთვის ყველაზე შეუფერებელ მომენტში, როდესაც ისინი ერთად აღმოჩნდებიან საერთო მეგობრის გამოფენაზე სამხატვრო გალერეაში. ახალგაზრდა ლონდონელი გმირები მთელი დღე დახეტიალობენ კარაოკე ბარებსა და სათამაშო მოედნებზეი. მაგრამ ამ დღეს დომს დანიშნული აქვს ყოფილთან უხერხული სადილი. შედეგად, იასიმი სადილზე თავს აჩვენებს დომის ახალ შეყვარებულად, რასაც მოჰყვება იმპულსური და მხიარული ქაოტური დღე, რა დროსაც სულ უფრო უახლოვდებიან საკუთარი გულის გახსნის შესაძლებობას.
ელისონი - ახალგაზრდა ქალია, რომელსაც აქვს ნათელი მომავალი - ის წარმატებული კარიერის მქონე, მშვენიერი საცოლეა, ჰყავს მხარდამჭერი ოჯახი და მეგობრები. მაგრამ მისი სამყარო თვალის დახამხამებაში დაინგრევა, როდესაც წარმოუდგენელი ტრაგედია დაატყდება თავს. მომდევნო წლებში თავის მომავალ მამამთილთან მეგობრობა, აძლევს მას შანსს, რომ გაძლიერდეს და გააგრძელოს ცხოვრება...
მთიან რაიონში მიმდინარე ექსპედიცია მოულოდნელად ტრაგედიად შემოტრიალდება. გადარჩენას მხოლოდ ერთი გოგონა ახერხებს. დაჭრილი და შიშისგან შეშლილი ადგილობრივ პოლიციას მიმართავს. შერიფს მისი ისტორიის არ სჯერა, მაგრამ შესამოწმებლად ექსპედიციას ამზადებს....
კრის ბელდენის ამავე სახელწოდების რომანზე დაფუძნებული კომედია, ნიუ-იორკში მცხოვრები ხშირად დეპრესიული, მთვრალი და მარტოხელა ხელოსანი მამაკაცის შესახებ, რომელსაც ცხოვრებაში ერთი წიგნიც არ წაუკითხავს. მას შეცდომით მიიწვევენ ცნობილ, მაგრამ კარჩაკეტილ მწერალ შაივერის მაგივრად უნივერსიტეტში, სადაც ის სიტყვით უნდა წარსდგეს. მთავარი გმირი მოულოდნელად აღტაცების საგანი და ყურადღების ცენტრში აღმოჩნდება მწერალთა კონფერენციაზე, რომელიც აღნიშნავს ნამდვილი ავტორის წიგნის 20 წლის იუბილეს. “შაივერი” როლში იჭრება და კონფერენციის ხელმძღვანელ ინგლისური ენის პროფესორთან აბავს რომანს, მაგრამ მალე ნამდვილი შაივერი გამოჩნდება.
როდესაც დამწყები ახალგაზრდა მეზღვაური ჯესიკა უოტსონი გადაწყვეტს გახდეს ყველაზე ახალგაზრდა ადამიანი, რომელიც მარტო, შეუჩერებლად და დაუხმარებლად დედამიწის ირგვლივ ნავით იმოგზარებს, ბევრი ჩათვლის, რომ ახალგაზრდა გმირის მისია წარუმატებელი იქნება. მაგრამ მისი მწვრთნელისა და მენტორის, ბენ ბრაიანტისა და მისი მშობლების მხარდაჭერით, ჯესიკა მტკიცედ გადაწყვეტს გააკეთოს ის, რაც აქამდე შეუძლებლად ითვლებოდა. საბოლოოდ ის, ოკეანის ერთ-ერთ ყველაზე ურთულეს მონაკვეთს გაივლის 210 დღის განმავლობაში.
მკაცრი რეჟიმის ციხის კონტროლის საკუთარ ხელში აღებისა და თავის არმიაში სხვა პატიმრების გადმობირების შემდეგ, ლოს-ანჯელესის პოლიციის ასაფეთქებელი ნივთიერებების ყოფილი ექსპერტი და კრიმინალური საქმეების დამგეგმავი უპირისპირდება ბოროტმოქმედს მოლაპარაკებების დროს, რომელსაც მძევლად ჰყავს აყვანილი პატიმრები და საიდუმლო სამსახურის ყოფილი აგენტი, რომელიც თავის პატიმარ შვილს სტუმრობდა…
კეთილი იყოს თქვენი მობრძანება ცოდვილთა ქალაქში. ეს ქალაქი იხმობს ძლიერებს, გარყვნილებს, გულგატეხილებს. ზოგი მას ბნელს უწოდებს... ცინიკოსები. ზოგიერთი მას სახლად მიიჩნევს - კორუმპირებული პოლიციელები, სექსუალური ქალბატონები, სასოწარკვეთილი სამართლიანობის მაძიებლები. ზოგიერთს შურისძიება სწყურია, სხვებს ვნება, არიან ისეთებიც, რომელნიც არცერთზე არ იტყოდნენ უარს. იმედგაცრუებული და საეჭვო გმირების შესახებ, რომლებიც ჯერ კიდევ ცდილობენ, სწორად მოიქცნენ ქალაქში, რომელსაც ეს სულაც არ ადარდებს.
დენი, არნოლტების ოჯახის თინეიჯერი ვაჟიშვილი უჩინარდება. საქმე ყველაზე გამორჩეულ დეტექტივს ფრანსუა ვისკონტის ეწერება. ცოლთან გაშორების გამო, მას უწევს რთულ საგამოძიებო პროცესს პრობლემური 16 წლის შვილის მარტო აღზრდა შეუთავსოს. როდესაც გაუჩინარებული ბიჭის ფრანგულის მასწავლებელი მომხდარის შესახებ იგებს, გამოძიებას საკუთარ თავს დამხმარედ სთავაზობს...
ედი დოდსონი ავეჯის მაღაზიის მფლობელია ლოს-ანჯელესში. ის იცნობდა ბევრ ცნობილ ადამიანს, მთელი ცხოვრება ერთობოდა, აწყობდა დაუვიწყარ მიღებებს. ერთხელაც ედის შეუყვარდა და იმისათვის, რომ ყურადღება მიექცია გადაწყვიტა გაეძარცვა ბანკი...
როცა პატარა სამხედრო დანაყოფს მოულოდნელად დაესხმებიან თავს, შეერთებული შტატების არმიამ ბრძოლა მიწისქვეშ უნდა გააგრძელოს. ეს არის გადამწყვეტი მისია, ბრძოლა - რომელიც მათ აქამდე არასდროს გამოუცდიათ...
1950-იანი წლების ლონდონი, საჯარო სამსახურის უხასიათო მოხელე გადაწყვეტს შვებულება აიღოს, რათა საზარელი დიაგნოზის დასმის შემდეგ ნამდვილი ცხოვრება გამოსცადოს...
სეთ მაკფერლეინი მის ორიგინალურ იუმორს ამჯერად დიდ ეკრანზე გვაწვდის, როგორც სცენარის ავტორი, რეჟისორი და გამხმოვანებელი. ჯონ ბენეტის ბავშვობის სათამაშო დათუნია გაცოცხლდება, რომელსაც მარტო დარჩენა არ სურს...
რეჟისორ ფლორიან ზელერის ამავე სახელწოდების პიესის მოტივებზე დაფუძნებული დრამატული ამბავი, რომელიც ოჯახური ურთიერთობების შესახებ მოგვითხრობს. მის ახალ პარტნიორთან, ემასთან და მათ შვილთან ერთად, ახალგაზრდა მამის პიტერის დატვირთული ცხოვრება თავდაყირა დადგება, როდესაც მისი ყოფილი ცოლი კეიტი თავის მატყუარა, გაუცხოებულ და გაბორეტებულ თინეიჯერ ვაჟთან, ნიკოლასთან ერთად გამოჩნდება, რომელიც თვეებია სკოლას აცდენს. შედეგად, პიტერი მთელი ძალებით ცდილობს იყოს უკეთესი მამა და დაეხმაროს ვაჟიშვილს ოჯახური ბედნიერების ამ ინტიმურ და ინსტინქტურ მომენტებში. მაგრამ ნიკოლასის მძიმე მდგომარეობა ოჯახს საშიშ გზაზე აყენებს...
2017 წლის ფილმის “The Outlaws” სიქველი, რომელშიც მოქმედება სეულის ერთ-ერთ რაიონში ჩატარებული მაშტაბური რეიდის მოვლენებიდან ოთხი წლის შემდეგ ვითარდება. დეტექტივი მა სეოკ-დუ, კაპიტან ჩონ ილ-მანთან და მის გუნდთან ერთად, გაქცეული ეჭვმიტანილის ექსტრადაციის მიზნით მიემგზავრება ვიეტნამში, მაგრამ ჩამოსვლიდან მალევე აღმოაჩენს მკვლელობის დამატებით შემთხვევებს და სასტიკი მკლელის კან ჰე-სანის შესახებ შეიტყობს, რომელიც უკვე რამდენიმე წელია ჩადის დანაშაულს ტურისტების წინააღმდეგ. ახლა კანის დასაჭერად, დეტექტივმა მამ და მისმა გუნდმა ძალ-ღონეს არ უნდა დაიშურონ...
დართ ვეიდერი მეორე "სიკვდილის ვარსკვლავს" ქმნის. ის ყველა ძალას იკრებს, რათა ამ სასიკვდილო იარაღით უკანასკნელი გამანადგურებელი დარტყმა მიაყენოს აჯანყებულებს და მათ მოკავშირეებს.
ეპიკური საგის გაგრძელება. გალაქტიკის ბრძოლა ბოროტი იმპერატორის წინააღმდეგ გრძელდება. პრინცესა ლეა იმპერიის ჯარების გამანადგურებელ შეტევას გადაურჩა. ლიუკ სქაიოუქერი ლეგენდარულ იოდას პოულობს და მისგან ჯედაის საიდუმლოებებს სწავლობს.
გალაქტიკური იმპერიის მოსახლეობა პროტესტს უცხადებს დიქტატორულ ხელისუფლებას, რომელიც მათ სამყაროზე მბრძანებლობს. აჯანყებულები იმპერატორზე თავდასხმისათვის ემზადებიან, ისინი იბრძვიან თავისუფლების მოსაპოვებლად...
ფილმი დაფუძნებულია რეალურ ისტორიაზე.18-ე საუკუნე, ინგლისი, დაიდო ელიზაბეტ ბელი სამეფო საზღვაო ფლოტის კაპიტანი ჯონ ლინდსის და შავკანიანი ქალის ქალიშვილია. გოგონა არისტოკრატულ გარემოში გაიზარდა, ის ბიძამ ლორდმა მენსფილდმა და მისმა მეუღლემ აღზარდეს...
პლანეტა პანდორას მკვიდრ ნა’ვი-ს ჰუმანოიდთა რასის ავატარის სხეულში მყოფი დედამიწელი ყოფილი ჯარისკაცის ჯეიკ სალის და მისი ცხოვრების თანამგზავრის ნეიტირის ამბის გაგრძელება, რომელიც მათი სიყვარულის და მათი ახალი ოჯახის შესახებ მოგვითხრობს, რომლებიც ყველაფერს აკეთებენ ერთად დარჩენისთვის. თუმცა, როდესაც ადრე დაწყებულის დასასრულებლად, ძველი საფრთხე დაბრუნდება, ჯეიკი თავისი პლანეტის დასაცავად ნეიტირისთან და ნა’ვი-ს რასის არმიასთან უნდა გაერთიანდეს, სადაც ახლა ისინი იძულებულნი არიან დატოვონ სახლი და შეისწავლონ პანდორას სხვადასხვა რეგიონები...
ნამდვილი ამბავი, რომელიც რევოლუციონერი აფრო-ამერიკელი ბიზნესმენების, ბერნად გარეტის და ჯო მორისის დრამატულ ამბავს მოგვითხრობს, რომლებიც 1960-იან წლებში ბიზნეს სფეროში რასისტულ-რეპრესიული პრობლემების მოსაგვარებლად თამამ და სარისკო გეგმას შეიმუშავებენ. ისინი სხვა აფრო-ამერიკელებს თავიანთი ამერიკული ოცნების განხორციელებაში ეხმარებოდნენ. გარეტის მეუღლესთან ერთად გმირები მუშათა კლასიდან თეთრკანიან, მეთ შტაინერს მათი მზარდი უძრავი ქონებისა და საბანკო საქმის წარმოების იმპერიის მდიდარ და პრივილეგირებულ სახედ განასახიერებაში ავარჯიშებენ, ხოლო თავად გარეტი და მორის დამლაგებელს და მძღოლს ანსახიერებენ. მათი წარმატება საბოლოოდ ფედერალური ბიუროს ყურადღებას იპყრობს, რაც საფრთხეს შეუქმნის ყველაფერს…
ისტორია მოგვითხრობს მორისის - სულელი ქუჩის კატის ამბავს, რომელიც ფულის საშოვნელად იდეალურ სქემას ქმნის. ის პოულობს ბრიყვის გამომეტყველებიან ბავშვს, რომელიც ჩასაბერ საკრავზე უკრავს, თავისი ვირთხების ხროვა ჰყავს და უჩვეულოდ განათლებულია...
მას შემდეგ, რაც საჯარო დაპირისპირება პოპულარულ ვიდეობლოგერს შერცხვენილს და აუდიტორიის გარეშე დატოვებს, ის თავისი გამომწერების დაბრუნებას გადაწყვეტს და მარტო მიდის იდუმალ სახლში, სადაც მოარული ხმების თანახმად მოჩვენებები არიან. მისი მიზანია მთელი ღამის განმავლობაში ლაივ სტრიმი და მაყურებელის მაქსიმალური რაოდენობის მოგროვება. მაგრამ მთავარი გმირი არ ელოდა, რომ მისი ვიზიტი გააბრაზებდა შურისმაძიებელ სულს, რომელიც ბლოგერის ტრიუმფალურ დაბრუნებას ნამდვილ კოშმარად და გადარჩენისთვის ბრძოლად გადააქცევს რეალურ დროში, რადგან ის ხვდება სახლის ბოროტ დემონს და მის ძლევამოსილ მიმდევრებს.
ორ დამნაშავეს გაქცევა სურს, თუმცა მათი ბოსი გაქცეულებს ხოცავს. ამიტომ როცა მათ ძარცვის ოპერაციაზე უშვებენ, ისინი ფულს ბოსს უმალავენ, თავისთვის იტოვებენ და პოლიციას მონასტერში, მონაზვნების ფორმაში გადაცმულები ემალებიან...
ანიმაციური ფილმის “ჩექმებიანი კატა”-ს სიქველი, რომელშიც მოქმედება პირველი ფილმის მოვლენებიდან ორი თვის შემდეგ ვითარდება, როდესაც ჩექმებიანი კატა აღმოაჩენს, რომ თავგადასავლებისადმი მისმა გატაცებამ თავისი შედეგი მოიტანა: მას ახლა ცხრა სიცოცხლედან მხოლოდ ერთი დარჩა. შედეგად, მთავარი გმირი იწყებს ეპიკურ მოგზაურობას, რათა იპოვოს მისტიკური “უკანასკნელი სურვილი” და აღადგინოს თავისი ცხრა სიცოცხლე…
დრამატული ამბავი ახლაგაზრდა აფრო-ამერიკელი გეის, ელის ფრენჩის შესახებ, რომელიც დედისგან უარყოფილი და მომავლის იმედის გარეშე, გადაწყვეტს შეუერთდეს საზღვაო ქვეითთა კორპუსს, სადაც აკეთებს ყველაფერს, რათა წარმატებას მიაღწიოს სისტემაში, რომელიც მას განზე წევს. მაგრამ მაშინაც კი, როცა ის ებრძვის ღრმა ცრურწმენებს და საბაზისო ვარჯიშის დამქანცველ რუტინას, ახლაგაზრდა გმირი მოულოდნელად აღმოაჩენს ამხანაგობის სულს, ძალას და მხარდაჭერას ამ ახალ საზოგადოებაში, რაც ძნელად მიღებულ გრძნობას კუთვნილებას სძენს, რომელიც ელის პიროვნებას ჩამოაყალიბებს და სამუდამოდ შეცვლის მის ცხოვრებას...
როცა საუკეთესო მეგობრები და სრულიად საპირისპირო ადამიანები დები და პიტერი ერთი კვირით სახლებს გაცვლიან და ერთმანეთის ცხოვრებას გაეცნობიან, შესაძლოა, მათ სიყვარულიც იპოვონ...
ტუ შიაოი, იაო ზიშენი და ქი ჯინგშიანი სკოლის მოსწავლეები არიან პატარა ქალაქში ლანშიში, სამხრეთ ჩინეთში. ეს არის ისტორია ოცნებების, მეგობრობის, ოჯახისა და ახალგაზრდული პირველი სიყვარულის შესახებ.
ისტორია იწყება დაახლოებით 2000 წლის წინ, როდესაც ნაზა დრაკონების მეფემ ფენგშენ იანუიმ დაიპყრო. ახალგაზრდა დეტექტივი ლი იუნქსიანგი თანამედროვე სამყაროში ცხოვრობს და თავისუფალ დროს მოტო-რბოლებით ერთობა . თუმცა როცა ქედმღალი და მდიდარი უფროსის ვაჟი მას დაამარცხებს, საყვარელ ძრავს წაართმევს და მის ობოლ დას დაჭრის, მრისხანება ნამდვილ ცეცხლში გადაიზრდება. ნაზას ნამდვილი იდენტობა გამოაშკარავდება - ის აჯანყებული ღმერთია, ძალადობის მოყვარული ეგოცენტრული არსება. ის იუნქსიანგს ძალებს შემატებს და ძალაუფლებისკენ მიდრეკილს გახდის. დროა იუნქსიანგმა გადაწყვეტილება მიიღოს, ან დაემორჩილოს ნაზას ან ნამდვილი გმირი გახდეს...
კრიმინალური თრილერი, ნოვატორი-რეპორტიორების შესახებ, რომლებმაც გაამხილეს 1960-იანი წლების ავადსახსენებილი “ბოსტონელი მგუდავის” მკვლელობების ამბავი. ფილმი მოგვითხრობს Record-American-ის ახალგაზრდა რეპორტიორის - ლორეტა მაკლაფლინის შესახებ, ვინც ხდება პირველი ჟურნალისტი, რომელიც მკვლელობებს ბოსტონელ მგუდავთან აკავშირებს. იმ დროს, როდესაც უფრო და უფრო მეტი ადამიანი ხდება იდუმალი მკვლელის მსხვერპლი, ლორეტა მთელი ძალებით ცდილობს გააგრძელოს გამოძიება თავის კოლეგასთან და ნდობით აღჭურვილ ჯინი კოულისთან ერთად, მაგრამ გმირები აღმოჩნდებიან ჩიხში იმ ეპოქაში გავრცელებული სექსიზმის გამო. თუმცა, მაკლაფლინი და კოული თამამად აგრძელებენ გამოძიებას, რითაც საკუთარ თავს დიდ საფრთხეში აგდებენ და რისკავენ სიცოცხლეს სიმართლის გასარკვევად...
1985 წელს მომხდარი ნამდვილი ამბავი ნარკობარონის კუთვნილი თვითმფრინავის ჩამოვარდნის, დაკარგული 70 ფუნტი კოკაინისა და შავი დათვის შესახებ. პოლიციელების, კრიმინალების, ტურისტებისა და თინეიჯერების უცნაური ჯგუფი იკრიბება ჯორჯიის ტყეში, სადაც უდანაშაულო 175 ფუნტიანმა შავმა დათვმა კოკაინით სავსე სპორტული ჩანთა გადაყლაპა, რომლის ღირებულება 15 მილიონი დოლარი იყო, რაც დათვის განრისხებას გამოიწვევს. სინამდვილეში, შემთხვევის ადგილზე მისულმა პოლიციამ მკვდარი დათვის გვერდით 40 ცარიელი ნარკოტიკის პაკეტი იპოვა, რომლის სიკვდილის მიზეზი უდავოდ დოზის გადაჭარბება გახდა.
სამეცნიერო ფანტასტიკა, ჩინური წარმოშობის ამერიკელი მისის ვანის შესახებ, რომლის ცხოვრება თავდაყირა დადგება, როდესაც გადასახადების გადახდისას მოულოდნელად მბრუნავი საოფისე სკამიდან პირდაპირ მულტისამყაროში მოხვდება. მთავარი გმირი ალტერნატიულ სამყაროდან თავის ქმარს ხვდება, რომელიც მას ეუბნება, რომ მან უნდა შეაჩეროს “დიდი ბოროტება”, რომელიც თითოეულ პარალელურ სამყაროში ვრცელდება და ახლა ის ერთადერთია, ვისაც შეუძლია გადაარჩინოს სამყარო გარდაუვალი სიკვდილისგან...
ტოტალიტარული ბრიტანეთის ფუტურისტული პეიზაჟის ფონზე, ფილმი მოგვითხრობს წყნარ ახალგაზრდა ქალზე, ივიზე, რომელიც საბედისწერო სიტუაცაში გადაარჩინა კაცმა, ცნობილმა როგორც "V". ეს არის შთამბეჭდავი ფიგურა შავი ლაბადით და მაღალი წვეტიანი შლაპით, რომლის ქვეშაც საინტერესო ნიღაბს ატარებს. შეუდარებლად ქარიზმატული და საბრძოლო ხელოვნებაში სპარტანულად გაწვრთნილი, ცბიერი "V" რევოლუციას გააჩაღებს, როცა მოუწოდებს თანამემამულეებს აღსდგნენ ტირანიისა და ჩაგვრის წინააღმდეგ...
ჯუნის დედა კოლუმბიაში მოგზაურობისას მის ახალ შეყვარებულთან ერთად გაუჩინარდება. ჯუნის მიერ პასუხების ძიებას საერთაშორისო ბიუროკრატია აფერხებს. ათასობით მილის მოშორებით ლოს ანჯელესში ჯუნი ყოველგვარ უახლეს ტექნოლოგიას იყენებს, რათა დედა დროულად იპოვოს. თუმცა რაც უფრო ღრმად იწყებს ძიებას, უფრო მეტი უპასუხო კითხვა უჩნდება. როცა ჯუნი დედის საიდუმლოებებს ფარდას ახდის, მიხვდება, რომ თურმე მას საერთოდ არ იცნობდა.
მას შემდეგ, რაც კევინი იპოვის მოჩვენებას სახელად ერნესტს, რომელიც მის ახალ სახლში ბინადრობს, ის სოციალური მედიის სენსაციად იქცევა. თუმცა როცა კევინი და ერნესტი გარდაცვლილის წარსულის გამოძიებას იწყებენ, ისინი დაზვერვის სააგენტოს სამიზნეები ხდებიან...
ფრანსის ვებერის 1976 წლის საკულტო კლასიკის “სათამაშო”-ს რიმეიქი. სამი, ბედნიერად ცხოვრობს სისტემის გარეთ, მრავალბინიან კორპუსში, ბავშვობის მეგობრებთან და მეუღლესთან ერთად, რომელიც პირველ შვილს ელოდება. შედეგად, მომავალი ოჯახის მოთხოვნილებების უზრუნველსაყოფად, სამი ძალიან უხალისოდ იწყებს მუშაოაბას ღამის დარაჯად მაღაზიაში. ფილიპი – საფრანგეთის უმდიდრესი ადამიანია. ის ცივი და უგრძნობი ადამიანი გახდა, მას შემდეგ რაც მისი მეუღლე გარდაიცვალა. ალექსანდრე – მისი ერთადერთი ვაჟი და ფილიპის მთელი სიმდიდრის მემკვიდრეა – თავშესაფარს ეძებს განებივრებული ბავშვის მარტოსულ სამყაროში. დაბადების დღეზე ფილიპი ხსნის სათამაშოების განყოფილებას მაღაზიაში, სადაც მთავარი გმირი მუშაობს და ეუბნება ალექსანდრეს, რომ შეუძლია მიიღოს ის, რაც უნდა. ალექსანდრე ირჩევს სამის...
ელვის პრესლის ცხოვრებისა და მუსიკის ისტორია მის მენეჯერთან, პოლკოვნიკ ტომ პარკერთან რთული ურთიერთობის პრიზმაში. ისინი ერთად მუშაობდნენ 20 წელზე მეტი ხნის განმავლობაში: ელვისის კარიერის დასაწყისიდან მის უპრეცედენტო დიდებამდე...
მირიამ ტეივზის ამავე სახელწოდების რომანის ეკრანიზაცია იზოლირებული მენონიტების თემიდან ქალების ჯგუფის შესახებ, რომლებიც იკრიბებიან სათივეში, სადაც ისინი მთელი ძალებით ცდილობენ თავიანთი რწმენის შეჯერებას მამრობითი სქესის მრევლის მხრიდან სექსუალურ ძალადობის სერიასთან. მამაკაცების არყოფნაში, გულგატეხილი ქალები განიხილავენ სამ ვარიანტს: ან არაფერი გააკეთონ, ან დარჩნენ და შეებრძოლონ დანაშაულს, ან დატოვონ კოლონია. ზოგიერთი ქალი შიშობს, რომ წინააღმდეგობის ნებისმიერმა მოქმედებამ შეიძლება საფრთხე შეუქმნას მათ სამოთხეში მოხვედრას. სხვები კი მტკიცედ არიან დარწმუნებულნი, რომ ქმრებისა და ვაჟების გარეშე ვერ გადარჩებიან. თუმცა, ზოგიერთი ქალი მზად არის ყველაფერი გააკეთოს, რათა თავი დააღწიოს ცოლ-ქმრული ცხოვრების საშინელებას. ისინი ამტკიცებენ, რომ “სიმართლე უფრო ძლიერია”, ვიდრე საზოგადოების მიერ დაწესებული წესები.
ყოფილი ამერიკის ელჩი გაბონში ადანაშაულებს აშშ-ს პრეზიდენტს ერაყის ომის დაწყების მიზეზების ფალსიფიკაციაში. მთავრობა ცდილობს თავიდან მოიშოროს მათთვის საშიში მოწინააღმდეგე და გაზეთ "SUNDAY TIMES"-ში ბეჭდავენ სტატიას, სადაც ჯოზეფ უილსონის ცოლი ვალერი პლეიმი გამოცხადებულია ცრუ-ს აგენტად. გმირის ცხოვრება საფრთხეშია...
ნიკ მარშალი სარეკლამო კომპანიის თვითკმაყოფილი ხელმძღვანელია. უბედური შემთხვევის შემდეგ ნიკს უჩნდება უნარი, გაიგოს თუ რაზე ფიქრობენ ქალები, რომელსაც ის თავისი ახალი ბოსის, მომხიბვლელი დარსის წინააღმდეგ იყენებს...
ორი ძველი მეგობარი გამოუვალ მდგომარეობაში აღმოჩნდება და მოუწევთ, ურთიერთობა დაუყოვნებლივ გაწყვიტონ, რასაც ორივესთვის შემაშფოთებელი შედეგები მოჰყვება...
ელისი, შეწუხებული ადამიანია, და არავინ იცის რატომ. როდესაც მას მიიწვევენ აგარაკზე მეგობრის დაბადების დღის აღსანიშნავად, ის გრძნობს, რომ უნდა მოატყუოს თავისი მომხიბვლელი და წარმატებული მეგობარი ბიჭი საიმონი, და უთხრას, რომ ეს ძალიან მნიშვნელოვანი საქმიანი მოგზაურობაა. მის დიდი ხნის მეგობრებს სურთ, რომ ელისი დატკბეს მათი ერთობლივი გართობით. მაგრამ როდესაც საიმონი მუდმივად უგზავნის მას მესიჯებს, ცხადი ხდება, რომ ის გოგონას მჭიდროდ ადევნებს თვალს, ხოლო მისი ტელეფონი გადაიქცევა ემოციური ძალადობის არხად. როგორც კი ხვდებიან რა ხდება, ელისის მეგობრები ცდილობენ დაარწმუნონ ის, რომ მისი ურთიერთობა არ არის ნორმალური, რადგან საიმონი გამუდმებით აკონტროლებს მას. მთავარი გმირი ვერ შორდება საიმონს, მიუხედავად იმისა, რომ იცის უბედურია. ახლა არა მხოლოდ მათი მეგობრობა აღმოჩნდება სასწორზე, არამედ ეილისის უსაფრთხოებაც...
რომანტიკული კომედია, რომელიც ახალგაზრდა ახლადშექმნილი წყვილისა და მათი ოჯახის წევრების შესახებ მოგვითხრობს, რომლებიც კულტურებს შორის შეჯახების, გაუმართლებელი სოციალური მოლოდინების და თაობათა განსხვავებების ფონზე, თანამედროვე სამყაროში სიყვარულს, ოჯახურ დინამიკასა და ურთიერთობებს იკვლევს…
ბეიკონ ჰილსში სავსე მთვარე ამოდის და მასთან ერთად შემაძრწუნებელი ბოროტება იღვიძებს. მგლები ისევ იწყებენ ყმუილს და იხმობენ ბანშებს, ადამიან კოიოტებს, დემონ ძაღლებს, კიცუნეებს და სხვა ღამის ურჩხულებს. მაქცია სკოტ მაკქოლი თინეიჯერი აღარაა, თუმცა მაინც ლიდერად რჩება და მხოლოდ მას შეუძლია, ახალი მოკავშირეები და სანდო მეგობრები შეკრიბოს და ყველაზე ძლიერ და მომაკვდინებელ მტერს შეერკინოს...
ტომასი და ბეა დაქორწინდნენ, ახლა პიტერთან და მის კურდღლების ოჯახთან ერთად ცხოვრობენ. ბაღში ცხოვრებით თავმობეზრებული პიტერი დიდ ქალაქში წავა, გაიცნობს საეჭვო პერსონაჟებს და მთელ ოჯახს ქაოსსა და აურზაურში გაჰხვევს...
ფილმი მოგვითხრობს ერთი ტურისტი გოგონას და მისი მეგობრის ისტორიაზე, რომელიც არასწორ დროს, არასწორ ადგილას აღმოჩნდება და ეს გამოიწვევს მათ მონაწილეობას ორი მაფიოზური კლანის დაპირისპირებაში. რის შემდეგაც დაიწყება სასიკვდილო რბოლა გერმანიის მაგისტრალებზე...
