სხვადასხვა ამბებისგან შემდგარი ისტორია, რომლის მთავარი გმირიც ჰენრი შუგარია. ადამიანი რომელსაც მოპარული წიგნის მეშვეობით მომავლის წინასწარმეტყველება შეუძლია...
ჰეჯ-ფონდში მოულოდნელი დაწინაურება ახალგაზრდა წყვილის ურთიერთობას კრახის ზღვარზე მიიყვანს, სადაც გაცილებით მეტი აღმოჩნდება სასწორზე, ვიდრე მათი ბოლოდროინდელი ნიშნობა. მაგრამ მთავარი გმირი აღმოაჩენს, რომ მისი მონდომებული ბრძოლა პროფესიული და პირადი ცხოვრების დასაბალანსებლად მხოლოდ აისბერგის მწვერვალია თავის გაცვეთილ ურთიერთობაში.
ბეისბოლის ბურთის ზომის სეტყვა, ძლიერი ქარი და მძვინვარე ტორნადოები სუპერუჯრედებს სასიკვდილოდ აქცევს, და როდესაცც უილიამ ბროდი პატარა ბიჭი იყო, ქარიშხალებზე ლეგენდარული მონადირე - მამამისი, ერთ-ერთმა მათგანმა მოკლა. ახლა მისი ოჯახის ბიზნესი თავზეხელაღებულ ტუროპერატორს, ზეინ როჯერსის ეკუთვნის, რომელიც ხედავს დოლარის ნიშნებს იქ, სადაც სხვები - ჭექა-ქუხილს. როცა მისი ბედი ისტორიაში ერთ-ერთი ყველაზე საშინელი ქარიშხლის სახით ჩნდება, უილიამი ტოვებს დედას და სახლს, რათა გაერთიანდეს მამის ყოფილ პარტნიორთან, როი კამერონთან, რომელიც ძლივს გადაურჩა ტორნადოს. გმირები გადაწყვეტენ დაედევნონ ბუნების ერთ-ერთი ყველაზე საშინელ სტიქიურ ქმნილებას...
რალფი არის ძველი კომპიუტერული თამაშის მეორეხასისხოვანი პერსონოჟი. ის ათი წლის განმავლობაში კეთილსინდისიერად ასრულებდა ბოროტმოქმედის როლს, მაგრამ მას მობეზრდა სულ მთავარი პერსონაჟის ჩრდილში ყოფნა და გადაწყვიტა წავიდეს მოგზაურობაში სხვადასხვა ჟანრის თამაშებში, რათა დაამტკიცოს, რომ მასაც შეუძლია იყოს გმირი.
სიუჟეტის ცენტრში ყოფილი სპეცრაზმელი და კერძო დაცვის სპეციალისტი ლუო ფენგია, რომელსაც ერაყში მდებარე ჩინური ნავთობგადამამუშავებელი ქარხანის თანამშრომლების გადარჩენა მოუწევს, როდესაც ისინი ტერორისტების თავდასხმის ობიექტები გახდებიან. მალე მთავარი გმირი აღმოაჩენს, რომ ტერორისტები სინამდვილეში მძარცველები არიან, რომლებიც შავი ოქროს მოპარვას აპირებენ. მძარცველების შესაჩერებლად და მძევლების გადასარჩენად, ფენგის ყოფილი ამერიკელი საზღვაო ქვეით კრის ვან ჰორნი ეხმარება. მათ სამოქალაქო პირების ჯგუფი ბაღდადის “სიკვდილის გზის” გავლით მწვანე ზონაში უნდა გადაიყვანონ…
ჯორჯიის შტატის ქალაქ ელროდაში მცხოვრები ჩარლის ქალიშვილის გაუჩინარებიდან ერთი წლის შემდეგ, კიდევ ერთი გოგონა იკარგება. დარწმუნებული, რომ ამ ორ ინციდენტს შორის კავშირი არსებობს, ჩარლი ადგილობრივი სამართალდამცავი ორგანოებისა და ქალაქის მცხოვრებლების მიმართ ეჭვს და ზიზღს იძენს, რომელსაც ახლა ვერავინ და ვერაფერი შეაჩერებს, რომ ქალაქის ყველაზე დამანგრეველი და ბნელი საიდუმლო გამოავლინოს…
სტივენ კინგის ამავე სახელწოდების საშინელებათა რომანზე დაფუძნებული 2019 წლის ფილმის “შინაური ცხოველების სასაფლაო“ პრიკველი, რომელშიც მოვლენები ვითარდება 1969 წელს და მოგვითხრობს ახალგაზრდა ჯუდ კრენდოლის შესახებ, რომელიც ოცნებობს დატოვოს მენის შტატში მდებარე თავისი მშობლიური ქალაქი ლუდლოუ, მაგრამ მალე აღმოაჩენს ადგილობრივი სასაფლაოს სახით საშინელ საიდუმლოებებს, სადაც ყველა გარდაცვლილი შეიძლება კვლავ გაცოცხლდეს. ახალგაზრდა გმირი იძულებულია შეხვდეს ბნელ ოჯახურ ისტორიას, რომელიც სამუდამოდ დააკავშირებს მას ლუდლოუსთან. ახლა ჯუდი და მისი ბავშვობის მეგობრები უნდა შეებრძოლონ უძველეს ბოროტებას, რომელიც ლუდლოუს დაარსების დღიდან დაეუფლა.
ფილმი გვიამბობს კელის შესახებ, რომელსაც უწევს თავის „სასტიკი ოპონენტის“ (ბრუკსის) გვერდით მუშაობა. იგი მისი ძმის სტუდენტობისდროინდელი საუკეთესო მეგობარია, რომელიც ახლა კელის საოჯახო ბიზნესის - ტკბილეულის მაღაზიის - ნახევარს ფლობს...
ჯოსი – ახალგაზრდა გოგონაა, რომელიც ბავშვობიდან ინვალიდის ეტლს მიჯაჭვული, ფერწერის, წიგნების და წარმოსახვის საკუთარ სამყაროში ცხოვრობს. ერთ დღეს იგი ფერდობიდან ვარდება და მხოლოდ ცუნეოს დროული გამოჩენა უშველის. ცუნეო საზღვაო ბიოლოგიას შეისწავლის და მხოლოდ მექსიკაში მობინადრე ნარინჯისფერი თევზის ხილვაზე ოცნებობს. მათი შემთხვევითი შეხვედრის შედეგად, ჯოსის ბებია ცუნეოს ნახევარ განაკვეთზე სამუშაოს სთავაზობს, როგორც გოგონას მომვლელს. მიუხედავად იმისა, რომ ეგოისტი და მომთხოვნი ჯოსის ცხოვრებას ვერ აადვილებს ცუნეო, ის მასთან ყოფნას განაგრძობს. შედეგად მათ შორის ურთიერთობა სახეს იცვლის და ჯოსი ოცნების ახდენას გადაწყვეტს...
რომანტიკული კომედიის “ჩემი დიდი ბერძნული ქორწილი 2” მესამე ნაწილი პორტოკალოსების დიდი და თითქმის ყოველთვის მეგობრული ბერძნული ოჯახის წევრების შესახებ, რომელიც მოგვითხრობს პორტოკალოსების ამაღელვებელ და მხიარულ მოგზაურობაზე. ისინი მიდიან ბერძნულ სოფელში ოჯახის გაერთიანების მიზნით, რათა მათი გარდაცვლილი პატრიარქის გუს პორტოკალოსის უკანასკნელი სურვილი შეასრულონ…
მოახლოებული დეპრესიისგან თავის დაღწევის მცდელობისას, მარტოხელა, მაგრამ იმედით სავსე ბრინი ბრუნდება სახლში ნუგეშის საპოვნელად მშობლიურ კედლებში, სანამ ერთ ღამეს არ გააღვიძებს უცნაური ხმაური, რომელიც აშკარად არამიწიერი დამპყრობლებისგან მოდის. მოვლენები არღვევს მის რთულად მოპოვებულ სიმშვიდეს. დაპირისპირება ბრინსა და უცხოპლანეტელ არსებებს შორის, საფრთხეს უქმნის ახალგაზრა გმირის მომავალს და აიძულებენ მას გაუმკლავდეს საკუთარ წარსულს...
ეს დღე ერთ-ერთი ყველაზე ცუდი აღმოჩნდება, ჩვიდმეტი წლის გოგონას ჰელდი სალივანის ცხოვრებაში, როდესაც ის თავის რეისს გამოტოვებს და ჯონ ფიცჯერალდ კენედის სახელობის აეროპორტში ჩარჩება. ჰელდი აგვიანებს მისი მამის მეორე ქორწილში, რომელიც ტარდება ლონდონში. ახალგაზრდა გმირი ხვდება იდეალურ ბიჭს აეროპორტის ვიწრო დარბაზში. მას ოლივერი ჰქვია, ის ბრიტანელია და მის გვერდით ზის. თვითმფრინავში გრძელი ღამე თვალის დახამხამებაში გადის და გმირები აეროპორტის ქაოსში ჩასვლისთანავე კარგავენ ერთმანეთს. შეიძლება თუ არა ბედმა, ისინი კვლავ გააერთიანოს?
კოლეჯის დამთავრების შემდეგ ჯეიმი რეიესი მომავლის შესახებ უამრავი გეგმით შინ ბრუნდება, თუმცა აღმოაჩენს, რომ მისი სახლი ისეთი არ არის, როგორიც დატოვა. სანამ ჯეიმი სამყაროში მის დანიშნულებას ეძებს, საქმეში ბედისწერა ერთვება და მის ხელში მოულოდნელად აღმოჩნდება უცხოპლანეტელთა ბიოტექნოლოგიების უძველესი რელიკვია - სკარაბი.
როდესაც მოზარდების ჯგუფი გაიგებს, როგორ გამოიძახონ სულები ბალზამირებული ხელით, ისინი ერთად იკრიბებიან სპირიტური სეანსის ჩასატარებლად და დამოკიდებულნი ხდებიან ახალ შეგრძნებებზე. მიას სურს დაუკავშირდეს დედის სულს, რომელიც ზუსტად ერთი წლის წინ გარდაიცვალა. მაგრამ სეანსის დროს ცოცხალთა და მიცვალებულთა სამყაროს შორის საზღვარი იშლება და გათავისუფლებული საშინელი სულები მიას დევნას იწყებენ. შედეგად, ახალგაზრდა გმირი სიტუაციის გამოსწორებას ცდილობს, მაგრამ მას სრულიად შეუქცევადს ხდის...
კომპანია Mattel-ის ამავე სახელწოდების სათამაშოების სერიაზე დაფუძნებული რომანტიკული კომედია, ბარბილენდში მცხოვრები თოჯინა ბარბის შესახებ, რომელსაც თავისი სამყაროდან გააძევებენ იმის გამო, რომ არ არის საკმარისად სრულყოფილი, ძალიან ექსცენტრიულია და არ ერგება ტრადიციულ შაბლონს. შედეგად, მთავარი გმირი თავგადასავლებით სავსე მოგზაურობაში მიდის რეალურ სამყაროში და როცა ბარბილენდში ბრუნდება მის გადასარჩენად, ხვდება, რომ სრულყოფილება შიგნითაა და არა გარეთ, და რომ ბედნიერების გასაღები საკუთარი თავის რწმენაშია.
თანაკლასელების ბავშვობის რომანი ნორასა და ჰაე სუნგს შორის მოულოდნელად მთავრდება, როდესაც ნორას ოჯახი ემიგრაციაში წავა კანადაში. თორმეტი წლის შემდეგ, ნორა, ახლა სტუდენტია ნიუ-იორკში, რომელიც შენიშნავს, რომ ჰაე სუნგი ეძებს მას სოციალურ ქსელებში. შედეგად, ახალგაზრდა გმირები ხელახლა იკრიბებიან ონლაინ, ხშირად საუბრობენ და გაერთაინებაზე ოცნებობენ. მაგრამ გადის კიდევ ათი წელი, სანამ ისინი საბოლოოდ შეხვდებიან რამდენიმე საბედისწერო დღეს ნიუ-იორკში სუნგის ვიზიტის დროს. მიუხედავად იმისა, რომ ახლა მათი ცხოვრება რადიკალურად შეიცვალა, ისინი კვლავინდებურად დაკავშირებულები არიან რომანტიკული კავშირით...
მოვლენები ვითარდება 2021 წლის კომედიის “არდადაგების მეგობრები“ დასრულებიდან თვეების შემდეგ და მოგვითხრობს ახალდაქორწინებულების, მარკუსის და ემილის შესახებ, რომლებიც იწვევენ თავიანთ საუკეთესო მეგობრებს რონის და კაილის, რომლებიც ასევე ცოტა ხნის წინ დაქორწინდნენ და შეეძინათ ბავშვი, რათა შეუერთდნენ მათ შვებულებაში კარიბის ზღვის კურორტზე. მისი იქ წასვლის მიზეზი უპირველეს ყოვლისა არის კურორტის მფლობელებთან შეხვედრა ჩიკაგოს სასტუმროს მშენებლობის კონტრაქტზე, რომელიც მათ საკუთრებაშია. მაგრამ როდესაც კაილის დაპატიმრებულ მამას რიზის გაათავისუფლებენ სან-კვენტინიდან და მოულოდნელად ჩნდება კურორტზე ყველაზე არახელსაყრელ მომენტში, ყველაფერი კონტროლიდან გამოდის, მარკუსის საუკეთესო გეგმებს არღვევს და მეგობრების იდეალურ მოგზაურობას სრულ ქაოსად აქცევს...
დაფუძნებულია ბრამ სტოკერის 1897 წლის კლასიკური რომანის „დრაკულას“ ერთ თავზე - „კაპიტნის დღიურები“. ფილმი გვიყვება რუსი მეზღვაურის დიმიტრის შესახებ, რომელსაც დაევალა კერძო ტვირთის გადატანა - მას 24 დაუნიშნავი ხის ყუთი უნდა კარპატებიდან ლონდონში უნდა ჩაეტანა. ფილმში აღწერილია უჩვეულო მოვლენები, რომლებიც შუა ოკეანეში აღმოჩენილ ეკიპაჟს გადახდა, როცა ღამღამობით მათი დევნა უცნაურმა არსებებმა დაიწყეს. როცა გემმა საბოლოოდ უიტბის ნავსადგურში ჩააღწია, ბორტი ცარიელი აღმოჩნდა. ეკიპაჟის კვალი კი არსად ჩანდა.
მოდელების ვარსკვლავურ წყვილს მდიდრულ კრუიზში ეპატიჟებიან, რომელსაც შეშლილი კაპიტანი მართავს. რაც თავიდან ინსტაგრამის პოსტებისთვის ზედგამოჭრილი ჩანს, კატასტროფით სრულდება. გადარჩენილები კი უკაცრიელ კუნძულზე გარიყულები აღმოჩნდებიან...
დარტანიანს - გულად ახალგაზრდა გასკონელს დიდგვაროვანი ქალბატონის გადარჩენისას სასიკვდილოდ გაწირავენ. პარიზში ჩასვლის შემდეგ ის ცდილობს, თავდამსხმელები ნებისმიერ ფასად იპოვოს, თუმცა არ იცის, რომ მისი თავგადასავალი ომის შუაგულში ამოაყოფინებს თავს, სადაც საფრანგეთის მომავალი უნდა გადაწყდეს. მეფის მუშკეტერების ათოსის, პორთოსის და არამისის თანხლებით ის უპირისპირდება ვერაგი კარდინალი რიშელიესა და მილედი უინთერის მაქინაციებს, ამ დროს კი მას შეუყვარდება დედოფლის ნდობით აღჭურვილი პირი - კონსტანსი.
ბიოგრაფიული დრამა, დიდებული ამერიკელი მოკრივის ჯორჯ ფორმენის, ზედმეტსახელად “დიდი ჯორჯის”, საოცარი ცხოვრებისა და კარიერის შესახებ, რომელიც გახდა ოლიმპიური თამაშების ოქროს მედალოსანი კრივში და ორგზის მსოფლიო ჩემპიონი მძიმე წონით კატეგორიაში. ზაირში მუჰამედ ალის წინააღმდეგ წარუმატებელი სატიტულო ბრძოლის შემდეგ, რომელსაც “აურზაური ჯუნგლებში” უწოდეს, ფორმენი რწმენას იძენს, მოკრივის კარიერას ასრულებს და ქრისტიანი მღვდლი ხდება. მაგრამ როდესაც ფინანსური გაჭირვება მის ოჯახს და ეკლესიას ატყდება თავს, ის რინგზე ბრუნდება, იბრუნებს ჩემპიონობას 45 წლის ასაკში, და ხდება ყველაზე მხცოვანი მძიმეწონოსანი ჩემპიონი მსოფლიო კრივის ისტორიაში...
საშინელებათა თრილერი, ახალგაზრდა პარკერის და მისი საუკეთესო მეგობარი გოგონას მირის შესახებ, რომლებიც პანდემიისგან შეცვლილი სამყაროსგან შორს, გადაწყვეტენ კარანტინში მარტო დარჩენას ტბასთან მდებარე ოჯახის შორეულ სახლში – ყოველ შემთხვევაში, პარკერი და მირი ასე ფიქრობდნენ, რადგან ახალგაზრდა გმირები მალევე აღმოაჩენენ, რომ ისინი მარტონი არ არიან…
ნიუ-იორკელი მწერალი ბეტი წლების განმავლობაში მუშაობდა მისი საკმაოდ წარმატებული მემუარების გაგრძელებაზე და ჩანაწერებს თავის მხარდამჭერ ქმარს, დონს უზიარებდა. მაგრამ ბეტის სამყარო სწრაფად იშლება, როდესაც ის დონის და მისი სიძის, მარკის საუბარს მოისმენს, სადაც დონი ამბობს, რომ მას ნამდვილად არ მოსწონს ბეტის ახალი წიგნი. შედეგად, მთავარი გმირი თავის დასთან, სარასთან აღიარებს, რომ ათწლეულების სიყვარული და ერთგული ქორწინება გაფერმკრთალდა ამ ამაზრზენ ღალატთან შედარებით. ამავე დროს თერაპევტი დონი აწყდება თავის პროფესიულ გამოწვევებს, რადგან აღმოაჩენს, რომ ვეღარ ზრუნავს და არც კი ახსოვს თავისი უბედური პაციენტები… და ისინი ამას ამჩნევენ...
ტაილანდში მარტო მოგზაურობის დროს, სოციალური ქსელების გავლენიანი ფიგურის, ახალგაზრდა მედისონის ცხოვრება კოშმარად გადაიქცევა, როდესაც ის შეხვდება იდუმალ გოგონას, სახელად სვს, რომელიც მოგზაურობს მასთან ერთად და ახალგზრდა გმირს უჩვენებს სულ უფრო შეუზღუდავი ცხოვრების წესს, მაგრამ მოულოდნელად სვს ინტერესი მედისონის მიმართ უფრო ბნელ ხასიათს იძენს…
უამრავი მისიისა და გადაულახავი დაბრკოლებების შემდეგ დომ ტორეტომ და მისმა ოჯახმა გზაზე ყველა მტერი დაამარცხეს და განდევნეს. ახლა ისინი ყველაზე მომაკვდინებელ ძალას ებრძვიან - შემაძრწუნებელ საფრთხეს, წარსულის აჩრდილს, რომელსაც, სისხლიანი შურისძიება სწყურია და მზადაა, მისი ოჯახი ამოხოცოს და სამუდამოდ გაანადგუროს ყველაფერი და ყველა, ვინც დომისთვის ძვირფასია...
გაბედული მკვლევართა გუნდის ყვინთვა ოკეანის სიღრმეებში ქაოსად გადაიქცევა, როცა მაღაროელების ბოროტი ოპერაცია მათ მისიას საფრთხეს შეუქმნის და გადარჩენისთვის ბრძოლას აიძულებს...
ქალაქში, სადაც ცეცხლის, წყლის, მიწისა და ჰაერის წარმომადგენლები ერთად ცხოვრობენ, ცეცხლოვანი ახალგაზრდა ქალბატონი და დინებას მიყოლილი ბიჭი აღმოაჩენენ რაღაც ელემენტარულს: მათ უამრავი საერთო აქვთ...
შეერთებული შტატების პრეზიდენტის ვაჟს - ალექს კლერმონ-დიაზს და ბრიტანეთის პრინც ჰენრის ბევრი რამ აქვთ საერთო: განსაცვიფრებელი გარეგნობა, უდაო ქარიზმა, საერთაშორისო პოპულარობა… და სრული ზიზღი ერთმანეთის მიმართ. ოკეანეთი გაყოფილი, მათი დიდი ხნის მტრობა ნამდვილად არ იყო პრობლემა მანამ, სანამ სამეფო ღონისძიებაზე კატასტროფული და ძალიან საჯარო კამათი არ გახდა ტაბლოიდების საკვები, რაც აშშ-ბრიტანეთს შორის ურთიერთობის დაძაბვას გამოიწვევს. შედეგად, დაზიანებების აღდგენის რეჟიმში გადასული, მათი ოჯახი და კურატორები ორ მეტოქეს დადგმული “ზავის” დადებას აიძულებენ. მაგრამ როდესაც ალექსისა და ჰენრის ყინულოვანი ურთიერთობა მოულოდნელად იწყებს დნობას, არასაიმედო მეგობრობა, რომელიც მათ შორის არსებობდა, რაღაც უფრო ღრმაში გადაიზრდება, ვიდრე ისინი ელოდნენ...
მეოცე საუკუნის მეორე ნახევარი, ჩილე. ესტებანს ცოლად მოჰყავს კლარა, დროთა გამნმავლობაში დაუღალავი შრომის წყალობით ესტებანი დიდ ქონებას შოულობს. მათი ქალიშვილი ბლანკა იზრდება და რევოლუციონერი პედრო შეუყვარდება. ესტებანი კონსერვატიული შეხედულებების ერთგულია და სასტიკად ეწინააღმდეგება ბლანკას არჩევანს...
მორცხვი მოზარდი გაიგებს, რომ მისი წინაპრები ლეგენდარული ზღვის ურჩხულის კრაკენის სამეფო ოჯახის წევრები არიან და მისი ადგილი წყლის სიღრმეშია, რაც იმაზე დიდია, ვიდრე ოდესმე წარმოედგინა...
რვა წლის პიტერს ტანჯავს იდუმალი და მუდმივი კაკუნი მისი საძინებლის კედლის მიღმა - ხმაური, რომელიც, როგორც პიტერის მშობლები ამტკიცებენ, მთლიანად მათი ვაჟის წარმოსახვის ნაწილია. იმ დროს როდესაც ახალგაზრდა გმირის შიშები გამძაფრდება, მას მიაჩნია, რომ მისი მშობლები, ქეროლი და მარკი შესაძლოა საშინელ და საშიშ საიდუმლოს მალავენ, რის შედეგადაც ეჭვქვეშ აყენებს მათ ნდობას. და ბავშვისთვის რა შეიძლება იყოს ამაზე უარესი?../
ფილმი მოგვითხრობს ყოფილ მძარცველზე, რომელიც უკვე 30 წელია ადვოკატად მუშაობს, მას გაქცევა უწევს მას შემდეგ, რაც ახალგაზრდა ჟურნალისტი გამოამჟღავნებს მის ვინაობას...
ორი ნიუ იორკელი პოლიციელი იაკუძას დაჯგუფებებს შორის ომში ჩართული აღმოჩნდება. ისინი ერთ-ერთ მკვლელს დააკავებენ და მისი იაპონიაში დაბრუნება აქვთ დავალებული. მიუხედავად ამისა, მკვლელი გაქცევას ახერხებს. რაც უფრო მეტად ცდილობენ პოლიციელები მის კვალთან მიახლოებას, მით უფრო მეტად ხვდებიან, რომ მხოლოდ თამაშის იგივე - " იაპონური" წესით შეძლებენ მის გამოჭერას...
საკუთარი დემონების ერთხელ და სამუდამოდ დასამშვიდებლად ჯოშ ლამბერტი და კოლეჯის ასაკის დალტონ ლამბერტი იძულებულები არიან, უფრო ღრმად გამოიკვლიონ მათი ოჯახების შავ-ბნელი წარსული და ახალ და უფრო შემაძრწუნებელ არსებებს შეერკინონ წითელი კარის უკან...
ედმონდ როსტანის პიესის ,,სირანო დე ბერჟერაკი" მოტივებზე დაფუძნებული დრამატული მიუზიკლი, სულისშემძვრელი სასიყვარულო სამკუთხედის შესახებ. სირანო დე ბერჟერაკი – ადამიანია, რომელიც წინ უსწრებს დროს – ერთნაირად ოსტატურია კამათში და ფარიკაობაში. მაგრამ მთავარი გმირი დარწმუნებულია, რომ მისი გარეგნობა მას ერთგული მეგობრის, ბრწყინვალე როქსანას სიყვარულის უღირსად აქცევს, რის შედეგადაც სირანო არ რისკავს მისთვის თავისი გრძნობების გამჟღავნებას, ამასობაში კი როქსანას ერთი ნახვით შეუყვარდება კრისტიანი…
ფილმი მოგვითხრობს სტამბოლში მცხოვრები ახალგაზრდა წყვილის, იალნის და ბეიზის შესახებ, რომლებიც სკანდალის თავიდან აცილების მიზნით, გადაწყვეტენ ყველაფერი ახლიდან დაიწყონ და გადადიან ეგეოსის ზღვის სანაპიროზე მდებარე ერთ-ერთ პატარა ქალაქში. მაგრამ ქალაქის მოსახლეობა პირველივე დღიდან მტრულად განეწყობა იალნის მიმართ...
მომხიბვლელი ქურდი და თავგადასავლების მოყვარულთა გუნდი დაკარგული რელიკვიის მოპარვას განიზრახავენ, თუმცა ძარცვა წარუმატებელი გზით წავა, როცა ისინი სახიფათო ხალხს გადაეყრებიან...
მამა გაბრიელ ამორთი, ვატიკანის მთავარი ეგზორცისტი ახალგაზრდა შეპყრობილი ბიჭის საზარელ საქმეს იძიებს. ამ დროს ის აღმოაჩენს საუკუნეების წინანდელ შეთქმულებას, რომლის დამალვასაც ვატიკანი დიდი მონდომებით ცდილობს...
მოქმედება მიმდინარეობს გამოგონილ ამერიკულ ქალაქში 1955 წელს, როცა ახალგაზრდა ასტრონომების/კოსმონავტების კონვენციას (რომელიც ემსახურება სტუდენტებისა და მშობლების შეკრებასა და მეცნიერული შეჯიბრებების მოწყობას) ჩაშლის მოვლენები, რომლებიც სამყაროს შეცვლის...
ფრენჩაიზის ახალი ნაწილი, რომელშიც მოქმედება 2018 წლის ფილმში “ბამბლბი“ ასახული მოვლენებიდან 7 წლის შემდეგ ნიუ-იორკში და პერუში ვითარდება. 1994 წელს, როდესაც ოპტიმუს პრაიმი დედამიწაზე აკლიმატიზაციას წარმატებით გადის, პლანეტაზე დესეპტიკონები ჩამოდიან. არქეოლოგი და ყოფილი ჯარისკაცი ტრანსფორმერების ორ ყოფილ ფრაქციას მაქსიმალებსა და პრედაკონებს შორის ბრძოლის კვალს აღმოჩაენს, რომლებიც მათი შენიღბული ფორმით, პრეისტორიული მხეცების ფორმას იღებენ და დროსა და სივრცეში მოგზაურობენ. ახლა ისინი ჩვენთან არიან დედამიწაზე. შედეგად, ოპტიმუს პრაიმს ახალ მტრებთან ტერორკონებთან და მათ მრისხანე ლიდერთან სკორჯისთან დაპირისპირება, ხოლო ავტობოტებს და მაქსიმალებს კაცობრიობის გადანრჩენა მოუწევთ...
უსაზღვრო უკრაინული ტყეები დიდი ხანია ბევრ საიდუმლოს მალავს. აქ, საუკუნოვან ხეებს შორის, ცხოვრობენ უჩვეულო მითიური არსებები, რომლებიც იცავენ თავიანთ სამყაროს ადამიანის თვალისგან. მავკა – ტყის მომხიბვლელი ნიმფაა. მისი მთავარი მოწოდებაა დაიცვას ტყე და მისი გული – თავად სიცოცხლის წყაროები – ნებისმიერი ხელყოფისგან, მათ შორის ადამიანებისგან. ლუკაში – მუსიკის მოყვარული, ჩვეულებრივი ბიჭია, რომელიც მთელ თავის ნიჭს ფლეიტაზე დაკვრაში დებს. სწორედ ბიჭის მუსიკის წყალობით ხდება სასწაული: მავკა და ლუკაში ხვდებიან და ერთმანეთი შეუყვარდებათ...
წესების მოყვარული ბანკის მენეჯერი მისი ცხოვრების სიყვარულზე აპირებს დაქორწინებას. როცა მისი ქორწილის კვირაში მის ბანკს ცნობილი "მოჩვენება-ბანდიტები" დაესხმებიან თავს, ხვდება, რომ მისი ცოლის ნათესავები, რომლებიც ქალაქში ახლახან ჩამოვიდნენ, სწორედ ეს დამნაშავეები არიან...
ახალგაზრდა ქალს ელიტურ პანსიონში - "სამოთხის გორაკები" გააგზავნიან გამოსწორებისათვის, სადაც იგი აღმოაჩენს, რომ ამ პრესტიჟული დაწესებულების ლამაზი ფასადის მიღმა, ავისმომასწავებელი საიდუმლოება იმალება...
როცა შეუპოვარი უსახლკარო ობოლი სეია გატაცებული დის ძიებაში შემთხვევით ფარულ ძალებს იძენს, აღმოაჩენს, რომ შესაძლოა, ერთადერთი იყოს, ვისაც რეინკარნირებული ქალღმერთის დაცვა შეუძლია, რომელიც კაცობრიობის მფარველად გამოგზავნეს. შეძლებს ის საკუთარი წარსულის დავიწყებას და გახდება ზოდიაქის რაინდი?
პირველი ფილმის მოვლენებიდან ექვსი წლის შემდეგ, რალფის თავგადასავალი გრძელდება ინტერნეტსამყაროში. როდესაც Wi-Fi-ს როუტერი ერთდება არკადში, რალფმა უნდა იპოვოს გამოსავალი, რომ შუგარ რაში შეაკეთოს...
ოჯახზე ძალადობრივი თავდასხმიდან ორი წლის შემდეგ 16 წლის ბეკი ცდილობს, ახალი ცხოვრება დაიწყოს უფროს ნათესავ ქალთან ელენასთან ერთად. თუმცა როცა დამნაშავეთა დაჯგუფება სახელად "კეთილშობილი მამაკაცები" მათ სახლში შეიჭრებიან, თავს დაესხმებიან და მათ საყვარელ ძაღლს გაიტაცებენ, ბეკი იძულებულია, ძველი დრო გაიხსენოს და საყვარელი ადამიანები დაიცვას...
ჰანტერს, რომელიც ორსულობის ადრეულ ეტაპზეა, სახიფათო ნივთების გადაყლაპვის მოთხოვნილება უჩნდება. მას შემდეგ, რაც ქმარი და ოჯახი მის კონტროლს დაიწყებენ, ჰანტერი იძულებული ხდება თვალებში ჩახედოს ბნელ საიდუმლოს, რომელიც მისი ახალი აკვიატების უკან დგას...
ჩვენს წელთაღრიცხვამდე 50 წელია. ჩინეთის იმპერატორი დატყვევებულია მოღალატე პრინცის დენგ ცინ ქინის მიერ ტახტის მიტაცების შემდეგ. ფინალთეზისის, ფინიკიელი ვაჭრისა და ერთგული მცველის მაი ვეის დახმარებით იმპერატორის ერთადერთი ქალიშვილი პრინცესა სას-ი გალში გაიქცევა, რათა დახმარება ორ გულად მეომარს - ასტერიქსს და ობელიქსს სთხოვოს, რომლებიც ჯადოსნური ელექსირის წყალობით ზედამიანურ ძალებს ფლობენ. ჩვენი ორი განუყრელი გმირი სიხარულით თანხმდება პრინცესას დახმარებაზე დედის გადარჩენასა და მისი ქვეყნის გათავისუფლებაში. სწორედ ასე იწყება დიდი მოგზაურობა და თავგადასავალი ჩინეთისკენ მიმავალ გზაზე. თუმცა ახალ ტერიტორიებს მოწყურებული კეისარი და მისი უძლეველი არმიაც შუა სამეფოსკენ გადაწყვეტს გამგზავრებას...
