ფილმი დაფუძნებულია რეალურ მოვლენებზე და მოგვითხრობს კაცობრიობის ისტორიაში ერთ-ერთი ყველაზე საკულტო კომპიუტერული თამაშის “ტეტრისის” საქმის სამართალწარმოების შესახებ. 1985 წელს სსრკ-ის მეცნიერებათა აკადემიის გამოთვლითი ცენტრის პროგრამისტი, ალექსეი პოჟიტნოვი ქმნის ამაღელვებელ ლოგიკურ თავსატეხს, რომელიც არა მხოლოდ მყისიერად ხდება პოპულარული მთელ მსოფლიოში, არამედ იწვევს სკანდალის პროვოცირებას და სასამართლო პროცესებს, როდესაც ჰოლანდიელი ვიდეო თამაშების დიზაინერი ჰენკ როჯერსი თავსატეხის უფლებებისთვის ბრძოლას გადაწყვეტს.
თავმდაბალ და გულწრფელ კოულს თავდავიწყებით შეუყვარდება ამოუცნობი სეიდი - თუმცა შემდეგ აღმოაჩენს, რომ ის საიდუმლო აგენტია. სანამ კოული და სეიდი მეორე პაემანს დაგეგმავენ, საერთაშორისო თავგადასავალში აღმოჩნდებიან და სამყარო უნდა გადაარჩინონ...
მოკრივე და მისი მენეჯერი ძმა ვალდებულები არიან ქვეყნის ბოლოში გაემგზავრონ, რათა უკანასკნელი მატჩი ჩაატარონ, თუმცა მოგზაურობისას მათ შორის კავშირი დაირღვევა...
ბალტიმორი. ახალი წლის წინა ღამე. პოლიციის ნიჭიერ, თუმცა ტრავმირებულ ოფიცერს ფედერალური ბიუროს მთავარი გამომძიებელი გადაიბირებს, რათა მათ ერთად შეადგინონ სერიული მკვლელის პორტრეტი და იპოვონ ის...
სათავგადასავლო ფანტასტიკა, ახალგაზრდა კალებ ჩანინგის შესახებ, რომელიც მთვარის სამთო კოლონიაში გაიზარდა და ახლა, მამის სიკვდილის შემდეგ, იდილიურ შორეულ პლანეტაზე გადასახლებას აპირებს. მაგრამ წასვლამდე, მამის უკანასკნელი სურვილის შესასრულებლად ის და მისი სამი საუკეთესო მეგობარი, დილანი, ბორნი და მარკუსი, ასევე დედამიწიდან ახალმოსული ედისონი იტაცებენ ყველგანმავალ მანქანას, საიდუმლოებით მოცული კრატერის შესასწავლად...
ფილმი გადაღეებულია პიტერ ქერის რომანის მიხედვით. ეს არის ავსტრალიელი ყაჩაღის ნედ კელისა და მისი ბანდის ამბავი, როდესაც ისინი 1870-იან წლებში ხელისუფლების წარმომადგენლებს გაექცნენ და თავს უშველეს...
სასიყვარულო წერილმა ჟურნალისტებისთვის, რომელიც ერთ ამერიკულ გაზეთში დაიბეჭდა, მეოცე საუკუნის საფრანგეთის ერთ გამოგონილ ქალაქში ბიძგი მისცა მოთხრობების კრებულს, რომელიც ჟურნალ „საფრანგეთის მოამბე“-ში დაიბეჭდა.
არქეოლოგი ტადეო ჯონსის თავგადასავლების გაგრძელება, რომელსაც ძალიან სურს, რომ მისმა კოლეგებმა ის თავისიანად მიიღონ, მაგრამ ტადეო ყოველთვის ყველაფერს აფუჭებს, რომელიც ერთ დღეს შემთხვევით ანადგურებს სარკოფაგს და უძველეს ჯადოქრობას აღვიძებს, რაც საფრთხეს შეუქმნის მისი მეგობრების მუმიას, ჯეფის და ბელიცონის სიცოცხლეს. როდესაც ყველა მის წინააღმდეგაა, მხოლოდ სარას დახმარებით, მთავარი გმირი იწყებს თავგადასავალს, რომელსაც ტადეო მექსიკიდან ჩიკაგოში და პარიზიდან ეგვიპტეში მიჰყავს, რათა ბოლო მოუღოს მუმიის წყევლას.
საუკუნეების მანძილზე დრაკულას ლაქიობით დაღლილი რენფილდი ცხოვრების ახალ მიზანს პოულობს და შესაძლოა, დანაშაულიც გამოისყიდოს. მას ფიცხი, მუდმივად გაბრაზებული საგზაო პოლიციელი რებეკა ქუინსი შეუყვარდება...
40 წლის ჟურნალისტი - საიმონ ლი, სტატიებს წერს ტურისტული ჟურნალისთვის. ერთხელაც გადაწყვეტს საკუთარი ცხოვრების შეცვლას. გაეყრება მეუღლეს - რობინს, რომელთანაც 16 წელი იცხოვრა. მწერლის კარიერა არ გამოსდის, ამიტომაც ცდილობს კინობიზნესში მოიხვეჭოს სახელი. იგი სხვადასხვა ცნობილ ადამიანებს სთავაზობს ფილმის გადაღებას სცენარზე, რომელიც თავისი დაუსრულებელი რომანის საფუძველზე დაწერა. ამ მცდელობების დროს იგი იცნობს შოუბიზნესში სახელგანთქმულ ადამიანებს...
ჯულია, იძულებულია თავის ქმარს შეუერთდეს, როდესაც ის ახალ სამუშაოზე გადადის მშობლიურ რუმინეთში. სამსახიობი კარიერაზე უარის თქმის შემდეგ, ხშირად თავს მარტოსულად და დაუსაქმებლად გრძნობს. ერთ ღამეს, მისი პანორამული ფანჯრიდან ადამიანებზე დაკვირებისას, ის ბუნდოვან ფიგურას შეამჩნევს ახლომდებარე შენობაში, რომელიც თითქოს მისკენ იყურება. ცოტახანში, როცა ჯულია ადგილობრივ კინოთეატრში მარტო რჩება, იმის გრძნობა, რომ მას აკვირდებიან, ძლიერდება, და მთავარი გმირი დარწმნუნებული ხდება, რომ მას უთვალთვალებენ – შეიძლება ეს იგივე უცნობი მეზობელი იყოს? ამასობაში, სერიული მკვლელი, რომელიც ცნობილია როგორც ობობა, შიშის ზარს სცემს ქალაქს.
ბრძენი და ძლევამოსილი ზორდონის მიერ ყოვლისშემძლე რეინჯერების ჩამოყალიბებიდან ოცდაათი წლის შემდეგ, გუნდი მათთვის ნაცნობი საფრთხის წინაშე აღმოჩნდება. ახლა გლობალური კრიზისის დროს, მათ კიდევ ერთხელ მოუწევთ გახდნენ გმირები.
ყველასთვის საყვარელი ქრაულები და მათი შეუპოვარი პერსონალი მათ ცხოვრებაში უმნიშვნელოვანესი წუთისთვის ემზადებიან. ინგლისის მეფისა და დედოფლის ვიზიტი ფარდას ახდის სკანდალს, რომანებსა და ინტრიგებს, რაც დაუნტონის მომავალს გაურკვეველს გახდის.
ნამდვილი ამბავი, 1996 წლის 28 აპრილს ქალაქ პორტ-არტურიში (ავსტრალია) მომხდარი მასობრივი მკვლელობის შესახებ, სადაც მაშინ სულ 35 ადამიანი მოკვდა. ნიტრამი, დედასთან და მამასთან ერთად იზოლირებულად, იმედგაცრუებით ცხოვრობს ავსტრალიის გარეუბანში, რადგან ფიქრობს, რომ ის ვერასდროს ვერ მოერგება გარემოს. მაგრამ ერთ დღეს იგი მოულოდნელად ელენის სახით ახლო მეგობარს შეიძენს. თუმცა, როდესაც მათი ურთიერთობა ტრაგიკულად მთავრდება და ნიტრამის მარტოობა და რისხვა იზრდება, მთავარი გმირი უბედურების მომტან ნელ დაღმასვლას იწყებს.
ჩაპი ვუნდერკინდია. როგორც ნებისმიერი ბავშვი, ისიც ადვილად ექცევა გარშემომყოფთა გავლენის ქვეშ, მაგრამ არის ერთი რამ, რაც განასხვავებს ჩაპის სხვებისგან. ის პირველი მოაზროვნე რობოტია, რომელსაც გრძნობები გააჩნია…
დაფუძნებულია შემაძრწუნებელ მისიაზე, რომელმაც მსოფლიო დაატყვევა. ტაილანდის საფეხბურთო გუნდის მწვრთნელი 12 ბიჭთან ერთად ათვალიერებს თემ ლუანგის გამოქვაბულს, ამ დროს კი მოულოდნელი წვიმა მათ მთაში გამოკვეთილ დარბაზში გამოამწყვდევს. დატბორილი გვირაბების ლაბირინთში ჩამარხულებს გადარჩენის მცირე შანსი აქვთ. პროფესიონალი მყვინთავები სახიფათო გამოქვებულის კედლებში ცურვისას აღმოაჩენენ, რომ ბიჭების პოვნა მხოლოდ დასაწყისია.
ველური ბუნების მოყვარული მოხალისე ბრიტანეთის ნაპირების დაუსახლებელ კუნძულზე მოხვდება და სახიფათო თავგადასავალში გაეხვევა, რაც მის რეალობის შეგრძნებას გამოსცდის და თავს ნამდვილ კოშმარში ამოაყოფინებს.
როცა ბობის ბურგერების წინ ორმო გაჩნდება და ბელჩერების გეგმას წარმატებული ზაფხულის შესახებ საფრთხე დაემუქრება, ბობი და ლინდა ცდილობენ, ბიზნესი შეინარჩუნონ. ამ დროს კი ბავშვები გადაწყვეტენ, ეს საიდუმლო ამოხსნან და რესტორანი ასე გადაარჩინონ.
ჯონი, ნიუ-იორკში ცხოვრობს და რადიოში მუშაობს. მას შემდეგ, რაც მისმა შეყვარებულმა მასთან ურთიერთობა გაწყვიტა, ის კვლავ მარტოხელაა, რაც შესაძლებლობას აძლევს სრულად დაუთმოს თავი სამუშაოს. ამისათვის ის ქალაქიდან ქალაქში მოგზაურობს, სადაც ბავშვებს მათ იმედებსა და ოცნებებზე ესაუბრება. ერთ დღეს ჯონის ლოს-ანჯელესში მცხოვრები და, ვივი დაურეკავს, რომელიც მას მისი 9 წლის ვაჟის ჯესის მოვლას სთხოვს, რათა ვივიმ ოკლენდში მყოფ ბიპოლარული აშლილობით დაავდებულ მეუღლეს მოუაროს. რამდენიმე დღის შემდეგ ჯონს ინტერვიუების სერიების გაგრძელებას სთხოვენ, და რადგანაც ის ნიუ-იორკში უნდა დაბრუნდეს, მთავარი გმირი თავის დას, ჯესის თან წაყვანას სთხოვს. ამ მომენტიდან ჯონი და ჯესი დროის უმეტეს ნაწილს ერთად ატარებენ მის ჩინურ კვარტალში მდებარე ბინაში და მათ შორის ძალიან ახლო ურთიერთობა ყალიბდება.
MTV-ის მულტსერიალზე “ბივესი და ბათჰედი” დაფუძნებული, ანიმაციური ფილმის “ბივესი და ბათჰედი იპყრობენ ამერიკას” სიქველი, რომელშიც მოვლენები თავდაპირველად 1998 წელს ვითარდება, როდესაც ბივესი და ბათჰედი ადგილობრივი გმირები გახდებიან მათ ქალაქში. ერთი წლის შემდეგ, დიდებით და სიმდიდრით გათამამებულ გმირებს თაღლითობისთვის აპატიმრებენ და კოსმოსურ ბანაკში აგზავნიან, სადაც NASA-ს კოსმოსურ მისიაში იღებენ მონაწილეობას. მაგრამ ყველაფერი თავდაყირა დადგება, როდესაც ისინი მოგზაურობენ შავი ხვრელის გავლით და ტელეპორტირდებიან 2022 წელში.
ამ დროისათვის მარკუს ბარნეტი არის პოლიციის ინსპექტორი, ხოლო მაიკ ლოურეი კლიმაქსურ პერიოდში იმყოფება. ისინი კვლავ ერთიანდებიან მას შემდეგ, რაც ალბანელი ჯარისკაცი მათ დაპირდა მნიშვნელოვან ბონუსს...
ანიმაციური სათავგადასავლო-კომედია შემსრულებელი ბადის შესახებ, რომელიც მუსიკალურ კონკურსზე გამოდის, მოულოდნელად აღიარებს, რომ არასოდეს არ სმენია ანგუს სკატერგუდის შესახებ. შედეგად, მთავარი გმირი იძულებულია შეუერთდეს შოუს, რათა ნებისმიერ ფასად დაიუბრუნოს როკ ლეგენდის წარსული დიდება და აღიდგინოს დაკარგული სახელი…
ფილმში მოქმედება მეოთხე ეპიზოდამდე 32 წლით ადრე ხდება. გალაქტიკათაშორისი სავაჭრო ფედერაცია მშვიდობიანი პლანეტა ნაბუს დაპყრობას ცდილობს. ახალგაზრდა დედოფალი ამიდალა ჯედაის რაინდების დახმარებით იბრძვის მშობლიური პლანეტის დასაცავად.
მხიარული და ამაღელვებელი ისტორია კალათბურთის ქვედა ლიგის ჯიუტი ყოფილი მწვრთნელის მარკუსის შესახებ, რომელსაც არაერთი შეცდომის შემდეგ, სასამართლო ინტელექტუალურად შეზღუდული შესაძლებლობის მქონე ახალგაზრდა კალათბურთის მოთამაშეთა გუნდის ხელმძღვანელობას და სპეციალურ ოლიმპიადაზე მონაწილეობას დაავალებს. არასრულყოფილი, მაგრამ თავდადებული მწვრთნელი მალევე ხვდება, რომ ეჭვების მიუხედავად, ამ გუნდს შეუძლია იმაზე შორს წასვლა, ვიდრე ოდესმე წარმოიდგენდა…
დოკუმენტური ფილმი ფორმულა 1-ის შვიდგზის მსოფლიო ჩემპიონის, მიხაელ შუმახერის ცხოვრების შესახებ. მილიონობით გულშემატკივარი მთელს მსოფლიოში აღფრთოვანებული იყო მისი გამბედაობით, გამარჯვების ჟინით და გმირის იმიჯით. ფილმი მრბოლელის თვისებების მეორე მხარეს ავლენს, რომელსაც ხშირად ხედავდნენ როგორც დაუნდობელ გამარჯვების მანქანას, ასევე იშვიათი ინტერვიუებით, საშინაო ვიდეოებით და აქამდე გამოუქვეყნებელი კადრებით, რომელიც ყურადღების ცენტრიდან შორს საკუთარ თავში დაურწმუნებლობის და დაუცველობის დასაძლევად მებრძოლ მამაკაცს ასახავს.
ინესი წვალობს, თუმცა მაინც დამოუკიდებლად ცხოვრობს, ის 1990-იანი წლების ნიუ იორკში თავშესაფრიდან თავშესაფარში გადადის. მისი 6 წლის შვილი ტერი დროებით მეურვეთა ოჯახშია გაშვილებული, თუმცა ინესს არ უნდა შვილის დაკარგვა, ამიტომ მას იტაცებს, რათა ერთად ახალი ცხოვრება დაიწყონ. წლებთან ერთად ტერი იზრდება და საკმაოდ ჭკვიან მოზარდად იქცევა, თუმცა საიდუმლო, რომელმაც მათი ბედი განსაზღვრა, მათ ოჯახს განადგურებით ემუქრება.
პოლ გალიკოს ამავე სახელწოდების რომანის ახალი ადაპტაცია, რომელშიც მოვლენები 1950-იანი წლების ლონდონში ვითარდება და დაქვრივებული დამლაგებელი ქალის ადა ჰარისის შესახებ მოგვითხრობს, რომელსაც Christian Dior-ის მაღალი მოდის კაბა სიგიჟემდე შეუყვარდება და ამ ხელოვნების ნიმუშის მიღებას გადაწყვეტს. მისი ოცნებების ასასრულებლად, თავდაუზოგავი მუშაობის, შიმშილისა და აზარტული თამაშების შემდეგ, მთავარი გმირი თავგადასავლებით სავსე მოგზაურობაში მიდის პარიზში, რომელიც არა მხოლოდ მის საკუთარ მსოფლმხედველობას, არამედ Dior-ის სახლის მომავალსაც შეცვლის.
საინფორმაციო ტექნოლოგიების სკეპტიკურად განწყობილი სპეციალისტი თავის იმპროვიზირებულ ლაბორატორიაში ექსპერიმენტებს ატარებს - ცდილობს საკუთარი სმენის სერიოზულ დაქვეითებას უშველოს. მაგრამ სად მიიყვანს ეს კვლევა ? შეიხედეთ ამ უსახელო გმირის სამყაროში ამ იდუმალი და საზარელი ფილმის საშუალებით, რომელიც სუსტი ნერვების ადამიანებისთვის ნამდვილად არ შექმნილა.
სოფი იხსენებს საერთო სიხარულისა და არდადეგების წუთებს, რომლებიც მან მამასთან გაატარა ოცი წლის წინ. ჯერ კიდევ 1990-იანი წლების ბოლოს, როდესაც ის სულ რაღაც 11 წლის იყო, გოგონამ ერთი კვირა გაატარა მამასთან, კალუმთან ერთად თურქეთის ბიუჯეტურ კურორტზე და ერთადგილიან საწოლს იზიარებდა მათ სასტუმრო ოთახში, რადგან ტურისტულმა აგენტმა ვერ შეძლო ორადგილიანი საწოლის დაჯავშნა. 31 წლის მამაკაცი სოფის დედას დაშორდა და ახლა ლონდონში ცხოვრობს, ხოლო ის დედასთან დარჩა ედინბურგში. ამიტომ მთავარი გმირი მოუთმენლად ელის მასთან დროის გატარებას.
მოზარდობის დროს საუკეთესო მეგობრები სესილია და ემა 10 წლის შემდეგ ხვდებიან ერთმანეთს. ემა სესილიას წინასაქორწინო წვეულებაზე დაპატიჟებს, სადაც ის მოხვდება მოშორებით მდებარე ქოხში სკოლისდროინდელ მჩაგვრელთან და შურისძიების შანსთან ერთად.
როალდ დალის ამავე სახელწოდების საბავშვო რომანზე დაფუძნებული კლასიკური მიუზიკლის “მატილდა” რიმეიკი, ვუნდერკინდი პატარა გოგონას მატილდას შესახებ, რომელიც თავის უსიამოვნო მშობლებთან ცხოვრობს და დადის სკოლაში, რომელსაც მოძალადე დირექტორი მართავს, სადაც მისი კეთილი მასწავლებლის მის ჰანის სახით მონათესავე სულს აღმოაჩენს. შედეგად, ის იძულებული ხდება დაუპირისპირდეს საზოგადოებას, რომელიც უარს ამბობს მის მიღებაზე. მატილდა ცდილობს განავითაროს თავისი უჩვეულო შესაძლებლობები, ისწავლოს და შეიცნოს სამყარო, მაგრამ მოზარდები ყოველმხრივ ხელს უშლიან მის ცნობისმოყვარეობას და ცდილობენ შეზღუდონ იგი. მახვილი გონებითა და უზარმაზარი ფანტაზიით შეიარაღებული, ახალგაზრდა გმირი ბედავს სასწაულებრივად შეცვალოს თავისი ბედი.
ახალგაზრდა დომი ჯერ კიდევ დედასთან ერთად ცხოვრობს ლონდონში და ახლახან გაიგო, რომ მისი შეყვარებული ჯია ღალატობს თავის საუკეთესო მეგობარ ერიკთან. თავისუფლებისმოყვარე იასიმაც ასევე ცოტა ხნის წინ განიცადა მძიმე დაშორება. მოულოდნელად მათი გზები გადაიკვეთება, ამისთვის ყველაზე შეუფერებელ მომენტში, როდესაც ისინი ერთად აღმოჩნდებიან საერთო მეგობრის გამოფენაზე სამხატვრო გალერეაში. ახალგაზრდა ლონდონელი გმირები მთელი დღე დახეტიალობენ კარაოკე ბარებსა და სათამაშო მოედნებზეი. მაგრამ ამ დღეს დომს დანიშნული აქვს ყოფილთან უხერხული სადილი. შედეგად, იასიმი სადილზე თავს აჩვენებს დომის ახალ შეყვარებულად, რასაც მოჰყვება იმპულსური და მხიარული ქაოტური დღე, რა დროსაც სულ უფრო უახლოვდებიან საკუთარი გულის გახსნის შესაძლებობას.
ელისონი - ახალგაზრდა ქალია, რომელსაც აქვს ნათელი მომავალი - ის წარმატებული კარიერის მქონე, მშვენიერი საცოლეა, ჰყავს მხარდამჭერი ოჯახი და მეგობრები. მაგრამ მისი სამყარო თვალის დახამხამებაში დაინგრევა, როდესაც წარმოუდგენელი ტრაგედია დაატყდება თავს. მომდევნო წლებში თავის მომავალ მამამთილთან მეგობრობა, აძლევს მას შანსს, რომ გაძლიერდეს და გააგრძელოს ცხოვრება...
მთიან რაიონში მიმდინარე ექსპედიცია მოულოდნელად ტრაგედიად შემოტრიალდება. გადარჩენას მხოლოდ ერთი გოგონა ახერხებს. დაჭრილი და შიშისგან შეშლილი ადგილობრივ პოლიციას მიმართავს. შერიფს მისი ისტორიის არ სჯერა, მაგრამ შესამოწმებლად ექსპედიციას ამზადებს....
კრის ბელდენის ამავე სახელწოდების რომანზე დაფუძნებული კომედია, ნიუ-იორკში მცხოვრები ხშირად დეპრესიული, მთვრალი და მარტოხელა ხელოსანი მამაკაცის შესახებ, რომელსაც ცხოვრებაში ერთი წიგნიც არ წაუკითხავს. მას შეცდომით მიიწვევენ ცნობილ, მაგრამ კარჩაკეტილ მწერალ შაივერის მაგივრად უნივერსიტეტში, სადაც ის სიტყვით უნდა წარსდგეს. მთავარი გმირი მოულოდნელად აღტაცების საგანი და ყურადღების ცენტრში აღმოჩნდება მწერალთა კონფერენციაზე, რომელიც აღნიშნავს ნამდვილი ავტორის წიგნის 20 წლის იუბილეს. “შაივერი” როლში იჭრება და კონფერენციის ხელმძღვანელ ინგლისური ენის პროფესორთან აბავს რომანს, მაგრამ მალე ნამდვილი შაივერი გამოჩნდება.
როდესაც დამწყები ახალგაზრდა მეზღვაური ჯესიკა უოტსონი გადაწყვეტს გახდეს ყველაზე ახალგაზრდა ადამიანი, რომელიც მარტო, შეუჩერებლად და დაუხმარებლად დედამიწის ირგვლივ ნავით იმოგზარებს, ბევრი ჩათვლის, რომ ახალგაზრდა გმირის მისია წარუმატებელი იქნება. მაგრამ მისი მწვრთნელისა და მენტორის, ბენ ბრაიანტისა და მისი მშობლების მხარდაჭერით, ჯესიკა მტკიცედ გადაწყვეტს გააკეთოს ის, რაც აქამდე შეუძლებლად ითვლებოდა. საბოლოოდ ის, ოკეანის ერთ-ერთ ყველაზე ურთულეს მონაკვეთს გაივლის 210 დღის განმავლობაში.
მკაცრი რეჟიმის ციხის კონტროლის საკუთარ ხელში აღებისა და თავის არმიაში სხვა პატიმრების გადმობირების შემდეგ, ლოს-ანჯელესის პოლიციის ასაფეთქებელი ნივთიერებების ყოფილი ექსპერტი და კრიმინალური საქმეების დამგეგმავი უპირისპირდება ბოროტმოქმედს მოლაპარაკებების დროს, რომელსაც მძევლად ჰყავს აყვანილი პატიმრები და საიდუმლო სამსახურის ყოფილი აგენტი, რომელიც თავის პატიმარ შვილს სტუმრობდა…
კეთილი იყოს თქვენი მობრძანება ცოდვილთა ქალაქში. ეს ქალაქი იხმობს ძლიერებს, გარყვნილებს, გულგატეხილებს. ზოგი მას ბნელს უწოდებს... ცინიკოსები. ზოგიერთი მას სახლად მიიჩნევს - კორუმპირებული პოლიციელები, სექსუალური ქალბატონები, სასოწარკვეთილი სამართლიანობის მაძიებლები. ზოგიერთს შურისძიება სწყურია, სხვებს ვნება, არიან ისეთებიც, რომელნიც არცერთზე არ იტყოდნენ უარს. იმედგაცრუებული და საეჭვო გმირების შესახებ, რომლებიც ჯერ კიდევ ცდილობენ, სწორად მოიქცნენ ქალაქში, რომელსაც ეს სულაც არ ადარდებს.
დენი, არნოლტების ოჯახის თინეიჯერი ვაჟიშვილი უჩინარდება. საქმე ყველაზე გამორჩეულ დეტექტივს ფრანსუა ვისკონტის ეწერება. ცოლთან გაშორების გამო, მას უწევს რთულ საგამოძიებო პროცესს პრობლემური 16 წლის შვილის მარტო აღზრდა შეუთავსოს. როდესაც გაუჩინარებული ბიჭის ფრანგულის მასწავლებელი მომხდარის შესახებ იგებს, გამოძიებას საკუთარ თავს დამხმარედ სთავაზობს...
ედი დოდსონი ავეჯის მაღაზიის მფლობელია ლოს-ანჯელესში. ის იცნობდა ბევრ ცნობილ ადამიანს, მთელი ცხოვრება ერთობოდა, აწყობდა დაუვიწყარ მიღებებს. ერთხელაც ედის შეუყვარდა და იმისათვის, რომ ყურადღება მიექცია გადაწყვიტა გაეძარცვა ბანკი...
როცა პატარა სამხედრო დანაყოფს მოულოდნელად დაესხმებიან თავს, შეერთებული შტატების არმიამ ბრძოლა მიწისქვეშ უნდა გააგრძელოს. ეს არის გადამწყვეტი მისია, ბრძოლა - რომელიც მათ აქამდე არასდროს გამოუცდიათ...
1950-იანი წლების ლონდონი, საჯარო სამსახურის უხასიათო მოხელე გადაწყვეტს შვებულება აიღოს, რათა საზარელი დიაგნოზის დასმის შემდეგ ნამდვილი ცხოვრება გამოსცადოს...
სეთ მაკფერლეინი მის ორიგინალურ იუმორს ამჯერად დიდ ეკრანზე გვაწვდის, როგორც სცენარის ავტორი, რეჟისორი და გამხმოვანებელი. ჯონ ბენეტის ბავშვობის სათამაშო დათუნია გაცოცხლდება, რომელსაც მარტო დარჩენა არ სურს...
რეჟისორ ფლორიან ზელერის ამავე სახელწოდების პიესის მოტივებზე დაფუძნებული დრამატული ამბავი, რომელიც ოჯახური ურთიერთობების შესახებ მოგვითხრობს. მის ახალ პარტნიორთან, ემასთან და მათ შვილთან ერთად, ახალგაზრდა მამის პიტერის დატვირთული ცხოვრება თავდაყირა დადგება, როდესაც მისი ყოფილი ცოლი კეიტი თავის მატყუარა, გაუცხოებულ და გაბორეტებულ თინეიჯერ ვაჟთან, ნიკოლასთან ერთად გამოჩნდება, რომელიც თვეებია სკოლას აცდენს. შედეგად, პიტერი მთელი ძალებით ცდილობს იყოს უკეთესი მამა და დაეხმაროს ვაჟიშვილს ოჯახური ბედნიერების ამ ინტიმურ და ინსტინქტურ მომენტებში. მაგრამ ნიკოლასის მძიმე მდგომარეობა ოჯახს საშიშ გზაზე აყენებს...
2017 წლის ფილმის “The Outlaws” სიქველი, რომელშიც მოქმედება სეულის ერთ-ერთ რაიონში ჩატარებული მაშტაბური რეიდის მოვლენებიდან ოთხი წლის შემდეგ ვითარდება. დეტექტივი მა სეოკ-დუ, კაპიტან ჩონ ილ-მანთან და მის გუნდთან ერთად, გაქცეული ეჭვმიტანილის ექსტრადაციის მიზნით მიემგზავრება ვიეტნამში, მაგრამ ჩამოსვლიდან მალევე აღმოაჩენს მკვლელობის დამატებით შემთხვევებს და სასტიკი მკლელის კან ჰე-სანის შესახებ შეიტყობს, რომელიც უკვე რამდენიმე წელია ჩადის დანაშაულს ტურისტების წინააღმდეგ. ახლა კანის დასაჭერად, დეტექტივმა მამ და მისმა გუნდმა ძალ-ღონეს არ უნდა დაიშურონ...
დართ ვეიდერი მეორე "სიკვდილის ვარსკვლავს" ქმნის. ის ყველა ძალას იკრებს, რათა ამ სასიკვდილო იარაღით უკანასკნელი გამანადგურებელი დარტყმა მიაყენოს აჯანყებულებს და მათ მოკავშირეებს.
ეპიკური საგის გაგრძელება. გალაქტიკის ბრძოლა ბოროტი იმპერატორის წინააღმდეგ გრძელდება. პრინცესა ლეა იმპერიის ჯარების გამანადგურებელ შეტევას გადაურჩა. ლიუკ სქაიოუქერი ლეგენდარულ იოდას პოულობს და მისგან ჯედაის საიდუმლოებებს სწავლობს.
გალაქტიკური იმპერიის მოსახლეობა პროტესტს უცხადებს დიქტატორულ ხელისუფლებას, რომელიც მათ სამყაროზე მბრძანებლობს. აჯანყებულები იმპერატორზე თავდასხმისათვის ემზადებიან, ისინი იბრძვიან თავისუფლების მოსაპოვებლად...
ფილმი დაფუძნებულია რეალურ ისტორიაზე.18-ე საუკუნე, ინგლისი, დაიდო ელიზაბეტ ბელი სამეფო საზღვაო ფლოტის კაპიტანი ჯონ ლინდსის და შავკანიანი ქალის ქალიშვილია. გოგონა არისტოკრატულ გარემოში გაიზარდა, ის ბიძამ ლორდმა მენსფილდმა და მისმა მეუღლემ აღზარდეს...
პლანეტა პანდორას მკვიდრ ნა’ვი-ს ჰუმანოიდთა რასის ავატარის სხეულში მყოფი დედამიწელი ყოფილი ჯარისკაცის ჯეიკ სალის და მისი ცხოვრების თანამგზავრის ნეიტირის ამბის გაგრძელება, რომელიც მათი სიყვარულის და მათი ახალი ოჯახის შესახებ მოგვითხრობს, რომლებიც ყველაფერს აკეთებენ ერთად დარჩენისთვის. თუმცა, როდესაც ადრე დაწყებულის დასასრულებლად, ძველი საფრთხე დაბრუნდება, ჯეიკი თავისი პლანეტის დასაცავად ნეიტირისთან და ნა’ვი-ს რასის არმიასთან უნდა გაერთიანდეს, სადაც ახლა ისინი იძულებულნი არიან დატოვონ სახლი და შეისწავლონ პანდორას სხვადასხვა რეგიონები...
ნამდვილი ამბავი, რომელიც რევოლუციონერი აფრო-ამერიკელი ბიზნესმენების, ბერნად გარეტის და ჯო მორისის დრამატულ ამბავს მოგვითხრობს, რომლებიც 1960-იან წლებში ბიზნეს სფეროში რასისტულ-რეპრესიული პრობლემების მოსაგვარებლად თამამ და სარისკო გეგმას შეიმუშავებენ. ისინი სხვა აფრო-ამერიკელებს თავიანთი ამერიკული ოცნების განხორციელებაში ეხმარებოდნენ. გარეტის მეუღლესთან ერთად გმირები მუშათა კლასიდან თეთრკანიან, მეთ შტაინერს მათი მზარდი უძრავი ქონებისა და საბანკო საქმის წარმოების იმპერიის მდიდარ და პრივილეგირებულ სახედ განასახიერებაში ავარჯიშებენ, ხოლო თავად გარეტი და მორის დამლაგებელს და მძღოლს ანსახიერებენ. მათი წარმატება საბოლოოდ ფედერალური ბიუროს ყურადღებას იპყრობს, რაც საფრთხეს შეუქმნის ყველაფერს…
ისტორია მოგვითხრობს მორისის - სულელი ქუჩის კატის ამბავს, რომელიც ფულის საშოვნელად იდეალურ სქემას ქმნის. ის პოულობს ბრიყვის გამომეტყველებიან ბავშვს, რომელიც ჩასაბერ საკრავზე უკრავს, თავისი ვირთხების ხროვა ჰყავს და უჩვეულოდ განათლებულია...
